വാഷിംഗ്ടൺ: റഷ്യയിൽ നിന്ന് വൻതോതിൽ എണ്ണ വാങ്ങുന്നുവെന്ന് ആരോപിച്ച് ഇന്ത്യയ്ക്ക് മേൽ 25 ശതമാനം അധിക തീരുവ കൂടി ഏർപ്പെടുത്തി യുഎസ് പ്രസിഡന്റ് ഡൊണാൾഡ് ട്രംപ്. ഇതോടെ, ഇന്ത്യയിൽ നിന്നുള്ള ഇറക്കുമതിക്ക് യുഎസ് ഏർപ്പെടുത്തുന്ന മൊത്തം താരിഫ് 50 ശതമാനമായി ഉയർന്നു. ഈ ആഴ്ച ആദ്യം ഇന്ത്യയിൽ റഷ്യൻ എണ്ണയുടെ ഇറക്കുമതി വലിയ ലാഭത്തിനാണ് വിൽക്കുന്നുവെന്ന് ആരോപിച്ച് തീരുവ ഗണ്യമായി വർധിപ്പിക്കുമെന്ന് ട്രംപ് ഭീഷണിപ്പെടുത്തിയിരുന്നു.

ദേശീയ സുരക്ഷ, വിദേശനയ ആശങ്കകൾ, വ്യാപാര നിയമങ്ങൾ എന്നിവ ചൂണ്ടിക്കാട്ടി തീരുവ വർധനവ് ട്രംപ് ഒപ്പുവച്ച എക്സിക്യൂട്ടീവ് ഉത്തരവിൽ ന്യായീകരിച്ചു. ഇന്ത്യയുടെ റഷ്യൻ എണ്ണയുടെ ഇറക്കുമതി അമേരിക്കയ്ക്ക് ഭീഷണി ഉയർത്തുന്നുവെന്നും ഉത്തരവിൽ പറയുന്നു. ഈ ഉത്തരവ് പ്രകാരം, 21 ദിവസത്തിന് ശേഷം ട്രംപ് ഇപ്പോൾ പ്രഖ്യാപിച്ച പുതിയ തീരുവ നടപ്പിലാകും, ഇതിനകം ഗതാഗതത്തിലുള്ള സാധനങ്ങൾ ഒഴികെ, യുഎസിലേക്ക് പ്രവേശിക്കുന്ന എല്ലാ ഇന്ത്യൻ ഉൽപ്പന്നങ്ങൾക്കും ഇത് ബാധകമാകും. പ്രാരംഭ 25 ശതമാനം താരിഫ് ഓഗസ്റ്റ് 7 മുതൽ പ്രാബല്യത്തിൽ വരും.

ALSO READ: ജാഗ്വാറിന്റെ റീബ്രാൻഡിംഗ് വിവാദം: പുതിയ സിഇഒ നിയമനവും ട്രംപിന്റെ വിമർശനവും

ഉക്രെയ്നിൽ റഷ്യയുടെ നടപടികൾക്ക് മറുപടിയായി പ്രഖ്യാപിച്ച ദേശീയ അടിയന്തരാവസ്ഥയെ പരാമർശിച്ച എക്സിക്യൂട്ടീവ് ഉത്തരവ് 14066-ന്റെ അടിസ്ഥാനത്തിലാണ് ഈ നടപടി. ഇന്ത്യാ ഗവൺമെന്റ് നേരിട്ടോ അല്ലാതെയോ റഷ്യൻ എണ്ണ ഇറക്കുമതി ചെയ്യുന്നുണ്ടെന്ന് ഞാൻ കാണുന്നുവെന്നും ട്രംപിന്റെ ഉത്തരവിൽ പറയുന്നു. ഈ അവസ്ഥ പരിഹരിക്കാൻ തീരുവ ഉയർത്തുന്നത് ആവശ്യവും ഉചിതവുമാണ് എന്നതാണ് ട്രംപിന്റെ നിരീക്ഷണം. റഷ്യയുടെയോ മറ്റ് വിദേശ സർക്കാരുകളുടെയോ പ്രതികാര നടപടികൾക്കനുസരിച്ച് ഈ ഉത്തരവ് പരിഷ്കരിക്കാമെന്നും വൈറ്റ് ഹൗസ് പുറത്ത് വിട്ട എക്സിക്യൂട്ടീവ് ഉത്തരവിൽ പറയുന്നു .

ALSO READ: ട്രംപിന്റേത് ഇന്ത്യയെ ഭീഷണിപ്പെടുത്താനുള്ള ശ്രമം; അധിക തീരുവ നടപടിയെ സാമ്പത്തിക ഭീഷണിയെന്ന് വിശേഷിപ്പിച്ച് രാഹുൽ ഗാന്ധി

റഷ്യയിൽ നിന്നുള്ള എണ്ണ സംഭരണവുമായി ബന്ധപ്പെട്ട് യുഎസിന്റെയും യൂറോപ്യൻ യൂണിയന്റെയും ന്യായീകരിക്കാത്തതും യുക്തിരഹിതവുമായ നടപടികൾക്കെതിരെ ഇന്ത്യ ശക്തമായ പ്രതിഷേധം രേഖപ്പെടുത്തി. യുഎസും യൂറോപ്യൻ യൂണിയനും റഷ്യയുമായി വ്യാപാര ബന്ധം തുടരുന്നതിലെ ഇരട്ട നിലവാരം ചൂണ്ടിക്കാട്ടി ഇന്ത്യ തങ്ങളുടെ നിലപാട് വ്യക്തമാക്കി.

India faces allegations of purchasing significant quantities of oil from Russia, prompting U.S. President Trump to increase import duties on Indian goods to 50%, escalating trade tensions