ദിവസവും നിങ്ങള്‍ എത്ര പഴം കഴിക്കാറുണ്ട്..ഒന്ന്..രണ്ട്...അതോ അതിലുമെത്രയോ ഏറെയോ. എന്നാല്‍ ശ്രദ്ധിക്കുക. അധികമായാല്‍ വാഴപ്പഴും നമുക്ക് പണി തരും. വാഴപ്പഴത്തിന്റെ അമിത ഉപയോഗം ശരീരത്തിലെ പൊട്ടാസ്യത്തിന്റെ അളവ് അധികമാകുന്ന ഹൈപ്പര്‍കലീമിയ (hyperkalemia)  എന്ന രോഗാവസ്ഥയിലേക്ക് നമ്മെ എത്തിക്കാന്‍ സാധ്യതയുണ്ടെന്നാണ് വിദഗ്ധര്‍ പറയുന്നത്. ആരോഗ്യമുള്ള യുവാക്കള്‍ക്ക് പോലും വരാന്‍ സാധ്യതയുള്ള ഹൃദ്രോഗവും ഈ അവസ്ഥയുടെ ഒരു പരിണിത ഫലമാണെന്ന് വിദഗ്ധര്‍ ചൂണ്ടിക്കാട്ടുന്നു. 

ഹൃദയത്തിന്റെ ആരോഗ്യത്തിന് അത്യന്താപേക്ഷിതമാണ് പൊട്ടാസ്യം. ശരീരത്തിന്റെ ഇലക്ട്രീഷ്യനാണ് പൊട്ടാസ്യം എന്നാണ് പറയാറ്. ആവശ്യത്തിന് പൊട്ടാസ്യം ലഭിക്കാതിരിക്കുന്നത് ശരീരത്തിലെ സിഗ്‌നലുകള്‍ക്ക് തകരാര്‍ സംഭവിക്കാം. എന്നാല്‍ പൊട്ടാസ്യത്തിന്റെ  അളവ് അല്‍പം ഉയര്‍ന്നാല്‍ ഹൃദയമിടിപ്പിന്റെ താളം തന്നെ തെറ്റുന്നു. ചിലരില്‍ ഒരു ചെറിയ അസന്തുലിതാവസ്ഥ പോലും പെട്ടെന്നുള്ള ഹൃദയസ്തംഭനത്തിന് കാരണമാകാറുണ്ടെന്ന് മുംബൈയില്‍ പ്രവര്‍ത്തിക്കുന്ന കാര്‍ഡിയോളജിസ്റ്റ് അഞ്ജലി മെഹ്ത പറയുന്നു. 

ALSO READ: 'പട്ടിണി, വൈദ്യുതാഘാതം, കഠിന മര്‍ദ്ദനം...' ഇസ്‌റാഈലി ജയിലുകളില്‍ ഫലസ്തീന്‍ തടവുകാര്‍ അനുഭവിക്കുന്ന കൊടിയ പീഡനങ്ങള്‍ വീണ്ടും ലോകത്തിനു മുന്നില്‍ തുറന്നു കാട്ടി റിപ്പോര്‍ട്ട് 

നമ്മുടെ ജീവിതശൈലിയും ഭക്ഷണക്രമവുമാണ് പൊട്ടാസ്യത്തിന്റെ പെട്ടെന്നുള്ള വര്‍ധനവിന് പ്രധാന കാരണക്കാര്‍. 

വാഴപ്പഴത്തിലും ഉരുളക്കിഴങ്ങിലും ഉയര്‍ന്ന അളവില്‍ പൊട്ടാസ്യം അടങ്ങിയിട്ടുണ്ട്. അതുകൊണ്ട് തന്നെ മിക്ക ആളുകള്‍ക്കും ഇഷ്ടക്കാരാണ് ഇവ രണ്ടും.  എന്നാല്‍, ഗുരുതര വൃക്ക രോഗങ്ങള്‍, പ്രമേഹം, ഉയര്‍ന്ന രക്തസമ്മര്‍ദം എന്നീ രോഗാവസ്ഥയുള്ളവരില്‍ ഇത് ദൈനംദിന ഭക്ഷണത്തില്‍ ഉള്‍പെടുത്തുന്നത് അപകടത്തിനിടയാക്കുമെന്ന് വിദഗ്ധര്‍ ചൂണ്ടിക്കാട്ടുന്നു.

പ്രമേഹ, വൃക്കരോഗികളും രക്തസമ്മര്‍ദം നിയന്ത്രിക്കുന്നതിന് മരുന്ന് കഴിക്കുന്നവരും അവരുടെ ശരീരത്തിലെ പൊട്ടാസ്യത്തിന്റെ അളവ് ശ്രദ്ധിക്കണം. 
ചെറിയ വൃക്ക പ്രശ്‌നങ്ങള്‍ ഉള്ളവരില്‍ പോലും മരുന്നുകള്‍ പൊട്ടാസ്യം വര്‍ധിപ്പിക്കാറുണ്ട്. വാഴപ്പഴം, ഇലക്കറികള്‍, തക്കാളി, ഉരുളക്കിഴങ്ങ് എന്നിവ അടങ്ങിയ ഭക്ഷണക്രമവും കൂടിയാവുമ്പോള്‍ അളവ് ക്രമാതീതമായി ഉയര്‍ന്നേക്കാം. 

ഹൈപ്പര്‍കലീമിയയുടെ  പ്രധാന ലക്ഷണങ്ങള്‍ 
ക്ഷീണം, മരവിപ്പ്, കൈകാലുകളില്‍ അസ്വസ്ഥത, ഓക്കാനം, ക്രമരഹിതമായ ഹൃദയമിടിപ്പ്, ശ്വാസതടസ്സം എന്നിവയാണ് പ്രധാന ലക്ഷണങ്ങള്‍. ശരീരത്തിലെ പൊട്ടാസ്യത്തിന്റെ അളവിനനുസരിച്ച് ഹൈപ്പര്‍കലീമിയക്ക് ചികിത്സ യുണ്ട്. അതിനാല്‍ ജാഗ്രതയാണ് ആവശ്യം. 

Eating bananas daily is healthy—but overconsumption can lead to serious health risks. Experts warn that too much potassium, commonly found in bananas and potatoes, can cause hyperkalemia, a condition that disrupts heart rhythm and may lead to cardiac arrest.