ഇന്ത്യൻ ഓപ്പണർ യശ്വസി ജെയ്‌സ്വാളിനെ പ്രശംസിച്ച് ഇന്ത്യൻ ഇതിഹാസം സച്ചിൻ ടെണ്ടുൽക്കർ. കളിക്കളത്തിലെ ജെയ്‌സ്വാളിന്റെ മാനസികാവസ്ഥ തന്നെ വളരെയധികം ആകർഷിച്ചുവെന്നും ഒരു ഭയവുമില്ലാത്ത ബാറ്ററാണ് ജെയ്‌സ്വാൾ എന്നുമാണ് സച്ചിൻ അഭിപ്രായപ്പെട്ടത്. ഇംഗ്ലണ്ടിനെതിരെയുള്ള ടെസ്റ്റ് പരമ്പരയിലെ ജെയ്‌സ്വാളിന്റെ മികച്ച പ്രകടനത്തിന് പിന്നാലെയാണ് സച്ചിൻ ജെയ്‌സ്വാളിനെക്കുറിച്ച് സംസാരിച്ചത്.  

"ജെയ്‌സ്വാൾ അവന്റെ മെന്റാലിറ്റി കൊണ്ട് എന്നെ ആകർഷിച്ചു. അദ്ദേഹം ഒരു ഭയമില്ലാത്ത ബാറ്ററാണ്. എപ്പോൾ വേഗത കൂട്ടണം, എപ്പോൾ കളിക്കണം, എപ്പോൾ റൺസ് എടുക്കണം, എപ്പോൾ നോൺ സ്ട്രൈക്കർ എന്റിലേക്ക് പോകണം ഈ കാര്യങ്ങളെല്ലാം അവന് നന്നായി അറിയാം. ഒരു ബാറ്റർ ഇത് കൃത്യമായി മനസ്സിലാക്കണമെന്ന് ഞാൻ കരുതുന്നു'' സച്ചിൻ ടെണ്ടുൽക്കർ റെഡ്ഡിറ്റിന് നൽകിയ അഭിമുഖത്തിൽ പറഞ്ഞു. 

ഇംഗ്ലണ്ടിനെതിരായ ടെസ്റ്റിൽ 10 ഇന്നിങ്‌സുകളിൽ നിന്നും 411 റൺസാണ് ജെയ്‌സ്വാൾ നേടിയത്. രണ്ട് സെഞ്ച്വറികൾ നേടിയും രാജസ്ഥാൻ റോയൽസ് താരം തിളങ്ങിയിരുന്നു. ഓവലിൽ നടന്ന അവസാന ടെസ്റ്റിൽ ഇന്ത്യക്കായി ജെയ്‌സ്വാൾ തിളങ്ങിയിരുന്നു. 164 പന്തിൽ 118 റൺസാണ് ജെയ്‌സ്വാൾ നേടിയത്. 14 ഫോറുകളും രണ്ട് സിക്സുകളും അടങ്ങുന്നതാണ് ജെയ്‌സ്വാളിന്റെ ഇന്നിങ്‌സ്. ഈ പ്രകടനത്തോടെ സച്ചിൻ ടെണ്ടുൽക്കറിന്റെ പേരിലുള്ള ഒരു റെക്കോർഡും ജെയ്‌സ്വാൾ തകർത്തിരുന്നു.

23 വയസ്സുള്ളപ്പോൾ ഇംഗ്ലണ്ടിനെതിരെ ഏറ്റവും കൂടുതൽ 50+ സ്കോറുകൾ സ്വന്തമാക്കുന്ന ഇന്ത്യൻ തരാമെന്ന് സച്ചിന്റെ റെക്കോർഡാണ് ജെയ്‌സ്വാൾ തകർത്തത്. റെക്കോർഡ്. ഇതുവരെ ഒമ്പത് തവണയാണ് ജെയ്‌സ്വാൾ ഇംഗ്ലണ്ടിനെതിരെ 50+ സ്കോർ നേടിയത്. ഇംഗ്ലണ്ടിനെതിരെ ജെയ്‌സ്വാൾ മൂന്ന് സെഞ്ച്വറികളും ആറ് അർദ്ധ സെഞ്ച്വറികളും ആണ് താരം ഇതുവരെ നേടിയത്.സച്ചിൻ ഇംഗ്ലണ്ടിനെതിരെ എട്ട് തവണയാണ് 50+ സ്കോറുകൾ നേടിയത്. 

ഇന്ത്യ-ഇംഗ്ലണ്ട് അഞ്ചു മത്സരങ്ങളുടെ പരമ്പര(2-2) സമനിലയിലാണ് അവസാനിച്ചത്. ഓവലിൽ നടന്ന അവസാന മത്സരത്തിൽ ത്രില്ലർ വിജയമായിരുന്നു ഇന്ത്യ സ്വന്തമാക്കിയത്. അഞ്ചാം ടെസ്റ്റിന്റെ അവസാന ദിനം ഇംഗ്ലണ്ടിന്റെ അവസാന നാല് വിക്കറ്റുകൾ വീഴ്ത്തിയാണ് ത്രില്ലിങ് വിജയം നേടിയത്. മത്സരത്തിന്റെ രണ്ടാം ഇന്നിങ്സിൽ മുഹമ്മദ് സിറാജിന്റെ അഞ്ച് വിക്കറ്റും പ്രസിദ്ധ് കൃഷ്ണയുടെ നാല് വിക്കറ്റും ആണ് ഇന്ത്യയ്ക്ക് അവിസ്മരണീയമായ വിജയം സമ്മാനിച്ചത്.

Indian legend Sachin Tendulkar has praised Indian opener yashasvi jaiswal. Sachin said that jaiswals mentality on the field impressed him a lot and that Jaiswal is a fearless batter