നരിക്കുനി: എ.യു.പി സ്‌കൂളിന് പൂര്‍വ വിദ്യാര്‍ഥിയും ദുബായ് ആസ്ഥാനമായി പ്രവര്‍ത്തിക്കുന്ന ഗാമണ്‍ ഗ്രൂപ്പിന്റെ ചെയര്‍മാനുമായ ശൈഖ് റഫീഖ് സംഭാവന നല്‍കിയ പത്ത് കംപ്യൂട്ടറുകളുടെ ഉദ്ഘാടനവും പൂര്‍വ്വ അധ്യാപകരെ ആദരിക്കലും കോഴിക്കോട് ജില്ല അസിസ്റ്റന്റ്  കലക്ടര്‍ ഇമ്പശേഖരന്‍ ഐ.എ.എസ് ഉദ്ഘാടനം ചെയ്തു.
എം.പി അബ്ദുസ്സലാം അധ്യക്ഷനായി. ചടങ്ങില്‍ സ്‌പോണ്‍സര്‍ ശൈഖ് റഫീഖ് കുട്ടികളോട് വീഡിയോ കോണ്‍ഫറന്‍സിലൂടെ സംവദിച്ചു. സ്‌കൂളിലേക്ക് പുതിയ കിണറും പാചകപ്പുരയും നിര്‍മ്മിക്കുമെന്ന്  അദ്ദേഹം ഉറപ്പ് നല്‍കി. ജനപ്രതിനിധികളായ പി. ശ്രീധരന്‍, എം.ബി ബിജു, മാനേജര്‍ ഉഷാ ദേവി, എം.എം ബാലന്‍, ചെറിയപ്പൂട്ടി വൈദ്യര്‍, ഗീതിക എന്‍, ഇ.എം ശ്യാമള, കെ.കെ ശോഭന പ്രസംഗിച്ചു.