തിരുവനന്തപുരം: സംസ്ഥാനത്ത് കെ.എസ്.ആർ.ടി.സി ജീവനക്കാരുടെ ക്രിക്കറ്റ് ടീം രൂപീകരിക്കുമെന്ന് ഗതാഗത മന്ത്രി കെ.ബി ഗണേഷ്കുമാർ. ഇന്നലെ ചലഞ്ചേഴ്സ് ക്ലബ് തിരുവനന്തപുരത്ത് സംഘടിപ്പിച്ച കെ.എസ്.ആർ.ടി.സി ജീവനക്കാരുടെ  സംസ്ഥാനതല ക്രിക്കറ്റ് ടൂർണമെന്റിന്റെ സമ്മാനദാനം നിർവഹിച്ചു സംസാരിക്കുകയായിരുന്നു മന്ത്രി. കെ.എസ്.ആർ.ടി,സിക്കു വേണ്ടി ക്രിക്കറ്റ് ടീം രൂപീകരിക്കാൻ സി.എം.ഡിയോട് നിർദേശിച്ചിട്ടുണ്ടെന്ന് മന്ത്രി പറഞ്ഞു.

നേരത്തേ  വോളിബോൾ, ഫുട്ബോൾ ടീമുകൾ‌, കലാസാംസ്കാരിക വേദി എന്നിവ ഉണ്ടായിരുന്നു. അതെല്ലാം കാലാകാലങ്ങളിൽ നഷ്ടപ്പെട്ടുപോയി. ഇന്ന് ക്രിക്കറ്റാണ് ജനകീയമായ മത്സരം. ഇവിടെ മത്സരിച്ച ടീമുകളിലെ മികച്ച താരങ്ങളെ ഉൾപ്പെടുത്തി ക്രിക്കറ്റ് ടീം ഉണ്ടാക്കണമെന്നും മന്ത്രി പറഞ്ഞു. കഴിഞ്ഞ ജൂലൈയിൽ കെ.എസ്.ആർ.ടി.സിയുടെ നഷ്ടം 62 കോടി രൂപയായിരുന്നു. ഇപ്പോൾ അത് 10 കോടി കുറഞ്ഞിട്ടുണ്ട്. നഷ്ടത്തിൽനിന്ന് കെ.എസ്.ആർ.ടി.സി കരകയറുകയാണെന്നും മന്ത്രി പറഞ്ഞു.

Transport Minister K.B. Ganesh Kumar announced that a cricket team will be formed for KSRTC employees. The minister said that he has instructed the KSRTC CMD to initiate the formation of the cricket team.