കുട്ടികള്‍ക്കും മുതിര്‍ന്നവര്‍ക്കും രാവിലെയും വൈകുന്നേരവുമൊക്കെ ചായക്കൊപ്പം കഴിക്കാന്‍ അടിപൊളി രുചിയില്‍ ഹെല്‍തിയായ ഈ ലഡു കഴിക്കാവുന്നതാണ്. ഉണ്ടാക്കാനും എളുപ്പം, കഴിക്കാനും എളുപ്പം, നാവില്‍ അലിഞ്ഞു പോകുന്ന രുചിയും. കഴിക്കാന്‍ മറക്കല്ലേ... 

അണ്ടിപരിപ്പ്- 10 എണ്ണം
നെയ്യ് - രണ്ട് സ്പൂണ്‍
റാഗിപൊടി - നാല് ടേബിള്‍ സ്പൂണ്‍

ALSO READ: പഴുത്ത ഒരു നേന്ത്രപ്പഴം മതി; അഞ്ചു മിനിറ്റില്‍ തയാറാക്കാം രുചിയുള്ള ഈ കേയ്ക്ക്

ശര്‍ക്കര- ഒരു കപ്പ്
തേങ്ങചിരവിയത് - മുക്കാല്‍ കപ്പ്
ഏലയ്ക്കാപൊടി - കാല്‍ ടീസ്പൂണ്‍

ഉണ്ടാക്കുന്ന വിധം

ഒരു പാനില്‍ ഇത്തിരി നെയ്യൊഴിച്ച് അതിലേക്ക് അണ്ടിപ്പരിപ്പ് കഷണങ്ങളാക്കിയതും ഇട്ട് നന്നായി വഴറ്റി എടുത്തു മാറ്റിവയ്ക്കുക. ഇതിലേക്ക് നാല് ടേബിള്‍ സ്പൂണ്‍ മുത്താറി പൊടിയും ഇട്ട് ഇതും കൂടെ വഴറ്റിയെടുക്കുക. അഞ്ചുമിനിറ്റോളം വഴറ്റിയതിനു ശേഷം ഇതിലേക്ക് തേങ്ങ ചിരവിയതും ചേര്‍ത്ത് ഒന്നു കൂടെ വഴറ്റി ഒരു പാത്രത്തിലേക്ക് മാറ്റുക.

അതിലേക്ക് വറുത്തുവച്ച അണ്ടിപ്പരിപ്പും ഏലയ്ക്കാ പൊടിയും ശര്‍ക്കര ഉരുക്കിയതും ചേര്‍ത്ത് മിക്‌സ് ചെയ്തു ഉരുട്ടി എടുക്കുക. (ചെറു ചൂടോടെ ശര്‍ക്കരപാനി ഒഴിക്കുക). അടിപൊളി രുചിയില്‍ ഹെല്‍തി റാഗി ലഡു തയാര്‍.