ചെമ്മീന്‍ ഫ്രൈ ഇഷ്ടമില്ലാത്തവരുണ്ടാവില്ല. ചോറിനൊപ്പമാണെങ്കില്‍ പറയുകയും വേണ്ട. അതുമാത്രം മതിയാവും ഒരുപറ ചോറുണ്ണാന്‍. സാധാരണ ഉണ്ടാക്കുന്നതില്‍ നിന്ന് ഒന്നു വറെറ്റിയായി ഈ സ്‌പെഷല്‍ ചെമ്മീന്‍ ഫ്രൈ തയാറാക്കി നോക്കൂ.. 

ചെമ്മീന്‍ -500
മുളകുപൊടി- രണ്ട്  സ്പൂണ്‍
മഞ്ഞപൊടി - കാല്‍ ടീസ്പൂണ്‍
ചെറിയുള്ളി- 15

കറിവേപ്പില, മല്ലിയില- ആവശ്യത്തിന്
ഗരം മസാല, പെരുംജീരകം - കാല്‍ ടീസ്പൂണ്‍
ചെറിയ കഷണം തക്കാളി
ഇഞ്ചി വെളുത്തുള്ളി പേസ്റ്റ് - ഒരു സ്പൂണ്‍

ALSO READ: Egg Rice: ലഞ്ച് ബോകിസിലേക്ക് എളുപ്പത്തിലൊരു മുട്ടച്ചോറ് 

ചെമ്മീനിലേക്ക് കുറച്ച് മഞ്ഞപ്പൊടിയും മുളകുപൊടിയും ഉപ്പും ചേര്‍ത്ത് കുറച്ച് സമയം മാറ്റി വയ്ക്കുക. ഇത് നന്നായി ഫ്രൈ ചെയ്തു മാറ്റിവയ്ക്കുക. ഇനി മിക്‌സിയുടെ ജാറിലേക്ക് ചുവന്നുള്ളി തക്കാളി പച്ചമുളക് ഇഞ്ചി വെളുത്തുള്ളി എന്നിവ ചേര്‍ത്ത് അരച്ചെടുക്കുക.

അരച്ചെടുത്ത് ഈ പേസ്റ്റ് പാനിലേക്കൊഴിച്ച് ഒന്നു വഴറ്റിയെടുക്കുക. ഇതിലേക്ക് ചമ്മീന്‍ ഫ്രൈ കൂടെയിട്ട് കുറച്ച് ഗരം മസാല പെരുംജിരകം മഞ്ഞപൊടി മുളകു പൊടി കുറച്ചു കറിവേപ്പിലയും ആവശ്യത്തിന് ഉപ്പും ചേര്‍ത്ത് നന്നായി വഴറ്റി തീ ഓഫ് ചെയ്യുക. കിടുവാണേ..