മോസ്‌കോ: ഓടിക്കൊണ്ടിരിക്കെ ആഡംബര കാറിന്റെ ഗ്ലാസ് തകര്‍ത്ത് കൂറ്റന്‍ മാന്‍. നിയന്ത്രണം വിട്ട കാര്‍ അപകടത്തില്‍ പെട്ട് ഗുരുതര പരിക്കേറ്റ് ഒരുമാസത്തോളം അത്യാഹിത വിഭാഗത്തില്‍ കഴിഞ്ഞ യുവതി അന്തരിച്ചു.  മുന്‍ വിശ്വസുന്ദരി സ്ഥാനാര്‍ത്ഥിയും റഷ്യന്‍ മോഡലുമായ ക്‌സെനിയ സെര്‍ജിയേവ്‌ന അലക്‌സാണ്ട്രോവയാണ് അന്തരിച്ചത്.

വിവാഹം കഴിഞ്ഞ നാലാം മാസത്തിലാണ് അതിദാരുണമായ അന്ത്യം സംഭവിച്ചത്. വെള്ളിയാഴ്ച യുവതിയുടെ 30ാം വയസിലാണ്  അന്ത്യം. റഷ്യയിലെ ടെവര്‍ ഒബ്ലാസ്റ്റില്‍ വച്ച്് 30കാരിയും ഭര്‍ത്താവും സഞ്ചരിച്ച വാഹനത്തിലേക്ക് എല്‍ക്ക് എന്നയിനം വലുപ്പമേറിയ മാന്‍ ഇടിച്ച് കയറുകയായിരുന്നു.

ALSO READ: വിധവയെ പ്രണയിച്ച 21കാരനെ യുവതിയുടെ ബന്ധുക്കൾ കാർ കയറ്റി കൊന്നു

ഇടിയുടെ ആഘാതത്തില്‍ ഇവരുടെ കാറിന്റെ ചില്ല് തകരുകയും വാഹനം അപകടത്തില്‍പ്പെടുകയും ചെയ്തു. വിശ്വസുന്ദരി മത്സരത്തിലെ പങ്കാളിത്തത്തിന് ശേഷം മോഡലിങിലും മാനസികാരോഗ്യ രംഗത്തെ പ്രവര്‍ത്തനത്തിലും സജീവമായിരുന്നു ക്‌സെനിയ സെര്‍ജിയേവ്‌ന അലക്‌സാണ്ട്രോവ. 

ജൂലൈ 5നാണ്  അലക്‌സാണ്ട്രോവ അപകടത്തില്‍പ്പെടുന്നത്. 30കാരിയുടെ തലയ്‌ക്കേറ്റ ഗുരുതര പരിക്കാണ് മരണകാരണമായത്. അപകടസമയത്ത് കാര്‍ ഓടിച്ചിരുന്ന ഭര്‍ത്താവിന് നിസാര പരിക്കുകളേ ഉള്ളൂ. മുഖത്തെ എല്ലുകളും തലയോട്ടിയും തകര്‍ന്ന അവസ്ഥയിലാണ് ക്‌സെനിയ സെര്‍ജിയേവ്‌ന അലക്‌സാണ്ട്രോവയെ ആശുപത്രിയിലെത്തിക്കുന്നത്.

 94 ലക്ഷം രൂപയിലേറെ വില വരുന്ന ആഡംബര വാഹനമായ പോര്‍ഷെ പനാമേരയിലായിരുന്നു ഇരുവരും സഞ്ചരിച്ചിരുന്നത്. 2025 മാര്‍ച്ച് 22നാണ് ക്‌സെനിയ സെര്‍ജിയേവ്‌ന അലക്‌സാണ്ട്രോവ വിവാഹിതയായത്. 2017ല്‍ ലാസ് വേഗസില്‍ നടന്ന വിശ്വസുന്ദരി മത്സരത്തില്‍ അവസാന 16 പേരില്‍ ഒരാളായിരുന്നു അലക്‌സാണ്ട്രോവ.

Moscow: Russian model and former Miss World contestant Ksenia Sergeyevna Alexandrova has died following a tragic car accident involving a giant elk. The 30-year-old, who was also active in mental health advocacy, passed away nearly a month after sustaining severe head injuries in the crash.