പുതിയ കാർ വാങ്ങാൻ തീരുമാനിക്കുമ്പോൾ ഏത് നിറം തിരഞ്ഞെടുക്കണമെന്ന ആശയക്കുഴപ്പം പലർക്കും ഉണ്ടാകാറുണ്ട്. എത്രയൊക്കെ നിറങ്ങളിൽ കാർ ലഭ്യമാണെങ്കിലും വാഹന പ്രേമികളിൽ അധിക പേരും അവസാനം കറുപ്പ് നിറത്തിൽ മനസ്സ് കൊണ്ടെത്തിക്കും. അതുകൊണ്ടായിരിക്കണം ഇന്ന് ഒട്ടുമിക്ക കാർ നിർമാതാക്കളും തങ്ങളുടെ ജനപ്രിയ മോഡലുകൾക്ക് ഡാർക്ക് എഡിഷൻ വേരിയന്റുകൾ പ്രത്യേകം പുറത്തിറക്കുന്നത്. കാറിന്റെ പുറംഭാഗം മാത്രമല്ല, അകത്തളങ്ങളിലും ഓൾ-ബ്ലാക്ക് ഡിസൈൻ ഉൾപ്പെടുത്തി ഈ വാഹനങ്ങൾ സ്റ്റൈലിഷ് ലുക്ക് നൽകുന്നു. ഇത് കറുപ്പ് നിറത്തിൽ കാറുകൾ വാങ്ങാൻ ഉദേശിക്കുന്നവർക്ക് അടിപൊളി ചോയ്സാണ്. 

15 ലക്ഷം രൂപ ബജറ്റിനുള്ളിൽ ലഭ്യമാകുന്ന കാറുകളിലെ ഡാർക്ക് എഡിഷൻ മോഡലുകളേതെന്ന് നോക്കാം. ടാറ്റ ഈ ട്രെൻഡിന് തുടക്കമിട്ടെങ്കിലും, ഇപ്പോൾ മറ്റു ബ്രാൻഡുകളും ഈ രംഗത്ത് ബ്ലാക്ക് എഡിഷൻ പുറത്തിറക്കി മികവ് പുലർത്തുന്നു.

ALSO READ: ഇൻഷുറൻസ് ഇല്ലാതെ വാഹനം റോഡിലിറക്കിയാൽ പണി പാളും; പിഴ തുക മൂന്ന് മുതൽ അഞ്ചിരട്ടി വരെയായി ഉയരും

നിസാൻ മാഗ്നൈറ്റ് കുറോ എഡിഷൻ

നിസാൻ തങ്ങളുടെ ജനപ്രിയ കോംപാക്‌ട് എസ്‌യുവിയായ മാഗ്നൈറ്റിന്റെ 'കുറോ എഡിഷൻ' അടുത്തിടെയാണ് അവതരിപ്പിച്ചത്. 8.30 ലക്ഷം രൂപ എക്സ്-ഷോറൂം വിലയിൽ തുടങ്ങുന്ന ഈ സ്പെഷ്യൽ എഡിഷൻ N-കണക്റ്റ വേരിയന്റിനെ അടിസ്ഥാനമാക്കിയാണ് നിർമിച്ചിരിക്കുന്നത്. 11,000 രൂപ ടോക്കൺ തുകയ്ക്ക് ബുക്കിംഗ് ആരംഭിച്ചിട്ടിണ്ട്.

1.0 NA പെട്രോൾ മാനുവൽ: 8.30 ലക്ഷം രൂപ

1.0 NA പെട്രോൾ ഓട്ടോമാറ്റിക്: 8.55 ലക്ഷം രൂപ

1.0 ടർബോ മാനുവൽ: 9.71 ലക്ഷം രൂപ

1.0 ടർബോ ഓട്ടോമാറ്റിക്: 10.86 ലക്ഷം രൂപ

ALSO READ: ജൂലൈയിൽ ഏറ്റവും കൂടുതൽ വിറ്റഴിക്കപ്പെട്ട കാറുകൾ; ക്രെറ്റയെ പിന്നിലാക്കി മാരുതിയുടെ സൂപ്പർ താരം; മൈലേജ് തന്നെ മുഖ്യം

ഹ്യുണ്ടായി എക്‌സ്റ്റർ നൈറ്റ് എഡിഷൻ

ഹ്യുണ്ടായിയുടെ ക്രെറ്റ, വെന്യു മോഡലുകൾക്ക് ശേഷം, എക്‌സ്റ്റർ ഡാർക്ക് എഡിഷൻ അവതരിപ്പിച്ചിരിക്കുന്നു. SX, SX(O) കണക്റ്റ് വേരിയന്റുകളെ അടിസ്ഥാനമാക്കിയാണ് ഈ മോഡൽ. 8.38 ലക്ഷം രൂപ മുതൽ 10.15 ലക്ഷം രൂപ വരെയാണ് എക്സ്-ഷോറൂം വില. സ്റ്റാൻഡേർഡ് വേരിയന്റുകളുമായി താരതമ്യം ചെയ്യുമ്പോൾ, ഏകദേശം 15,000 രൂപ മാത്രമാണ് ഈ സ്‌പെഷ്യൽ എഡിഷന് അധികം മുടക്കേണ്ടത്.

ടാറ്റ കർവ് ഇവി ഡാർക്ക് എഡിഷൻ

ടാറ്റയുടെ ഡാർക്ക് എഡിഷൻ ശ്രേണിയിൽ, കർവ് ഇവി ഡാർക്ക് എഡിഷൻ 22.24 ലക്ഷം രൂപ എക്സ്-ഷോറൂം വിലയിൽ ലഭ്യമാണ്. നെക്‌സോൺ ഇവിക്ക് ശേഷം ഓൾ-ബ്ലാക്ക് എക്സ്റ്റീരിയറും ഇന്റീരിയറും ലഭിക്കുന്ന രണ്ടാമത്തെ ടാറ്റ ഇലക്ട്രിക് വാഹനമാണ് ഇത്. 55kWh ബാറ്ററി പായ്ക്കുള്ള ടോപ്പ്-സ്‌പെക്ക് എംപവേർഡ് പ്ലസ് A ട്രിമ്മിനെ അടിസ്ഥാനമാക്കിയാണ് ഈ മോഡൽ.

എംജി ആസ്റ്റർ ബ്ലാക്ക് സ്റ്റോം എഡിഷൻ

എംജി ആസ്റ്റർ ബ്ലാക്ക് സ്റ്റോം എഡിഷൻ ഗ്ലോസി ബ്ലാക്ക് ഫ്രണ്ട് ഗ്രിൽ, ബ്ലാക്ക് അലോയി വീലുകൾ, റെഡ് ബ്രേക്ക് ക്യാലിപ്പറുകൾ എന്നിവയുമായി സ്‌പോർടി ലുക്ക് നൽകുന്നു. ഹെഡ്‌ലാമ്പ്, ഫോഗ് ലാമ്പ് ഹൗസിംഗ്, റൂഫ് റെയിലുകൾ, ടെയിൽ ലാമ്പ് ക്ലസ്റ്ററുകൾ എന്നിവയിലും ബ്ലാക്ക് എലമെന്റുകൾ ഉൾപ്പെടുത്തിയിട്ടുണ്ട്.

1.5 ലിറ്റർ NA പെട്രോൾ എഞ്ചിൻ: 110 bhp, 144 Nm torque, 5-സ്പീഡ് മാനുവൽ അല്ലെങ്കിൽ 8-സ്പീഡ് CVT ഓട്ടോമാറ്റിക്

1.3 ലിറ്റർ ടർബോ പെട്രോൾ എഞ്ചിൻ: 140 bhp, 220 Nm torque, 6-സ്പീഡ് torque കൺവെർട്ടർ ഓട്ടോമാറ്റിക്

15 ലക്ഷം രൂപയ്ക്കുള്ളിൽ ലഭ്യമായ ഈ ഡാർക്ക് എഡിഷൻ മോഡലുകൾ, സ്റ്റൈലിനൊപ്പം മികച്ച പെർഫോമൻസും വാഗ്ദാനം ചെയ്യുന്നു.

ALSO READ: കാറിന്റെ സീറ്റ് കവർ: മഴക്കാലത്ത് ശ്രദ്ധിക്കേണ്ട കാര്യങ്ങൾ

 

 

Dark edition cars, with their sleek blacked-out designs, are popular among Indian buyers for their bold style and premium appeal. Four options under ₹15 lakh include Hyundai Exter Knight Edition (₹8.46-10.50 lakh), Tata Altroz Dark Edition (₹9.50-11 lakh), Hyundai Venue SX Knight Edition (₹11.50 lakh), and Tata Nexon Dark Edition (₹11.70-14.80 lakh). These cars offer unique black-themed exteriors, stylish interiors, and modern features, attracting a strong fanbase, especially among younger buyers. Prices are ex-showroom; check local dealers for on-road costs