പുതിയ കാർ വാങ്ങിയാൽ ആദ്യം ചെയ്യുന്ന കാര്യങ്ങളിലൊന്നാണ് നല്ല സീറ്റ് കവർ ഇടുക എന്നത്. എന്നാൽ, വാഹനത്തിന് ഏറ്റവും അനുയോജ്യവും മികച്ചതുമായ സീറ്റ് അപ്ഹോൾസ്റ്ററി എങ്ങനെ തിരഞ്ഞെടുക്കാമെന്നത് പലർക്കും ആശയക്കുഴപ്പമുണ്ടാക്കുന്ന ഒരു കാര്യമാണ്. കാറിൽ ഒറിജിനൽ അപ്ഹോൾസ്റ്ററി ഉണ്ടെങ്കിൽ, അത് കേടാകാതെ സംരക്ഷിക്കുകയാണ് ആദ്യം വേണ്ടത്. എന്നാൽ, നിത്യേന കാർ ഉപയോഗിക്കുന്നവർക്ക് സീറ്റ് കവർ അത്യാവശ്യമാണ്. എന്നാൽ, ആഴ്ചയിൽ ഒരിക്കൽ മാത്രം ഉപയോഗിക്കുന്നവർക്ക് ഇത് അനാവശ്യ ചെലവായേക്കാം.

മെറ്റീരിയൽ തിരഞ്ഞെടുക്കുമ്പോൾ ശ്രദ്ധിക്കേണ്ടത്

സീറ്റ് കവർ തിരഞ്ഞെടുക്കുമ്പോൾ ആദ്യം ശ്രദ്ധിക്കേണ്ടത് മെറ്റീരിയലിന്റെ ഗുണനിലവാരമാണ്. ലെതർ, തുണി തുടങ്ങിയ വിവിധ തരം മെറ്റീരിയലുകൾ വിപണിയിൽ ലഭ്യമാണ്. കടകളിൽ നേരിട്ട് പോയി, സ്വന്തം സൗകര്യം മുൻനിർത്തി മെറ്റീരിയൽ തിരഞ്ഞെടുക്കുന്നതാണ് ഉചിതം.

ALSO READ: ഇൻഷുറൻസ് ഇല്ലാതെ വാഹനം റോഡിലിറക്കിയാൽ പണി പാളും; പിഴ തുക മൂന്ന് മുതൽ അഞ്ചിരട്ടി വരെയായി ഉയരും

പ്ലാസ്റ്റിക് കവറുകളുടെ അപകടം

പലരും പുതിയ കാറിന്റെ സീറ്റുകളിലെ പ്ലാസ്റ്റിക് കവറുകൾ നീക്കംചെയ്യാറില്ല. എന്നാൽ, വളവുകളിൽ ഡ്രൈവ് ചെയ്യുമ്പോഴോ പെട്ടെന്നുള്ള ബ്രേക്കിംഗിനോ ഇവ അപകടകരമാകാം. ഇന്ന് എല്ലാ കാറുകളിലും എയർബാഗുകൾ ഉള്ളതിനാൽ, സീറ്റുകളിലോ സ്റ്റിയറിംഗ് വീലിലോ പ്ലാസ്റ്റിക് കവറുകൾ ഉപയോഗിക്കുന്നത് എയർബാഗിന്റെ പ്രവർത്തനത്തെ ചിലപ്പോൾ തടസ്സപ്പെടുത്തിയേക്കാം. ഇത് അപകടസമയത്ത് മതിയായ സുരക്ഷ ഉറപ്പാക്കാതെ വരും. കൂടാതെ, സൂര്യപ്രകാശം നേരിട്ട് ഏൽക്കുന്ന സ്ഥലങ്ങളിൽ കാർ പാർക്ക് ചെയ്യുമ്പോൾ, പ്ലാസ്റ്റിക് കവറുകൾ ചൂടായി വിഷ പുക പുറപ്പെടുവിക്കാനും സാധ്യതയുണ്ട്.

 

 

മെയിന്റനൻസ് എളുപ്പമാക്കാൻ

മെയിന്റനൻസ് എളുപ്പമുള്ള സീറ്റ് കവറുകൾ തിരഞ്ഞെടുക്കാൻ ശ്രദ്ധിക്കുക. വെള്ള, ബീജ് തുടങ്ങിയ ഇളം നിറങ്ങളിലുള്ള കവറുകൾ വൃത്തിയാക്കാൻ ബുദ്ധിമുട്ടാണ്. അതിനാൽ, ഇരുണ്ട നിറങ്ങളിലുള്ളവ തിരഞ്ഞെടുക്കുന്നതാണ് നല്ലത്. മഴക്കാലത്ത് കാറിന്റെ ഇന്റീരിയർ വൃത്തിയായി സൂക്ഷിക്കാൻ സിലിക്ക ജെൽ പാക്കറ്റുകൾ ഉപയോഗിക്കാം. ഇവ വിപണിയിൽ എളുപ്പത്തിൽ ലഭ്യമാണ്. ഈ പാക്കറ്റുകൾ അധിക ഈർപ്പം ആഗിരണം ചെയ്യുകയും ക്യാബിനിൽ പൂപ്പലും ദുർഗന്ധവും തടയുകയും ചെയ്യും.

ഫ്ലോർ സംരക്ഷണം

കാറിന്റെ ഫ്ലോറിൽ പഴയ പത്രങ്ങളോ കട്ടിയിലുള്ള പേപ്പറുകളോ വിരിച്ചാൽ വെള്ളവും ചെളിയും ആഗിരണം ചെയ്യാനാകും. ഇത് ചെലവില്ലാത്ത ഒരു മാർഗമാണ്, കാരണം മിക്ക വീടുകളിലും പത്രങ്ങൾ ലഭ്യമാണ്. കാർപ്പെറ്റുകൾ ഉപയോഗിക്കുന്നതും ഇന്റീരിയർ വൃത്തിയായി സൂക്ഷിക്കാൻ സഹായിക്കും. ടവലുകൾ ഉപയോഗിച്ച് സീറ്റ് കവർ ചെയ്യുന്നതും മഴക്കാലത്ത് ഫലപ്രദമാണ്.

 

 

മഴക്കാല യാത്രകൾ സുരക്ഷിതമാക്കാൻ

മഴക്കാലത്ത് കാർ യാത്രകൾ ആശങ്കകളില്ലാതെ ആസ്വദിക്കാൻ മുകളിൽ പറഞ്ഞ മുൻകരുതലുകൾ സഹായിക്കും. കൂടാതെ, മഴയിൽ നനഞ്ഞ വാഹനം നനവോടെ മൂടി വയ്ക്കരുത്. ഇത് വാഹനത്തിന്റെ ബോഡിയിൽ തുരുമ്പുണ്ടാക്കാൻ ഇടയാക്കും. ഈ ചെറിയ ശ്രദ്ധകൾ കാറിനെ മഴക്കാലത്തും മികച്ച നിലയിൽ സൂക്ഷിക്കാൻ സഹായിക്കും.

ALSO READ: ജൂലൈയിൽ ഏറ്റവും കൂടുതൽ വിറ്റഴിക്കപ്പെട്ട കാറുകൾ; ക്രെറ്റയെ പിന്നിലാക്കി മാരുതിയുടെ സൂപ്പർ താരം; മൈലേജ് തന്നെ മുഖ്യം

During the rainy season, choosing the right car seat cover is key. Opt for waterproof materials like PVC or neoprene to protect seats from moisture and spills. Ensure proper ventilation to prevent mold and mildew. Regular cleaning and drying are essential to maintain hygiene and avoid odors. Select durable, easy-to-clean covers for long-lasting use