ദുബൈ: റിയാദ് മേഖലയിലെ രണ്ട് വിനോദ പരിപാടികൾ താൽക്കാലികമായി നിർത്തിവച്ച് സഊദി അധികൃതർ. സുരക്ഷാ ആശങ്കകളാണ് തീരുമാനത്തിന് കാരണമെന്ന് ജനറൽ എന്റർടെയ്ൻമെന്റ് അതോറിറ്റി റിപ്പോർട്ട് ചെയ്തതായി ഒകാസ് അറബിക് ദിനപത്രം റിപ്പോർട്ട് ചെയ്തു.

ഈ രണ്ട് വിനോദ പരിപാടികളും നിർത്തിവയ്ക്കാൻ റിയാദ് ഡെപ്യൂട്ടി ഗവർണർ പ്രിൻസ് മുഹമ്മദ് ബിൻ അബ്ദുൽറഹ്മാൻ ബിൻ അബ്ദുൽഅസീസ് ഉത്തരവിട്ടു. ഉത്തരവ് ഉടനടി നടപ്പാക്കാൻ റിയാദ് പൊലിസ് മേധാവിക്ക് നിർദേശം നൽകിയിട്ടുണ്ട്.

ALSO READ: നബിദിനം; സെപ്റ്റംബർ 4 ന് കുവൈത്തിലെ എല്ലാ മന്ത്രാലയങ്ങൾക്കും അവധി

കഴിഞ്ഞ മാസം തായിഫിലെ ഗ്രീൻ മൗണ്ടൻ അമ്യൂസ്‌മെന്റ് പാർക്കിൽ ഉണ്ടായ അപകടത്തെ തുടർന്നാണ് ഈ നടപടി. റൈഡ് പ്രവർത്തിച്ചുകൊണ്ടിരുന്ന സമയത്താണ് അപകടം സംഭവിച്ചത്. 360 ഡിഗ്രി റൈഡ് തകർന്നുണ്ടായ അപകടത്തിൽ ഒരു സ്ത്രീ മരിക്കുകയും 22 പേർക്ക് പരുക്കേൽക്കുകയും ചെയ്തിരുന്നു. നാല് ദിവസം മുമ്പാണ് പരുക്കേറ്റ സ്ത്രീ മരണത്തിന് കീഴടങ്ങിയത്. പരുക്കേറ്റ മറ്റ് രണ്ട് സ്ത്രീകൾ ഇപ്പോഴും ചികിത്സയിലാണ്.

വിനോദ പ്രവർത്തനങ്ങളിൽ പങ്കെടുക്കുന്നവരുടെ സുരക്ഷയിൽ വിട്ടുവീഴ്ച ചെയ്യാനാകില്ലെന്ന് പ്രിൻസ് മുഹമ്മദ് വ്യക്തമാക്കി. റിയാദ് മേഖലയിലെ എല്ലാ വിനോദ റൈഡുകളും സുരക്ഷാ മാനദണ്ഡങ്ങൾ പൂർണമായി പാലിക്കുന്നുണ്ടെന്ന് ഉറപ്പാക്കാൻ പരിശോധനകൾ ശക്തമാക്കാൻ അദ്ദേഹം അധികൃതർക്ക് നിർദേശം നൽകിയിട്ടുണ്ട്.

Saudi authorities have temporarily suspended two entertainment events in Riyadh due to security concerns, according to a report by Okaz Arabic newspaper citing the General Entertainment Authority. The decision highlights the importance of security protocols in event planning and execution. The General Entertainment Authority regulates and develops Saudi Arabia's entertainment sector, providing diverse options for all segments of society while ensuring alignment with the country's Vision 2030 ¹.