കൊച്ചി: വന്‍ കുതിപ്പിന് ശേഷം കേരളത്തില്‍ സ്വര്‍ണവിലയില്‍ (gold price kerala)  ഇന്ന് നേരിയ കുറവ്. ഏതാണ്ട് ഒരാഴ്ചക്ക് ശേഷമാണ്  സ്വര്‍ണവില താഴോട്ട് വന്നിരിക്കുന്നത്. ഈ മാസത്തെ ഏറ്റവും ഉയര്‍ന്ന നിരക്കും സര്‍വ്വകാല റെക്കോര്‍ഡിലുമാണ് ഇന്നലെ (വെള്ളിയാഴ്ച) വിപണി അവസാനിച്ചത്.  അവിടെ നിന്നാണ് നേരിയതെങ്കിലും വിലയില്‍ ഒരു കുറവ് വന്നിരിക്കുന്നത്. വില ഇനി വലിയ തോതില്‍ വര്‍ധിക്കാന്‍ ഇടയില്ലെന്ന് നിരീക്ഷകര്‍ ചൂണ്ടിക്കാട്ടുന്നു. മാത്രമല്ല  ക്രമേണ വിലയില്‍ ഇടിവ് വരാനുള്ള ഒരു സാധ്യതയും നിരീക്ഷകര്‍ മുന്നോട്ട് വെക്കുന്നു. 

ക്രൂഡ് ഓയില്‍ വില താഴ്ന്നതിന് പിന്നാലെ ഇന്ത്യന്‍ രൂപയുടെ മൂല്യം അല്‍പം കൂടിയതാണ് ഇന്ന് സ്വര്‍ണ വില (gold)  കുറയാന്‍ കാരണമെന്നാണ് വ്യാപാരികള്‍ പറയുന്നത്. എന്നാല്‍ അമേരിക്കയും ഇന്ത്യയും തമ്മിലുള്ള വ്യാപാര പ്രതിസന്ധി ഇനിയും അവസാനിച്ചിട്ടില്ല. നിലവില്‍ വിപണി നേരിടുന്ന പ്രധാന വെല്ലുവിളിയും ഇതുതന്നെ. മറ്റു പല രാജ്യങ്ങളുമായും അമേരിക്കയുടെ വ്യാപാര നയം അത്ര സുഗമമല്ലെന്ന് ആശങ്കയായി നിരീക്ഷകര്‍ ഉയര്‍ത്തിക്കാട്ടുന്നു. 

ഇന്നത്തെ വില അറിയാം

22 കാരറ്റ് ഒരു ഗ്രാം സ്വര്‍ണത്തിന് 9445 രൂപയും 75560 രൂപയുമാണ് ഇന്ന് നല്‍കേണ്ടത്. ഗ്രാമിന് 25 രൂപയും പവന്  200 രൂപയുമാണ് 22 കാരറ്റില്‍ കുറഞ്ഞിരിക്കുന്നത്. അതേസമയം, ഇന്ന് ഒരു പവന്‍ ആഭരണം വാങ്ങുമ്പോള്‍ പണിക്കൂലിയും ജി.എസ്.ടിയും ഹാള്‍മാര്‍ക്കിങ് ചാര്‍ജുമെല്ലാം ചേര്‍ത്ത് 81500 രൂപയെങ്കിലും  ചുരുങ്ങിയത് വേണ്ടി വരും. പണിക്കൂലി കൂടുതലുള്ള ആഭരണങ്ങള്‍ ആണെങ്കില്‍ വില ഇനിയും കൂടുമെന്നും വ്യാപാരികള്‍ വ്യക്തമാക്കുന്നു. 

വ്യത്യസ്ത കാരറ്റുകളിലെ വില അറിയാം 
24 കാരറ്റ്
ഗ്രാമിന് 27 രൂപ കുറഞ്ഞ് 10,304
പവന് 216 രൂപ കുറഞ്ഞ് 82,432

22 കാരറ്റ്
ഗ്രാമിന് 25 രൂപ കുറഞ്ഞ് 9,445
പവന് 200 രൂപ കുറഞ്ഞ് 75,560

18 കാരറ്റ്
21 രൂപ കുറഞ്ഞ് 7,728
പവന് 168 രൂപ കുറഞ്ഞ് 61,824

ALSO READ: ഡല്‍ഹി വംശഹത്യാ കേസില്‍ യു.എ.പി.എ ചുമത്തി ജയിലിലടച്ച മനുഷ്യാവകാശ പ്രവര്‍ത്തകന്‍ ഖാലിദ് സെയ്ഫിക്ക് 10 ദിവസത്തെ ഇടക്കാല ജാമ്യം

ആഭരണം വാങ്ങുന്നവര്‍ ശ്രദ്ധിക്കുക
18 കാരറ്റ് സ്വര്‍ണത്തിന്  20 രൂപ കുറഞ്ഞ് ഗ്രാം വില 7755 രൂപയാണ് ആയിരിക്കുന്നത്. 14 കാരറ്റ് സ്വര്‍ണം ഗ്രാമിന് 6035 രൂപയും 9 കാരറ്റ് സ്വര്‍ണം ഗ്രാമിന് 3890 രൂപയുമാണ് ഇന്ന്. ആഭരണം വേണ്ടവര്‍ക്ക് കുറഞ്ഞ വിലയില്‍  ഈ കാരറ്റുകളിലെ സ്വര്‍ണമാണ് നല്ലത്. 22 കാരറ്റിലെ ആഭരണങ്ങളേക്കാള്‍ 10000 രൂപയെങ്കിലും പവന് മേല്‍ കുറവുണ്ടാകും. 

വെള്ളി ഗ്രാമിന് കേരളത്തിലെ വില ഇന്ന് 125 രൂപയാണ്.

അമേരിക്കന്‍ ഡോളറും ഇന്ത്യന്‍ രൂപയും തമ്മിലുള്ള വിനിമയ മൂല്യം കൂടി നോക്കിയാണ് സ്വര്‍ണവില നിശ്ചയിക്കുന്നത്. രാജ്യാന്തര വിപണിയിലെയും നേരിട്ട് ഇറക്കുമതി ചെയ്യുന്ന മുംബൈ വിപണിയിലെയും വിലകള്‍ തമ്മില്‍ ഒത്തുനോക്കുകയും ചെയ്യും. രാവിലെയാണ് ജ്വല്ലറി വ്യാപാരികള്‍ സ്വര്‍ണവില നിശ്ചയിക്കുന്നത്. 

ഡോളര്‍ സൂചിക നിലവില്‍ 98.27 എന്ന നിരക്കിലാണ്.  രൂപയുടെ വിനിമയ നിരക്ക് 87.58 ആണ്. രാജ്യാന്തര വിപണിയില്‍ ഔണ്‍സ് സ്വര്‍ണത്തിന് 3398 ഡോളറാണ് ഇന്നത്തെ നിരക്ക്.  ക്രൂഡ് ഓയില്‍ വില ബാരലിന് 66.50 ആയി. 

പഴയ സ്വര്‍ണത്തിന് വിപണിയില്‍ ഇങ്ങനെ
പഴയ സ്വര്‍ണം വില്‍ക്കുന്നവര്‍ക്ക് ഒരു പവന് 74000 രൂപയ്ക്ക് മുകളില്‍ കിട്ടുമെന്ന് വ്യാപാരികള്‍ ചൂണ്ടിക്കാട്ടുന്നു.  സ്വര്‍ണ വ്യാപാരികള്‍ പഴയ സ്വര്‍ണം തിരിച്ചെടുക്കുന്നത് തങ്കത്തിന്റെ വില അടിസ്ഥാനമാക്കിയാണ്. രണ്ട് ശതമാനം മുതല്‍ നാല് ശതമാനം വില കുറച്ചാണ് അവര്‍ സ്വീകരിക്കുന്നത്. സ്വര്‍ണം വാങ്ങിയ ജ്വല്ലറികളില്‍ തന്നെ മടക്കി കൊടുക്കുമ്പോള്‍ താരതമ്യേന കൂടിയ വില കിട്ടുമെന്നും വ്യാപാരികള്‍ ചൂണ്ടിക്കാട്ടുന്നു.

After a strong rally, gold prices in Kerala saw a slight decline today, marking the first drop in nearly a week. The market closed at an all-time high on Friday, but analysts now predict a possible cooling off in prices and even a gradual decline in the coming days.