ഗാസിപൂര്‍: ഉത്തര്‍പ്രദേശില്‍ പത്താം ക്ലാസ് വിദ്യാര്‍ഥിയെ ഒന്‍പതാം ക്ലാസുകാരന്‍ കുത്തിക്കൊലപ്പെടുത്തി. ഗാസിപൂര്‍ ജില്ലയിലെ സ്വകാര്യ സ്‌കൂളില്‍ ക്ലാസ് നടന്നുകൊണ്ടിരിക്കെയാണ് ആക്രമണമുണ്ടായത്. സംഭവത്തില്‍ പത്താം ക്ലാസ് വിദ്യാര്‍ഥിയായ ആദിത്യ വര്‍മ്മ (15) കൊല്ലപ്പെട്ടു. 

പ്രതി കൈവശം കരുതിയ കത്തി ഉപയോഗിച്ചാണ് കൊല നടത്തിയത്. തടയാന്‍ ശ്രമിച്ച രണ്ട് വിദ്യാര്‍ഥികള്‍ക്കും പരിക്കേറ്റിട്ടുണ്ട്. ഇവരെ ആശുപത്രിയില്‍ പ്രവേശിപ്പിച്ചതായി പൊലിസ് അറിയിച്ചു. അന്വേഷണം ആരംഭിച്ചതായും, കൊലപാതകത്തിന് കാരണം കണ്ടെത്താനുള്ള ശ്രമത്തിലാണെന്നും പൊലിസ് അറിയിച്ചു. 

ക്ലാസ് നടന്നുകൊണ്ടിരിക്കെയാണ് വിദ്യാര്‍ഥിക്ക് നേരെ ആക്രമണമുണ്ടായത്. ഈ സമയം ചില വിദ്യാര്‍ഥികള്‍ ശുചിമുറിയില്‍ പോയതായിരുന്നു. മരിച്ച വിദ്യാര്‍ഥിയുടെ മൃതദേഹം പോസ്റ്റ്‌മോര്‍ട്ടത്തിനായി അയച്ചിട്ടുണ്ട്. പ്രതിക്കെതിരെ ഉചിതമായ നടപടി എടുക്കുമെന്നും പൊലിസ് വ്യക്തമാക്കി.

ALSO READ: വിസി നിയമനം; ഗവര്‍ണര്‍ക്ക് തിരിച്ചടി; മുഖ്യമന്ത്രി നല്‍കുന്ന പട്ടികയില്‍ നിന്ന് മാത്രം നിയമനം നടത്തണമെന്ന് സുപ്രീം കോടതി =

ALSO READ: അഗ്നിശമന നിയമങ്ങൾ പാലിച്ചിച്ചില്ല;ഷുവൈഖ്  വ്യവസായ മേഖലയിലെ 61 വ്യാവസായിക സ്ഥാപനങ്ങളും കടകളും അടച്ചുപൂട്ടി കുവൈത്ത് ഫയർഫോഴ്സ് =