ഇന്ത്യൻ ഇലക്ട്രിക് ഇരുചക്ര വാഹന വിപണിയിൽ വൻ മുന്നേറ്റവുമായി ഒബെൻ എന്ന കമ്പനി. ആകർഷകമായ ഡിസൈനും അത്യാധുനിക ഫീച്ചറുകളും സമന്വയിപ്പിച്ച് ഒബെൻ റോർ ഈസി സിഗ്മ എന്ന പേരിൽ പുത്തൻ മോട്ടോർസൈക്കിളാണ് വിപണിയിൽ കമ്പനി അവതരിപ്പിച്ചിരിക്കുകന്നത്. 3.4 kWh, 4.4 kWh എന്നിങ്ങനെ രണ്ട് ബാറ്ററി വേരിയന്റുകളിൽ സ്കൂട്ടർ ലഭ്യമാകും. 3.4 kWh, 4.4 kWh എന്നിങ്ങനെ രണ്ട് ബാറ്ററി വേരിയന്റുകളിൽ വരുന്ന മോഡലിന് യഥാക്രമം 1.27 ലക്ഷം, 1.37 ലക്ഷം രൂപ എന്നിങ്ങനെയാണ് വില. ഈ വില പരിമിത കാലത്തേക്ക് മാത്രമാണെന്നും വിലയിൽ വർധനവ് ഉണ്ടായേക്കാമെന്നും ഒബെൻ അറിയിച്ചിട്ടുണ്ട്.

2,999 രൂപ ടോക്കൺ തുകയടച്ച് ഉപഭോക്താക്കൾക്ക് ഈ മോട്ടോർസൈക്കിൾ ഇപ്പോൾ ബുക്ക് ചെയ്യാവുന്നതുമാണ്. ഡീലർഷിപ്പുകളിൽ ടെസ്റ്റ് റൈഡുകൾക്ക് അവസരം ആരംഭിച്ചതായും കമ്പനി വ്യക്തമാക്കി. ഈ മാസം 15 മുതൽ ഡെലിവറി ആരംഭിക്കും. ഒബെൻ റോർ പ്ലാറ്റ്‌ഫോമിന്റെ അടുത്ത തലമുറ എന്നാണ് റോർ ഈസി സിഗ്മയെ ബ്രാൻഡ് വിശേഷിപ്പിക്കുന്നത്.

ALSO READ: ഇന്ത്യൻ കടൽ കടന്ന ഫൈവ് ഡോർ ജിംനിയുടെ ഡെലിവറി നിർത്തിവച്ചു

 

 

ആകർഷകമായ ഡിസൈനും നൂതന സവിശേഷതകളും

റോർ ഈസി സിഗ്മയുടെ രൂപകൽപ്പന ആദ്യ കാഴ്ചയിൽ തന്നെ ശ്രദ്ധ പിടിച്ചുപറ്റുന്നു. മുൻഗാമിയായ റോർ ഈസിയുടെ ഡിസൈൻ ശൈലി നിലനിർത്തിക്കൊണ്ട്, ഫോട്ടോൺ വൈറ്റ്, ഇലക്ട്രോ ആംബർ, സർജ് സിയാൻ എന്നിവയ്ക്കൊപ്പം പുതിയ ഇലക്ട്രിക് റെഡ് നിറവും അവതരിപ്പിച്ചിട്ടുണ്ട്. ബോൾഡർ ഗ്രാഫിക്സും 200 mm ഗ്രൗണ്ട് ക്ലിയറൻസും 17 ഇഞ്ച് അലോയ് വീലുകളും ഇന്ത്യൻ നഗര റോഡുകൾക്ക് അനുയോജ്യമാക്കുന്ന രീതിയിലാണ് രൂപ കല്പന ചെയ്തിരിക്കുന്നത്. ദീർഘദൂര യാത്രകൾക്കായി സീറ്റ് കൂടുതൽ സൗകര്യപ്രദവുമാക്കിയിട്ടുണ്ട്.

അത്യാധുനിക ഫീച്ചറുകൾ

5 ഇഞ്ച് TFT കളർ ഡിസ്‌പ്ലേയാണ് ബൈക്കിന്റെ മുഖ്യ ആകർഷണം. ടേൺ-ബൈ-ടേൺ നാവിഗേഷൻ, കോൾ, മെസേജ് അലേർട്ടുകൾ, മ്യൂസിക് കൺട്രോൾ, ട്രിപ്പ് മീറ്റർ എന്നിവ ഇതിൽ ലഭ്യമാണ്. പാർക്കിംഗിനെ എളുപ്പമാക്കുന്ന റിവേഴ്‌സ് മോഡും പുതിയ സവിശേഷതയാണ്. ഒബെൻ ഇലക്ട്രിക് ആപ്പിലേക്ക് ഒരു വർഷത്തെ സൗജന്യ സബ്‌സ്‌ക്രിപ്‌ഷനും ലഭിക്കും, ഇത് റിമോട്ട് ഡയഗ്നോസ്റ്റിക്സ്, ആന്റി-തെഫ്റ്റ് ലോക്ക്, റൈഡ് ട്രാക്കിംഗ്, ചാർജിംഗ് സ്റ്റേഷൻ ലൊക്കേറ്റർ തുടങ്ങിയവ വാഗ്ദാനം ചെയ്യുന്നു.

ALSO READ: എഥനോൾ കലർത്തിയ പെട്രോൾ: വാഹനങ്ങൾക്ക് ഗുണമോ ദോഷമോ?

 

 

സുരക്ഷയും പ്രകടനവും

യൂണിഫൈഡ് ബ്രേക്ക് അസിസ്റ്റ് (UBA), ഡ്രൈവർ അലേർട്ട് സിസ്റ്റം, ജിയോ-ഫെൻസിംഗ് തെഫ്റ്റ് പ്രൊട്ടക്ഷൻ, 230 mm വാട്ടർ-വേഡിംഗ് ശേഷി എന്നിവ സുരക്ഷ ഉറപ്പാക്കുന്നു. ഒബെനിന്റെ എൽഎഫ്പി ബാറ്ററി സാങ്കേതികവിദ്യ മികച്ച താപനില പ്രതിരോധവും ദീർഘായുസും വാഗ്ദാനം ചെയ്യുന്നു. 175 കിലോമീറ്റർ റേഞ്ച്, മണിക്കൂറിൽ 95 കിലോമീറ്റർ വേഗത, 3.3 സെക്കൻഡിൽ 0-40 കിലോമീറ്റർ എന്നിവയാണ് പ്രകടന വാഗ്ദാനങ്ങൾ. ഇക്കോ, സിറ്റി, ഹാവോക്ക് എന്നീ മൂന്ന് റൈഡിംഗ് മോഡുകളും ഫാസ്റ്റ് ചാർജിംഗ് സൗകര്യവും (1.5 മണിക്കൂറിൽ 0-80%) ബൈക്കിനെ മികവുറ്റതാക്കുന്നു.

 

 

നേരത്തെ അവതരിപ്പിച്ച റോർ ഈസി 89,999 രൂപയുടെ പ്രാരംഭ വിലയിൽ വൻ വിജയമായിരുന്നു. പുതിയ സിഗ്മ വേരിയന്റ്, ഇന്ത്യയിലെ വളർന്നുവരുന്ന ഇലക്ട്രിക് കമ്മ്യൂട്ടർ മോട്ടോർസൈക്കിൾ വിഭാഗത്തിൽ മത്സരം കടുപ്പിക്കുമെന്നാണ് പ്രതീക്ഷ.

Oben launches the Rorr EZ Sigma, an electric scooter with a 175 km range and 80% charge in 1.5 hours. Priced at ₹1.27 lakh and ₹1.37 lakh for 3.4 kWh and 4.4 kWh variants, it features a 5-inch TFT display, reverse mode, and smart connectivity. Deliveries begin August 15, 2025