ആൻഡേഴ്സൺ-ടെൻഡുൽക്കർ ട്രോഫിയിലെ മിന്നും പ്രകടനത്തിന് പിന്നാലെ ഐസിസി ടെസ്റ്റ് റാങ്കിംഗിൽ കുതിപ്പ് നടത്തിയിരിക്കുകയാണ് ഇന്ത്യൻ പേസർ മുഹമ്മദ് സിറാജ്. ടൂർണമെന്റിലെ പ്രകടനത്തോടെ പുരുഷ ബൗളർമാരുടെ ഐസിസി ടെസ്റ്റ് റാങ്കിംഗിൽ 12 സ്ഥാനങ്ങൾ മെച്ചപ്പെടുത്തിയ സിറാജ് ആദ്യ 15-ൽ ഇടംനേടി. 2024 ജനുവരിയിൽ ഇന്ത്യയുടെ ദക്ഷിണാഫ്രിക്കൻ പര്യടന വേളയിൽ 16-ാം റാങ്കിലെത്തിയതായിരുന്നു ഇതിനു മുൻപുള്ള സിറാജിന്റെ മികച്ച നേട്ടം.

ഓവലിൽ നടന്ന അവസാന ടെസ്റ്റിൽ ഇന്ത്യ വിജയം കണ്ടെത്തിയപ്പോൾ, സിറാജായിരുന്നു മാൻ ഓഫ് ദി മാച്ച് പുരസ്കാരം നേടിയത്. മത്സരത്തിൽ 9 വിക്കറ്റുകൾ വീഴ്ത്തിയ സിറാജ്, രണ്ടാം ഇന്നിംഗ്സിൽ അഞ്ച് വിക്കറ്റുകൾ നേടി. അഞ്ച് ടെസ്റ്റുകളുടെ പരമ്പരയിൽ 23 വിക്കറ്റുകളുമായി ഏറ്റവും കൂടുതൽ വിക്കറ്റ് നേടിയ ബൗളർ ആയി മാറാനും സിറാജിന് സാധിച്ചിരുന്നു. പരമ്പരയിൽ ആകെ 185.2 ഓവറുകൾ എറിഞ്ഞ സിറാജ് ഏറ്റവും കൂടുതൽ ഓവറുകൾ എറിഞ്ഞ ബൗളർ എന്ന റെക്കോർഡും സ്വന്തമാക്കി.

ALSO READ: ഇന്ത്യൻ ടീമിൽ എതിരാളികളെ ഭയമില്ലാത്ത ബാറ്റർ അവനാണ്: സച്ചിൻ

ഓവൽ ടെസ്റ്റിൽ 374 റൺസ് വിജയലക്ഷ്യവുമായി ബാറ്റിങ് ആരംഭിച്ച ഇംഗ്ലണ്ട്, അവസാന ദിനത്തിൽ ആറ് വിക്കറ്റ് ശേഷിക്കെ 339 റൺസ് എന്ന നിലയിലായിരുന്നു ബാറ്റിങ് പുനരാരംഭിച്ചത്. വിജയത്തിന് വേണ്ടിയിരുന്നത് 35 റൺസ് മാത്രം. ജാമി ഓവർട്ടൺ പ്രസിദ്ധ് കൃഷ്ണയുടെ ആദ്യ രണ്ട് പന്തുകളും ബൗണ്ടറി കടത്തി ഇംഗ്ലണ്ടിന്റെ പ്രതീക്ഷകൾ ഉയർത്തി. എന്നാൽ, തൊട്ടടുത്ത ഓവറിൽ മുഹമ്മദ് സിറാജ് ജാമി സ്മിത്തിനെ (2) പുറത്താക്കി മത്സരത്തിന്റെ ഗതി മാറ്റി. 80-ാം ഓവറിൽ ഓവർട്ടനെ (9) വിക്കറ്റിന് മുന്നിൽ കുടുക്കിയ സിറാജ്, ഇന്ത്യയുടെ വിജയസാധ്യതകൾ വർധിപ്പിച്ചു. 11 പന്തുകൾ പ്രതിരോധിച്ച ജോഷ് ടങ്ങിന്റെ കുറ്റി 12-ാം പന്തിൽ പ്രസിദ്ധ് തെറിപ്പിച്ചതോടെ മത്സരം ആവേശത്തിന്റെ കൊടുമുടിയിലെത്തി.

തുടർന്ന്, ഇം​ഗ്ലണ്ടിനായി തോളിന് പരിക്കേറ്റ ക്രിസ് വോക്സ് ക്രീസിലെത്തിയെങ്കിലും, ഗസ് ആറ്റ്കിൻസൺ ഇംഗ്ലണ്ടിനെ മുന്നോട്ട് നയിക്കാൻ ശ്രമിച്ചു. എന്നാൽ, 86-ാം ഓവറിൽ ആറ്റ്കിൻസന്റെ കുറ്റി തെറിപ്പിച്ച സിറാജ് ഇന്ത്യയ്ക്ക് ആവേശ ജയം സമ്മാനിക്കുകയായിരുന്നു.

Indian pacer Mohammed Siraj has achieved a career-best ranking in the ICC Test bowlers' rankings, jumping 12 spots to 15th place after his impressive performance in the Anderson-Tendulkar Trophy. Siraj's previous best ranking was 16th, which he attained in January 2024 during India's tour of South Africa ¹.