കൊച്ചി: എറണാകുളം ആലുവയിൽ എക്സൈസ് വകുപ്പിന്റെ വൻ ലഹരിമരുന്ന് വേട്ട. 158 ഗ്രാം ഹെറോയിനുമായി അസം നാഗോൺ സ്വദേശി ഹുസൈൻ സഹീറുൽ ഇസ്ലാമിനെ കെഎസ്ആർടിസി ബസ് സ്റ്റാൻഡ് പരിസരത്ത് നിന്ന് എക്സൈസ് സംഘം അറസ്റ്റ് ചെയ്തു. വിപണിയിൽ ഏകദേശം 50 ലക്ഷം രൂപ വിലമതിക്കുന്ന ലഹരിമരുന്നാണ് പിടിച്ചെടുത്തത്.

ഹെറോയിൻ ചെറിയ കുപ്പികളിലാക്കി രഹസ്യമായി വിൽപ്പന നടത്തുകയായിരുന്നു പ്രതി. ഓരോ കുപ്പിക്കും 3000 രൂപ വരെ വില ഈടാക്കിയിരുന്നതായി എക്സൈസ് വ്യക്തമാക്കി. ലഹരിമരുന്ന് ആലുവയിലേക്ക് എത്തിച്ചവരെക്കുറിച്ചും ഇടനിലക്കാരെ കണ്ടെത്തുന്നതിനുമായി എക്സൈസ് വകുപ്പ് വിശദമായ അന്വേഷണം ആരംഭിച്ചിട്ടുണ്ട്.

A youth from Assam, Hussain Sahirul Islam, was arrested in Aluva with 158 grams of heroin worth Rs 50 lakh. The drugs, packed in small bottles priced up to Rs 3,000 each, were seized near the KSRTC bus stand. Excise officials are probing the supply chain and intermediaries involved.