അലാസ്‌ക: വ്‌ളാദിമിര്‍ പുടിന്‍ - ഡൊണാള്‍ഡ് ട്രംപ് കൂടിക്കാഴ്ച ആഗസ്റ്റ് 15ന്. ഉക്രൈന്‍ യുദ്ധം അവസാനിപ്പിക്കുന്നതിന് ഇരു രാജ്യങ്ങളും തമ്മിലുള്ള അന്തിമ കരാറിന്റെ ഭാഗമായിട്ടാണ് കൂടിക്കാഴ്ച. അലാസ്‌കയില്‍ റഷ്യന്‍ പ്രസിഡന്റ് വ്ളാദിമിര്‍ പുടിനെ കാണുമെന്ന് ട്രംപ് അറിയിച്ചു. ഉക്രൈന്‍ കരാറില്‍ പ്രവിശ്യ കൈമാറ്റവും ഉള്‍പ്പെട്ടേക്കാമെന്നും ട്രംപ് പറഞ്ഞു. യുദ്ധം അവസാനിപ്പിക്കാന്‍ ഉക്രെയ്ന്‍ പ്രദേശം വിട്ടുകൊടുക്കേണ്ടി വന്നേക്കാമെന്ന് ട്രംപ് സൂചന നല്‍കിയതിന് ഏതാനും മണിക്കൂറുകള്‍ക്ക് ശേഷമാണ് കൂടിക്കാഴ്ചയുടെ പ്രഖ്യാപനം വന്നത്. അതേ സമയം, ഉക്രൈന്റെ ഭാഗത്ത് നിന്ന് പ്രതികരണമൊന്നും ഉണ്ടായിട്ടില്ല. 

2021 ജൂണില്‍ ജനീവയില്‍ വെച്ച് ജോ ബൈഡന്‍ പുടിനെ സന്ദര്‍ശിച്ചതിനുശേഷം ആദ്യമായാണ് യു.എസ്- റഷ്യന്‍ പ്രസിഡന്റുമാര്‍ തമ്മില്‍ കൂടിക്കാഴ്ചക്ക് ഒരുങ്ങുന്നത്. കൂടിക്കാഴ്ചക്ക് മുന്നോടിയായി വെള്ളിയാഴ്ച ചൈനയിലെയും ഇന്ത്യയിലെയും നേതാക്കളുമായി പുടിന്‍ കൂടിയാലോചനകള്‍ നടത്തിയിരുന്നു. 

ALSO READ: ഡല്‍ഹി വംശഹത്യാ കേസില്‍ യു.എ.പി.എ ചുമത്തി ജയിലിലടച്ച മനുഷ്യാവകാശ പ്രവര്‍ത്തകന്‍ ഖാലിദ് സെയ്ഫിക്ക് 10 ദിവസത്തെ ഇടക്കാല ജാമ്യം

ഉക്രൈന്‍ യുദ്ധത്തില്‍ 10-12 ദിവസത്തിനുള്ളില്‍ സമാധാന കരാറില്‍ എത്തിയില്ലെങ്കില്‍ റഷ്യക്കുമേല്‍ പുതിയ ഉപരോധങ്ങള്‍ ഏര്‍പ്പെടുത്തുമെന്ന് ട്രംപ് നേരത്തെ മുന്നറിയിപ്പ് നല്‍കിയിരുന്നു. യുദ്ധം നീട്ടിക്കൊണ്ടുപോകുന്ന റഷ്യന്‍ പ്രസിഡന്റ് വ്‌ളാദിമിര്‍ പുടിന്റെ നിലപാടില്‍ അമര്‍ഷം രേഖപ്പെടുത്തിക്കൊണ്ടായിരുന്നു ട്രംപിന്റെ മുന്നറിയിപ്പ്.  50 ദിവസത്തിനകം യുദ്ധം അവസാനിപ്പിക്കണമെന്നാണ് ഈ മാസമാദ്യം ട്രംപ് ആവശ്യപ്പെട്ടത്. എന്നാല്‍ അന്ത്യശാസനം നല്‍കുന്ന 'പതിവ് പരിപാടി'യുമായി ട്രംപ് വരേണ്ടെന്നും അമേരിക്ക ഉള്‍പ്പെടുന്ന ഒരു യുദ്ധത്തിലേക്ക് നയിച്ചേക്കാമെന്നുമാണ്  പുടിന്റെ അടുത്ത സുഹൃത്തും മുന്‍ റഷ്യന്‍ പ്രസിഡന്റുമായ ദിമിത്രി മെദ്വദേവ് ഇതിനോട് പ്രതികരിച്ചത്. 

Russian President Vladimir Putin and former U.S. President Donald Trump are set to meet in Alaska on August 15 as part of a proposed final agreement to end the Ukraine war.