തിരുവല്ല: തിരുവല്ലയിലെ കിഴക്കന്‍ മുത്തൂരില്‍ തയ്യല്‍ മെഷീനുള്ളില്‍ വീട്ടമ്മയുടെ വിരല്‍ കുടുങ്ങി. കൈവിരല്‍ കുടുങ്ങിയ വീട്ടമ്മ സല്‍മ(32)യെ അഗ്നിരക്ഷാസേനക്കാര്‍ രക്ഷപ്പെടുത്തി. കിഴക്കന്‍ മുത്തൂര്‍ വലിയ വീട്ടില്‍ സല്‍മയ്ക്കാണ് ഇവര്‍ തുണയായത്.

മക്കള്‍ക്ക് സ്‌കൂളില്‍നടക്കുന്ന സ്വാതന്ത്ര്യദിനാഘോഷ പരിപാടിയില്‍ ധരിക്കാനുള്ള വസ്ത്രം തുന്നുന്നതിനിടയിലാണ് സല്‍മയുടെ ഇടത് കൈയുടെ ചൂണ്ടുവിരലിന് മധ്യത്തിലൂടെ മെഷിന്‍ സൂചി കയറിയിറങ്ങുന്നത്. വ്യാഴാഴ്ച രാവിലെയാണ് സംഭവം.

ALSO READ: അമ്മയുടെ ഭാരവാഹി തെരഞ്ഞെടുപ്പ് ഇന്ന്: തലപ്പത്തേക്ക് ശ്വേതയോ ദേവനോ? 

സൂചി ഊരി എടുക്കാന്‍ കഴിയാതെ വന്നതോടെ അഗ്നിരക്ഷാസേനയെ വിവരമറിയിക്കുകയായിരുന്നു. തുടര്‍ന്ന് സ്ഥലത്തെത്തിയ സീനിയര്‍ ഫയര്‍ ആന്റ് റെസ്‌ക്യൂ ഓഫിസര്‍ കെകെ ശ്രീനിവാസിന്റെ നേതൃത്വത്തിലുള്ള സംഘം ഏറെ പണിപ്പെട്ടാണ് മെഷീനില്‍ നിന്ന് സൂചി ഊരി എടുത്തത്.

തുടര്‍ന്ന് സല്‍മയെ ബിലിവേഴ്‌സ് ചര്‍ച്ച് മെഡിക്കല്‍ കോളജി ആശുപത്രിയില്‍ കൊണ്ടുപോയി കൈവിരലില്‍ നിന്ന് സൂചി നീക്കം ചെയ്യുകയായിരുന്നു. 

In Thiruvalla’s Eastern Muthoor, a 32-year-old woman, Salma, got her finger trapped in a sewing machine while stitching clothes for her children’s Independence Day school program. The sewing needle pierced through the middle of her left index finger, and she was unable to remove it. The incident occurred on Thursday morning.