സി മുഹമ്മദലി

കേരള ആരോഗ്യ സര്‍വകലാശാലയില്‍ 2024ല്‍ പഠനം പൂര്‍ത്തിയാക്കിയ ബിഎസ് സി നഴ്‌സിങ് വിദ്യാര്‍ഥികള്‍ക്ക് ഈ വര്‍ഷം ഉപരിപഠനത്തിന് അപേക്ഷിക്കാനാവില്ല. 

2019 സെപ്റ്റംബറില്‍ നഴ്‌സിങ് ബിരുദപഠനം ആരംഭിച്ച് 2024 മെയില്‍ പഠനകാലാവധി പൂര്‍ത്തിയാക്കിയവരുടെ ഉപരിപഠന സാധ്യതയാണ് മങ്ങുന്നത്. 2024 വരെയുള്ള വിദ്യാര്‍ഥികള്‍ക്ക് ഉപരിപഠനത്തിന് ഒരു വര്‍ഷത്തെ ജോലി പരിചയം ആവശ്യമാണ്. ഇത് അവസാനിക്കുന്നത് സെപ്റ്റംബറിലാണ്. 

എംഎസ് സി നഴ്‌സിങ്  പ്രവേശന പരീക്ഷക്ക് അപേക്ഷിക്കാനുള്ള അവസാന തീയതി ആഗസ്റ്റ് 04. അവസാന തീയതി രണ്ട് മാസമെങ്കിലും നീട്ടണമെന്നും വിദ്യാര്‍ഥികള്‍ ആവശ്യപ്പെടുന്നു. 

ALSO READ: മിൽമയിൽ ജോലി നേടാൻ വീണ്ടും അവസരം; 29,400 രൂപ ശമ്പളം; അപേക്ഷ ആ​ഗസ്റ്റ് 07 വരെ 

കോടതി ഇടപെടലുണ്ടായതിനാല്‍ 2024ന് ശേഷമുള്ള ബിഎസ് സി നഴ്‌സിങ് വിദ്യാര്‍ഥികള്‍ക്ക് പ്രവൃത്തി പരിചയം നിര്‍ബന്ധമില്ല. അവര്‍ക്ക് പിജി പ്രവേശന പരീക്ഷയ്ക്ക് അപേക്ഷിക്കുന്നതിന് തടസമില്ല. കേരളത്തിന് പുറത്ത് പഠിച്ച വിദ്യാര്‍ഥികളും കൃത്യമായി പരീക്ഷയും രജിസ്‌ട്രേഷനും പൂര്‍ത്തിയാക്കിയിട്ടുണ്ട്. കോവിഡ് കാലമായതിനാലാണ് കേരള ആരോഗ്യ സര്‍വകലാശാല വിദ്യാര്‍ഥികള്‍ക്ക് കോഴ്‌സില്‍ താമസം നേരിട്ടത്.

കൂടുതല്‍ കരിയര്‍ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

ബി. ടെക് ലാറ്ററൽ എൻട്രി സ്‌പോട്ട് അഡ്മിഷൻ

മൂന്നാർ എഞ്ചിനീയറിംഗ് കോളേജിൽ 2025-26 അധ്യയന വർഷത്തിൽ ബി.ടെക് രണ്ടാം വർഷത്തിൽ ഒഴിവുള്ള സീറ്റുകളിലേക്ക് ലാറ്ററൽ എൻട്രി സ്‌കീമിൽ സ്‌പോട്ട് അഡ്മിഷൻ നടത്തും. ബി. ടെക്ക് കമ്പ്യൂട്ടർ സയൻസ് ആന്റ് എഞ്ചിനീയറിംഗ് (CSE), ഇലക്ട്രോണിക്‌സ് ആന്റ് കമ്മ്യൂണിക്കേഷൻ എഞ്ചിനീയറിംഗ് (ECE), ഇലക്ട്രിക്കൽ ആന്റ് ഇലക്ട്രോണിക്‌സ് എഞ്ചിനീയറിംഗ് (EEE), മെക്കാനിക്കൽ എഞ്ചിനീയറിംഗ് (ME) ബ്രാഞ്ചുകളിലേക്ക് ഡിപ്ലോമ യോഗ്യതയുള്ള വിദ്യാർഥികൾക്ക് അസൽ സർട്ടിഫിക്കറ്റുകളുമായി ആഗസ്റ്റ് 1 11 മണിക്ക് കോളേജിൽ നേരിട്ട് ഹാജരായി അഡ്മിഷൻ എടുക്കാം. വിശദവിവരങ്ങൾക്ക്: 9447570122, 9061578465.

BSc Nursing students who completed their studies in 2024 at Kerala University of Health Sciences will not be able to apply for postgraduate studies this year.