തിരുവനന്തപുരം: കേരള ക്രിക്കറ്റ് ലീഗ് രണ്ടാം സീസൺ മത്സരക്രമം പ്രഖ്യാപിച്ചു. നിലവിലെ ചാംപ്യൻമാരായ കൊല്ലം സെയ്‌ലേഴ്‌സും രണ്ടാം സ്ഥാനക്കാരായ കാലിക്കറ്റ് ഗ്ലോബ്സ്റ്റാർസും തമ്മിൽ ഓഗസ്റ്റ് 21നാണ് ഉദ്ഘാടന മത്സരം. തുടർന്ന് വൈകിട്ട് 7.45ന് അദാനി ട്രിവാൻഡ്രം റോയൽസ്, കൊച്ചി ബ്ലൂ ടൈഗേഴ്‌സുമായി ഏറ്റുമുട്ടും. 

ദിവസവും രണ്ട് മത്സരങ്ങൾ വീതമാണ് നടക്കുന്നത്. ടൂർണമെന്റ്് സെപ്റ്റംബർ ആറിന് സമാപിക്കും. കൊച്ചി ബ്ലൂ ടൈഗേഴ്‌സ്, ഏരീസ് കൊല്ലം സെയിലേഴ്‌സ്, കാലിക്കറ്റ് ഗ്ലോബ്സ്റ്റാർസ്, അദാനി ട്രിവാൻഡ്രം റോയൽസ്, തൃശൂർ ടൈറ്റൻസ്, ആലപ്പി റിപ്പിൾസ് എന്നീ ടീമുകളാണ് മത്സരിക്കുന്നത്. എല്ലാ മത്സരങ്ങളും കാര്യവട്ടം ഗ്രീൻഫീൽഡ് സ്റ്റേഡിയത്തിലാണ് നടക്കുന്നത്. ഇന്ത്യയുടെ വിക്കറ്റ് കീപ്പർ ബാറ്റർ സഞ്ജു സാംസൺ കൊച്ചിക്ക് വേണ്ടിയാണ് ഇറങ്ങുന്നത്. 

കെ.സി.എല്ലിൽ ഇന്ത്യൻ താരം സഞ്ജുവിന്റെ അരങ്ങേറ്റ സീസൺ കൂടിയാണിത്. 2025 സീസൺ ഐ.പി.എല്ലിന് ശേഷം സഞ്ജു കളിക്കുന്ന ആദ്യ മത്സരം കൂടിയാണിത്.ലീഗ് ഘട്ടത്തിൽ ആദ്യ നാലു സ്ഥാനങ്ങളിൽ എത്തുന്ന ടീമുകൾ നോക്കൗട്ട് റൗണ്ടിലേക്ക് യോഗ്യത നേടും. സെപ്റ്റംബർ 5നാണ് സെമി മത്സരങ്ങൾ നടക്കുക.

ഉച്ചകഴിഞ്ഞ് 2:30ന് നടക്കുന്ന ആദ്യ സെമിയിൽ ഒന്നാം സ്ഥാനക്കാർ നാലാം സ്ഥാനക്കാരെ നേരിടും. അന്നേ ദിവസം വൈകിട്ട് 6:45ന് നടക്കുന്ന രണ്ടാം സെമിയിൽ രണ്ടും മൂന്നും സ്ഥാനക്കാർ തമ്മിൽ ഏറ്റുമുട്ടും. ഈ മത്സരങ്ങളിലെ വിജയികൾ സെപ്റ്റംബർ 6ന് വൈകിട്ട് 6:45ന് നടക്കുന്ന കിരീടപ്പോരിൽ ഏറ്റുമുട്ടും.

The Kerala Cricket League has announced the schedule for the second season The opening match will be played on August 21 between defending champions Kollam Sailors and second-placed Calicut Globestars