ദുബൈ: പൊതുസ്ഥലങ്ങളിൽ പുകവലിയും ഇ-സിഗരറ്റ് ഉപയോഗവും നിരോധിച്ച യുഎഇ നിയമങ്ങൾ ലംഘിച്ച് ഷോപ്പിംഗ് മാളുകളിൽ വാപ്പിംഗ് വ്യാപകമാകുന്നതിനെതിരെ കർശന നടപടികൾ സ്വീകരിക്കാൻ ഒരുങ്ങി ദുബൈ മുനിസിപ്പാലിറ്റി. മാളുകളിലെ വാപ്പിംഗ് വർധിച്ചതായുള്ള പരാതികൾ ഉയർന്നതിനെ തുടർന്ന് എമിറേറ്റിലുടനീളമുള്ള ഷോപ്പിംഗ് സെന്ററുകളിൽ പരിശോധന ശക്തമാക്കിയതായി അധികൃതർ അറിയിച്ചു.

ALSO READ: യുഎഇയില്‍ കാറുകള്‍ വാടകയ്ക്ക് എടുക്കുന്നതില്‍ വര്‍ധനവെന്ന് റിപ്പോര്‍ട്ട്; പ്രവണതയ്ക്ക് പിന്നിലെ കാരണമിത്

"പൊതുജനാരോഗ്യം സംരക്ഷിക്കുന്നതിനും പുകയില്ലാത്ത അന്തരീക്ഷം ഉറപ്പാക്കുന്നതിനുമായി ഷോപ്പിംഗ് സെന്റർ ഓപ്പറേറ്റർമാർക്കൊപ്പം ഏകോപിതമായി നിരവധി നടപടികൾ സ്വീകരിച്ചിട്ടുണ്ട്," ദുബൈ മുനിസിപ്പാലിറ്റി എക്സിൽ പുറത്തിറക്കിയ പ്രസ്താവനയിൽ വ്യക്തമാക്കി. പ്രവേശന കവാടങ്ങളിലും ഇടനാഴികളിലും വ്യക്തമായ നിരോധന അടയാളങ്ങൾ സ്ഥാപിക്കാനും സുരക്ഷാ ഗാർഡുകളെ നിയോഗിച്ച് നിയമലംഘകരെ നിരീക്ഷിക്കാനും കടകൾക്കും റെസ്റ്റോറന്റുകൾക്കും കർശന നിർദേശങ്ങൾ നൽകാനും നിർദേശിച്ചിട്ടുണ്ട്. പുകവലിക്കായി നിയുക്ത സ്ഥലങ്ങൾ പ്രവേശന-നിർഗമന കവാടങ്ങളിൽ നിന്ന് കുറഞ്ഞത് ഏഴ് മീറ്റർ അകലെയായിരിക്കണമെന്നും നിർദേശമുണ്ട്.

എന്നാൽ, ഈ നടപടികൾക്കിടയിലും മാളുകളിൽ വാപ്പിംഗ് തുടരുന്നതായി താമസക്കാർ ആരോപിക്കുന്നു. "ഇത് അനാദരവായി തോന്നുന്നു," ഷാർജയിൽ താമസിക്കുന്ന രണ്ട് കുട്ടികളുടെ അമ്മയായ സന റഹീം പറഞ്ഞു. "കുട്ടികളുമായി മാളിൽ നടക്കുമ്പോൾ ആരെങ്കിലും വാപ്പ് പുക ഊതുന്നത് കാണുന്നത് അസ്വസ്ഥതയുണ്ടാക്കുന്നു. ഇത് കുട്ടികൾക്ക് തെറ്റായ സന്ദേശം നൽകും," അവർ കൂട്ടിച്ചേർത്തു. 

"യുഎഇ പോലെ നിയമങ്ങൾ കർശനമായി പാലിക്കുന്ന രാജ്യത്ത് ഇത്തരം പെരുമാറ്റം തെറ്റാണ്." അവർ പറഞ്ഞു.

ALSO READ: യുഎഇയിലെ അടുത്ത പൊതുഅവധി ഈ ദിനത്തില്‍; അവധിദിനം മാറ്റിയാല്‍ നീണ്ട വാരാന്ത്യത്തിന് സാധ്യത | UAE public holiday

യുഎഇയിലെ വാപ്പിംഗ് നിയമങ്ങൾ

2019 ഏപ്രിൽ മുതൽ എമിറേറ്റ്സ് അതോറിറ്റി ഫോർ സ്റ്റാൻഡേർഡൈസേഷൻ ആൻഡ് മെട്രോളജി (എസ്മ) നിഷ്കർഷിച്ച നിയമങ്ങൾ പ്രകാരം വാപ്പിംഗ് ഉപകരണങ്ങളുടെയും ഇ-ലിക്വിഡുകളുടെയും വിൽപ്പന യുഎഇയിൽ നിയമാനുസൃതമാണ്. എന്നാൽ, മാളുകൾ, ഓഫീസുകൾ, വിമാനത്താവളങ്ങൾ (നിയുക്ത പ്രദേശങ്ങൾ ഒഴികെ), ആശുപത്രികൾ എന്നിവിടങ്ങളിൽ വാപ്പിംഗ് കർശനമായി നിരോധിച്ചിരിക്കുന്നു. പാർക്കുകൾ, ബീച്ചുകൾ, പൊതു വിനോദ സ്ഥലങ്ങൾ എന്നിവിടങ്ങളിലും ഷിഷ പുകവലി നിരോധിച്ചിട്ടുണ്ട്. 

"ഫുഡ് കോർട്ടിൽ ഒരു കൗമാരക്കാരൻ പരസ്യമായി വാപ്പ് ഉപയോഗിക്കുന്നത് കണ്ടു. ആരും അവനെ തടഞ്ഞില്ല," ദുബൈ നിവാസിയായ സയീദ് അൽ മസ്റൂയി പറഞ്ഞു. നിയമലംഘനങ്ങൾ നിരീക്ഷിക്കാൻ പതിവ് പരിശോധനകൾ തുടരുമെന്നും പൊതുജനങ്ങളോട് നിയമങ്ങൾ പാലിക്കാൻ സഹകരിക്കണമെന്നും മുനിസിപ്പാലിറ്റി ആവശ്യപ്പെട്ടു.

protests have erupted in Dubai malls against public vaping, prompting the municipality to announce tougher inspections and enforcement measures.