ന്യൂഡല്‍ഹി: ഡല്‍ഹി വംശഹത്യാ കേസില്‍ യു.എ.പി.എ ചുമത്തി ജയിലിലടച്ച മനുഷ്യാവകാശ പ്രവര്‍ത്തകന്‍ ഖാലിദ് സെയ്ഫിക്ക് 10 ദിവസത്തെ ഇടക്കാല ജാമ്യം. അഞ്ച് വര്‍ഷത്തെ തടവിന് ശേഷമാണ് അദ്ദേഹത്തിന് ജാമ്യം ലഭിക്കുന്നത്. ഇളയ മകന്റെ അനാരോഗ്യം ചൂണ്ടിക്കാട്ടി 15 ദിവസത്തെ ജാമ്യം വേണമെന്ന് അദ്ദേഹത്തിന്റെ അഭിഭാഷകന്‍ ആവശ്യപ്പെട്ടിരുന്നു. അഞ്ച് വര്‍ഷത്തിനിടെ ആദ്യമായാണ് സെയ്ഫിക്ക് ജാമ്യം ലഭിക്കുന്നത്.

2019-ല്‍ കേന്ദ്രസര്‍ക്കാര്‍ പാസാക്കിയ പൗരത്വ ഭേദഗതി നിയമത്തിനെതിരെ (CAA) രാജ്യവ്യാപകമായ പ്രതിഷേധങ്ങള്‍ അരങ്ങേറിയിരുന്നു.  2020 ഫെബ്രുവരി 26നാണ് അദ്ദേഹം അറസ്റ്റിലാവുന്നത്. ഡല്‍ഹി വംശഹത്യയുമായി ബന്ധപ്പെട്ട് ഗൂഢാലോചന ആരോപിച്ച് യു.എ.പി.എ ചുമത്തിയാണ് അദ്ദേഹത്തെ അറസ്റ്റ് ചെയ്യുന്നത്. പൗരത്വ സമയത്തില്‍ പങ്കെടുത്ത വിദ്യാര്‍ഥികള്‍ ഉള്‍പ്പടെയുള്ള ആളുകള്‍ക്കെതിരെ നിരവധി കേസുകളെടുത്ത് ജയിലിലടച്ചിരുന്നു. വിദ്യാര്‍ഥി നേതാക്കളും പ്രവര്‍ത്തകരുമായ ഉമര്‍ ഖാലിദ്, ഖാലിദ് സെയ്ഫി, ദേവാംഗന കലിത, നതാഷ നര്‍വാള്‍, ആസിഫ് ഇഖ്ബാല്‍ തന്‍ഹ, സഫൂറ സര്‍ഗര്‍, ഷര്‍ജീല്‍ ഇമാം എന്നിവരുള്‍പ്പെടെ 18 പേരെയാണ് 2020 ല്‍ എഫ്ഐആര്‍ 59/2020 പ്രകാരം അറസ്റ്റ് ചെയ്തത്.

ALSO READ: അധിക നികുതി ഏർപ്പെടുത്തി ഇന്ത്യക്കെതിരെ യുദ്ധം പ്രഖ്യാപിച്ച 'മൈ ഫ്രണ്ടി'നോട്‌ അകന്ന മോദി, റഷ്യയോടും ചൈനയോടും അടുക്കുന്നു; പുടിനുമായി ഫോണിൽ സംസാരിച്ചു

കേസെടുത്ത് ജയിലില്‍ അടച്ചിട്ടും ഇതുവരെ കേസില്‍ കുറ്റപത്രം സമര്‍പ്പിക്കുകയോ വിചാരണ ആരംഭിക്കുകയോ ചെയ്തിട്ടില്ല. പ്രതികളുടെ ജാമ്യാപേക്ഷകള്‍ ഏകദേശം അഞ്ച് വര്‍ഷമായി ഡല്‍ഹി കോടതികളില്‍ മരവിച്ചിരിക്കുകയാണ്. 2020 ഫെബ്രുവരിയിലെ വര്‍ഗീയ കലാപവുമായി ബന്ധപ്പെട്ട കേസില്‍ തനിക്കെതിരെ കൊലപാതകശ്രമക്കുറ്റം ചുമത്തുന്നതിനെതിരെ ഖാലിദ് സെയ്ഫി സമര്‍പ്പിച്ച ഹര്‍ജി കഴിഞ്ഞ വര്‍ഷം നവംബറില്‍ ഡല്‍ഹി ഹൈക്കോടതി തള്ളിയിരുന്നു.

ALSO READ: അസ്സലാമു അലൈകും പറയുന്നത് നിയമവിരുദ്ധമാണെങ്കില്‍ നിര്‍ത്തിക്കോളാമെന്ന് ഖാലിദ് സെയ്ഫി കോടതിയില്‍

ALSO READ: കൊവിഡ് കാലത്തും പൗരത്വ പ്രക്ഷോഭകരെ വേട്ടയാടുമ്പോള്‍

ALSO READ: മതേതര കക്ഷികളുടെ ഇരട്ട മുഖം