ദുബൈ: രാജ്യത്തെ സ്‌കൂളുകൾ അടുത്ത ആഴ്ച തുറക്കാനിരിക്കെ മാർഗനിർദേശങ്ങൾ പുറപ്പെടുവിച്ച് പൊലിസ്. സ്‌കൂളുകൾ തുറക്കുന്നതോടെ റോഡിൽ വാഹനങ്ങളുടെ എണ്ണം ഉയരുമെന്നതിനാൽ നേരത്തേ ഇറങ്ങണം. രാജ്യത്തെ ഗതാഗത നിയമങ്ങൾ പാലിച്ച് വാഹനമോടിക്കണമെന്ന് പൊലിസ് രക്ഷിതാക്കൾക്കും സ്‌കൂൾ ബസ് ഡ്രൈവർമാർക്കും മുന്നറിയിപ്പ് നൽകി.

ALSO READ: കാൽനടയാത്രക്കാർ സുരക്ഷിതമായി റോഡ് മുറിച്ചു കടക്കണം; ബോധവൽക്കരണത്തിനായി വീഡിയോ പങ്കുവെച്ച് ഷാർജ പൊലിസ് 

സ്‌കൂൾ തുറന്ന് ആദ്യ ദിവസങ്ങളിൽ ഉണ്ടായേക്കാവുന്ന തിരക്ക് മുന്നിൽ കണ്ടുകൊണ്ടാകണം കുട്ടികളെ സ്‌കൂളിൽ എത്തിക്കാനും തിരികെ കൊണ്ടുപോകാനും സ്‌കൂളിൽ എത്താൻ. ഗതാഗത നിയമം പാലിക്കണമെന്നും സംയമനം പാലിക്കുന്നതിന് പകരം ധൃതി കൂട്ടി നിയമം ലംഘിക്കുന്നവർക്കെതിരെ കർശന നടപടികൾ ഉണ്ടാകുമെന്നും പൊലിസ് അറിയിച്ചു. കുട്ടികളെ സ്‌കൂളിൽ എത്തിക്കുന്ന ചില രക്ഷിതാക്കളും സ്‌കൂൾ ബസ് ഡ്രൈവർമാരും നിയമം പാലിക്കാത്തത് മുൻവർഷങ്ങളിൽ തങ്ങളുടെ ശ്രദ്ധയിൽപ്പെട്ടിട്ടുണ്ടെന്നും പൊലിസ് കൂട്ടിച്ചേർത്തു.

കുട്ടികളെ കയറ്റാനും ഇറക്കാനും റോഡിന് മധ്യത്തിൽ വാഹനം നിർത്തരുത്. ഇത് അപകടങ്ങൾക്കും ഗതാഗതക്കുരുക്കിനും ചിലപ്പോൾ മറ്റു യാത്രക്കാരുമായുള്ള സംഘർഷത്തിന് വരെ കാരണമായേക്കാമെന്ന് പൊലിസ് ചൂണ്ടിക്കാട്ടുന്നു. 

സ്‌കൂൾ അടുത്തുള്ള റോഡുകളിൽ വേഗം കുറച്ച് വാഹനമോടിക്കണമെന്നും സീബ്രാ ക്രോസിൽ കാൽനട യാത്രക്കാർക്ക് പ്രാധാന്യം നൽകണമെന്നും പൊലിസ് അറിയിച്ചു. സ്‌കൂൾ ബസുകൾക്ക് അനുവദിച്ച പാർക്കിംഗ് സോണിൽ നിർത്തിയ ശേഷം മാത്രമേ കുട്ടികളെ കയറ്റാനും ഇറക്കാനും പറ്റുകയുള്ളൂ.

ALSO READ: വിശ്വാസികളെ ആകർഷിപ്പിച്ചു ശൈഖ് സായിദ് ഗ്രാൻഡ് മസ്ജിദ്, ആറു മാസത്തിനുള്ളിൽ എത്തിയത് 43 ലക്ഷം പേർ; പ്രവാസികളിൽ മുന്നിൽ ഇന്ത്യക്കാർ 

കുട്ടികളെ കയറ്റാനും ഇറക്കാനും സ്‌കൂൾ ബസ് നിർത്തുമ്പോൾ സ്‌റ്റോപ്പ് അടയാളം ഇടണം. ഇത്തരത്തിൽ സ്റ്റോപ്പ് അടയാളം ഇട്ട ബസ്സിനെ മറികടന്നാൽ 1000 ദിർഹം പിഴയും 10 ബ്ലാക്ക് പോയിന്റുമാണ് ശിക്ഷ. കുട്ടികൾ സമയത്ത് തന്നെ ബസ് സ്‌റ്റോപ്പിൽ എത്തുന്നുണ്ടെന്ന് രക്ഷിതാക്കൾ ഉറപ്പാക്കണം. 

police have warned of strict punishment for overcrowding violations as schools reopen. new safety guidelines aim to reduce traffic congestion and ensure student safety. authorities urge parents and drivers to follow rules to avoid heavy fines and penalties.