ദുബൈ: ഡ്രൈവിങ് സ്‌കൂളുകളിലെ ഇന്‍സ്ട്രക്ടര്‍മാരുടെയും ട്രെയിനികളുടെയും പെരുമാറ്റം നിരീക്ഷിക്കാന്‍ നിര്‍മിത ബുദ്ധിയും നൂതന കാമറകളും ഉപയോഗപ്പെടുത്തി പുതുതായി ആരംഭിച്ച സ്മാര്‍ട്ട് മോണിറ്ററിങ് സിസ്റ്റത്തില്‍ നിന്ന് ദുബൈ റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍.ടി.എ) മികച്ച ഫലങ്ങള്‍ റിപ്പോര്‍ട്ട് ചെയ്തു.

കഴിഞ്ഞ ഏഴ് മാസത്തിനിടെ, 245,764 ട്രെയിനികളില്‍ 1.73 ദശലക്ഷം പരിശീലന സെഷനുകള്‍ സിസ്റ്റം ട്രാക്ക് ചെയ്തു. കഴിഞ്ഞ വര്‍ഷത്തെ ഇതേ കാലയളവിനെ അപേക്ഷിച്ച് 14 മടങ്ങ് വര്‍ധനയാണുണ്ടായിരിക്കുന്നത്. ആര്‍.ടി.എ ലൈസന്‍സിങ് ഏജന്‍സിയിലെ ലൈസന്‍സിങ് ആക്ടിവിറ്റീസ് മോണിറ്ററിങ് ഡിപാര്‍ട്‌മെന്റ് വികസിപ്പിച്ചെടുത്ത സംവിധാനം, സേവന നിലവാരം മെച്ചപ്പെടുത്തുന്നതിനും സുരക്ഷിത ഡ്രൈവിങ് രീതികള്‍ പ്രോത്സാഹിപ്പിക്കുന്നതിനും ദുബൈയുടെ ഡിജിറ്റല്‍ പരിവര്‍ത്തന യാത്ര ത്വരിതപ്പെടുത്തുന്നതിനുമുള്ള ആര്‍.ടി.എയുടെ വിശാല തന്ത്രത്തിന്റെ ഭാഗമാണ്. സുഗമവും സുസ്ഥിരവുമായ ഗതാഗത സൗകര്യങ്ങളില്‍ ലോക നേതാവാകുക എന്ന ആര്‍.ടി.എയുടെ കാഴ്ചപ്പാടിനെ ഇത് പിന്തുണയ്ക്കുന്നു.

സുരക്ഷാ ചട്ടങ്ങള്‍ പൂര്‍ണമായി പാലിക്കുന്നതില്‍ പരിശീലന സ്ഥാപനങ്ങളുടെ പങ്ക് ആര്‍.ടി.എ ഊന്നിപ്പറയുന്നു. തന്ത്രപരമായ പങ്കാളികളുമായുള്ള അടുത്ത സഹകരണത്തിലൂടെ മുഴുവന്‍ ഡ്രൈവിങ് സ്‌കൂളുകളും സുരക്ഷ, കാര്യക്ഷമത, പ്രൊഫഷണലിസം എന്നിവയുടെ ഉയര്‍ന്ന നിലവാരവുമായി പൊരുത്തപ്പെടുന്ന സേവനങ്ങള്‍ നല്‍കുന്നുണ്ടെന്ന് ഉറപ്പാക്കാന്‍ ആര്‍.ടി.എ ലക്ഷ്യമിടുന്നുവെന്നും ഇതുസംബന്ധമായ റിപ്പോര്‍ട്ടില്‍ പറഞ്ഞു.

സ്മാര്‍ട്ട് മോണിറ്ററിങ് സിസ്റ്റം റെഗുലേറ്ററി മേല്‍നോട്ടം ശക്തിപ്പെടുത്തുക മാത്രമല്ല, ദുബൈയുടെ ഡ്രൈവര്‍ പരിശീലന ചുറ്റുപാടിലുടനീളം ഉത്തരവാദിത്തത്തിന്റെ സംസ്‌കാരത്തെ പ്രോത്സാഹിപ്പിക്കുകയും ചെയ്യുന്നു.

ലൈസന്‍സിങ് ഇന്റലിജന്റ് ഓപറേഷന്‍സ് സെന്റര്‍ വഴിയാണ് ഈ എ.ഐ പവേഡ് സിസ്റ്റം പ്രവര്‍ത്തിക്കുന്നത്. കൂടാതെ, ഇന്‍സ്‌പെക്ടര്‍മാര്‍ ഉപയോഗിക്കുന്ന സ്മാര്‍ട്ട് ടാബ്‌ലെറ്റുകളുമായി ഇത് സംയോജിപ്പിച്ചിരിക്കുന്നു. പരിശോധന സമയം 20ല്‍ നിന്ന് ഒരു മിനുട്ടായി കുറയ്ക്കുകയും, ലംഘനങ്ങളുടെ എണ്ണം അഞ്ചിരട്ടിയാക്കുകയും ചെയ്തതാണ് ഇതിന്റെ ഏറ്റവും പ്രധാനപ്പെട്ട നേട്ടങ്ങളിലൊന്ന്.

ഡ്രൈവിങ് സ്‌കൂള്‍ വാഹനങ്ങളില്‍ ഘടിപ്പിച്ചിരിക്കുന്ന ഈ സിസ്റ്റം, മെഷിന്‍ ലേണിങ്ങും കംപ്യൂട്ടര്‍ വിഷനും സജ്ജീകരിച്ചിരിക്കുന്ന എ.ഐ നിയന്ത്രിത സ്മാര്‍ട്ട് കാമറകള്‍ ഉപയോഗിച്ച് മുഴുവന്‍ സമയവും തത്സമയ നിരീക്ഷണം സാധ്യമാക്കുന്നു. ഇന്‍സ്ട്രക്ടര്‍മാരുടെയോ ട്രെയിനികളുടെയോ മൊബൈല്‍ ഫോണുകളുടെ ഉപയോഗം, സീറ്റ് ബെല്‍റ്റുകള്‍ ധരിക്കുന്നതില്‍ പരാജയപ്പെടല്‍, നിയുക്ത പരിശീലന മേഖലകളില്‍ നിന്ന് വ്യതിചലിക്കല്‍, യൂനിഫോമിന്റെ അഭാവം, അല്ലെങ്കില്‍ പ്രൊഫഷണലല്ലാത്ത രൂപം, ഡ്രൈവിങ് സമയത്ത് ഭക്ഷണം കഴിക്കുക, കുടിക്കുക, ഉറങ്ങുക തുടങ്ങിയ സുരക്ഷിതമല്ലാത്ത പെരുമാറ്റങ്ങള്‍ നിരീക്ഷിക്കുന്നു.

READ ALSO: ദുബൈയിലെ ആദ്യ സമ്പൂര്‍ണ AI പാര്‍ക്കിങ് വിപ്ലവകരം: ടിക്കറ്റുകള്‍ എടുക്കേണ്ട, തടസങ്ങളോ പരിശോധനകളോ ഇല്ല

The Smart Monitoring System launched by Dubai’s Roads and Transport Authority (RTA) to track the behaviour of instructors and trainees using AI-powered cameras in driving school vehicles has delivered remarkable results. Developed by the Licensing Activities Monitoring Department at RTA’s Licensing Agency, the system has monitored 1,734,790 training sessions for 245,764 trainees over the past seven months, a 14-fold increase compared to the same period last year.