സംസ്ഥാനത്ത് ഇന്ന് സ്വര്‍ണ വിലയില്‍ വലിയ വര്‍ധനവാണ് രേഖപ്പെടുത്തിയിരിക്കുന്നത്. എല്ലാ കണക്കു കൂട്ടലും തെറ്റിച്ചാണ് ഇന്നത്തെ കുതിപ്പ്.  ആഗസ്റ്റ് ഒന്നിലെ താരിഫ് സമയ പരിധി അവസാനിക്കുന്നത് വരെ സ്വര്‍ണ വില ഏകീകൃതമായി തുടര്‍ന്നേക്കും എന്നായിരുന്ന കണക്കുകൂട്ടല്‍. കഴിഞ്ഞ ഒരാഴ്ചയ്ക്കിടെ ഇതാദ്യമായാണ് സ്വര്‍ണ വിലയില്‍ വര്‍ധനവ് ഉണ്ടായിരിക്കുന്നത് എന്നതും ശ്രദ്ധേയം. 

ജൂലൈ 23 ന് 75040 രൂപ എന്ന സര്‍വകാല റെക്കോഡിലേക്ക് എത്തിയ പവന്‍ വില അതിന് ശേഷം ഓരോ ദിവസവും കുറയുകയായിരുന്നു. ഇന്നലെ വരെ മാത്രം 1840 രൂപയോളം കുറഞ്ഞിരുന്നു സ്വര്‍ണത്തിന്.  രണ്ട് ദിവസം കൂടി ഈ നില തുടരുമെന്നും എല്ലാവരും കണക്കുകൂട്ടി. എന്നാല്‍ ഈ പ്രതീക്ഷ തെറ്റിച്ച് കൊണ്ടാണ് സ്വര്‍ണവില ഇന്ന് കുതിച്ചത്. 

സംസ്ഥാനത്തെ ഇന്നത്തെ വില അറിയാം

60 രൂപ കൂടി 9150 രൂപയില്‍ വ്യാപാരം നടത്തിയിരുന്ന ഗ്രാം സ്വര്‍ണത്തിന് ഇന്ന് 9210 രൂപയായി മാറി. ഇന്നലെ ഒരു പവന്‍ സ്വര്‍ണത്തിന് 73200 രൂപയായിരുന്നു വില. ജൂലൈ 18 ന് ശേഷമുള്ള ഏറ്റവും താഴ്ന്ന വിലയായിരുന്നു ഇത്. എന്നാല്‍ ഇന്ന് പവന് 480 രൂപ കൂടിയതോടെ 73680 എന്ന നിലയിലാണ് വ്യാപാരം പുരോഗമിക്കുന്നത്. എട്ട് ഗ്രാം ആണ് ഒരു പവന്‍ ആയി കണക്കാക്കുന്നത്. 

അഡ്വാന്‍സ് ബുക്കിഹ് ആണ് സുരക്ഷിതം
സ്വര്‍ണ വില ചാഞ്ചാടുന്ന അവസരത്തില്‍ അഡ്വാന്‍സ് ബുക്കിങ് ആണ് സുരക്ഷിതം. കുറഞ്ഞ വിലക്ക് സ്വര്‍ണം ലഭിക്കാനുള്ള മാര്‍ഗമാണിത്. എന്നാല്‍ ഇതന്റെ എല്ലാ വശങ്ങളും അറിഞ്ഞ ശേഷം വേണം തീരുമാനമെടുക്കാന്‍.

Kerala witnessed a significant increase in gold prices today, surprising analysts who had expected stable rates until the August 1 tariff deadline. This marks the first upward movement in gold rates in over a week.