തുടര്‍ച്ചയായ രണ്ടാം ദിവസവും സംസ്ഥാനത്ത് സ്വര്‍ണവിലയില്‍ ഇടിവ്. യു.എസ് പ്രസിഡന്റ് ഡൊണാള്‍ഡ് ട്രംപിന്റെ താരിഫ് ഭീഷണി മൂലം സാമ്പത്തിക ലോകത്ത് അനിശ്ചിതത്വം നിലനില്‍ക്കുന്നുണ്ട്. എന്നാല്‍ ഡോളര്‍ കരുത്ത് കാണിച്ചതാണ് സ്വര്‍ണ വിലയെ പിറകോട്ടടിപ്പിച്ചതെന്ന് നിരീക്ഷകര്‍ ചൂണ്ടിക്കാട്ടുന്നു. ജൂലൈ അവസാന വാരം നിലനിന്നിരുന്ന അതേ സാഹചര്യമാണ് ആഗസ്റ്റിലെ ആദ്യ ദിവസവും സ്വര്‍ണ വിപണിയില്‍ പ്രതിഫലിക്കുന്നത്.

അതേസമയം, തുടര്‍ച്ചയായി വില കുറയുന്നു എന്നല്ലാതെ വലിയ നേട്ടമൊന്നും ഉപഭോക്താക്കള്‍ക്ക് ഉണ്ടാവുന്നില്ല. ജൂലൈ 23ന് സ്വര്‍ണ വില പവന് 75040 എന്ന സര്‍വകാല റെക്കോഡിലേക്ക് എത്തിയിരുന്നു. 

ഇന്നത്തെ നിരക്കുകള്‍ അറിയാം
സംസ്ഥാനത്ത് ഇന്ന് ഒരു ഗ്രാം സ്വര്‍ണത്തിന് 20 രൂപകുറഞ്ഞ് വില ഇന്ന് 9150 ലേക്ക് എത്തി. ഒരു പവന്‍ സ്വര്‍ണത്തിന് 160 രൂപയുടെ കുറവാണ് ഇന്ന് രേഖപ്പെടുത്തിയത്. ഇതോടെ  ഒരു പവന്‍ സ്വര്‍ണത്തിന്റെ വില 73200 ലേക്ക് എത്തി. 

24 കാരറ്റ് 
ഗ്രാമിന് 21 രൂപ കുറഞ്ഞ് 9,982
പവന് 168 രൂപ കുറഞ്ഞ് 79,856

22 കാരറ്റ് 
ഗ്രാമിന് 20രൂപ കുറഞ്ഞ് 9,150
പവന് 160 രൂപ കുറഞ്ഞ് 73,200

18 കാരറ്റ്
ഗ്രാമിന് 16 രൂപ കുറഞ്ഞ് 7,487
പവന് 128 രൂപ കുറഞ്ഞ് 59,896

ALSO READ: പട്ടിണിക്കോലങ്ങളെ ഭക്ഷണം കാട്ടി കൊന്നൊടുക്കുന്ന ഗസ്സയിലെ 'സ്ഥിതി വിലയിരുത്താന്‍' ട്രംപിന്റെ പ്രത്യേക ദൂതന്‍ സ്റ്റീവ് വിറ്റ്‌കോഫ് ഗസ്സയിലേക്ക്

സ്വര്‍ണത്തെ ആഭരണം എന്നതിനേക്കാളുപരി സുരക്ഷിതമായ നിക്ഷേപം എന്ന നിലയിലാണ് എല്ലാവരും കാണുന്നത്. എന്നാല്‍ സാധാരണക്കാരാകട്ടെ നിക്ഷേപം എന്ന നിലക്കാണെങ്കിലും ആഭരണമായിട്ടാണ് സ്വര്‍ണം വാങ്ങുക. ഉപോയഗിക്കുകയും ചെയ്യാം ആവശ്യം വരുമ്പോള്‍ വില്‍ക്കുകയും ചെയ്യാം എന്നതാണ് അവരുടെ ലൈന്‍. എന്നാല്‍ ഇന്ന് ഈ കണക്കുകൂട്ടലില്‍ സ്വര്‍ണം വാങ്ങുന്നത് ലാഭകരമല്ലെന്ന് വിദഗ്ധര്‍ ചൂണ്ടിക്കാട്ടുന്നു. കാരണം സ്വര്‍ണത്തിന്റെ വിലയ്ക്ക് പുറമെ പണിക്കൂലി കൂടി ആഭരണത്തിന് കൊടുക്കണം. ഏതാണ്ട് 5000ത്തോളം രൂപയെങ്കിലും അധിക ചെലവ് വരും ആഭരണം വാങ്ങുമ്പോള്‍. 

പണിക്കൂലി,ഹാള്‍മാര്‍ക്കിംഗ് നിരക്ക്, ജിഎസ്ടി എന്നിവ കൂടി കൂടുമ്പോള്‍ ഇന്നത്തെ വിലയ്ക്ക് ഒരു പവന്റെ സ്വര്‍ണാഭരണം വാങ്ങിക്കാന്‍ 78000 രൂപയെങ്കിലും ചെലവാകും.