മുംബൈ: ഡൽഹിയിലും മുംബൈയിലും കനത്ത മഴ തുടരുന്നതിനാൽ, വിമാന സർവീസുകൾക്ക് ചെറിയ കാലതാമസമുണ്ടാകുമെന്ന് വിമാനക്കമ്പനികൾ അറിയിച്ചു. യാത്രക്കാർ വിമാനങ്ങളുടെ സ്റ്റാറ്റസുകൾ പരിശോധിക്കാനും യാത്രകൾ വിമാനത്തിനനുസരിച്ച് പ്ലാൻ ചെയ്യാനും കമ്പനികൾ നിർദേശിച്ചു. റോഡുകൾ ഉൾപ്പെടെ തടസം നേരിടുന്നതിനാൽ വിമാനത്താവളത്തിലേക്കുള്ള യാത്രയ്ക്ക് പതിവിലും കൂടുതൽ സമയമെടുക്കാനും സാധ്യതയുണ്ട്. എയർ ഇന്ത്യ, ഇൻഡിഗോ എയർലൈൻസ്, സ്പൈസ്ജെറ്റ്, ആകാശ എയർ തുടങ്ങിയ വിമാനകമ്പനികളാണ് മുന്നറിയിപ്പ് നൽകിയത്.

ഇൻഡിഗോ എയർലൈൻസ്

മുംബൈയിൽ തുടർച്ചയായി പെയ്യുന്ന മഴ നിലവിൽ വിമാന ഗതാഗതത്തെ ബാധിക്കുന്നു എന്ന് സോഷ്യൽ മീഡിയ പ്ലാറ്റ്‌ഫോമായ എക്‌സിലെ ഒരു പോസ്റ്റിൽ, ഇൻഡിഗോ എയർലൈൻസ് അറിയിച്ചു. വിമാനത്താവളത്തിലേക്ക് പോകുന്നതിനുമുമ്പ്, ദയവായി തങ്ങളുടെ വെബ്‌സൈറ്റിലോ ആപ്പിലോ നിങ്ങളുടെ ഫ്ലൈറ്റ് സ്റ്റാറ്റസ് പരിശോധിക്കണമെന്നും കമ്പനി അറിയിച്ചു. റോഡുകൾ ബ്ലോക്ക് ആയതിനാൽ ഡൽഹിയിലെ യാത്രക്കാർ സാധ്യമെങ്കിൽ ഒരു ബദൽ വഴി തിരഞ്ഞെടുക്കണമെന്നും കമ്പനി നിർദേശിച്ചു. 

എയർ ഇന്ത്യ

ഇന്ന് ഡൽഹിയിലേക്കും തിരിച്ചുമുള്ള വിമാന പ്രവർത്തനങ്ങളെ മഴ ബാധിച്ചേക്കാമെന്ന് ഡൽഹിയിൽ യാത്രക്കാർക്ക് എയർ ഇന്ത്യ യാത്രാ മുന്നറിയിപ്പ് നൽകി. സോഷ്യൽ മീഡിയ പ്ലാറ്റ്‌ഫോമായ എക്‌സിലെ ഒരു പോസ്റ്റിലൂടെ എയർ ഇന്ത്യയുടെ മുന്നറിയിപ്പ്. വിമാനത്താവളത്തിലേക്ക് പോകുന്നതിനുമുമ്പ് https://airindia.com/in/en/manage/flight-status.html എന്ന ലിങ്കിൽ ക്ലിക്ക് ചെയ്ത് നിങ്ങളുടെ ഫ്ലൈറ്റ് സ്റ്റാറ്റസ് പരിശോധിക്കുക.

ALSO READ: ബഹിരാകാശത്തേക്ക് ആദ്യമായി പോയത് ഹനുമാനാണെന്ന് സ്‌കൂള്‍ വിദ്യാര്‍ഥികളോട് ബിജെപി എംപി അനുരാഗ് താക്കൂര്‍

സ്പൈസ്ജെറ്റ്

മുംബൈയിലെ കാലാവസ്ഥ വ്യതിയാനം മൂലം വിമാന സമയക്രമത്തിൽ മാറ്റം വന്നേക്കാമെന്ന് സ്‌പൈസ് ജെറ്റ് മുന്നറിയിപ്പ് നൽകി. മുംബൈയിലെ മോശം കാലാവസ്ഥ കാരണം, എല്ലാ പുറപ്പെടലുകളും/എത്തിച്ചേരലുകളും വൈകാനും അതിനനുസരിച്ച് അടുത്ത വിമാനങ്ങളും വൈകാമെന്നും കമ്പനി അറിയിച്ചു. യാത്രക്കാർ http://spicejet.com/#status വഴി അവരുടെ ഫ്ലൈറ്റ് സ്റ്റാറ്റസ് പരിശോധിക്കാൻ സ്‌പൈസ് ജെറ്റ്  അഭ്യർത്ഥിച്ചു.

ആകാശ എയർ

മുംബൈയിലെയും ഡൽഹിയിലെയും ചില ഭാഗങ്ങളിൽ കനത്ത മഴ പെയ്യുന്നതിനാൽ, വിമാനത്താവളത്തിലേക്ക് ഉള്ള റോഡുകളിൽ ഗതാഗത തടസം നേരിടുന്നുണ്ട്. അതിനാൽ സുഗമമായ യാത്രാനുഭവം ഉറപ്പാക്കാൻ വീടുകളിൽ നിന്ന് നേരത്തെ പുറപ്പെടണമെന്നും നിങ്ങളുടെ വിമാനത്തിന് കൃത്യസമയത്ത് വിമാനത്താവളത്തിൽ എത്തിച്ചേരണമെന്നും ആകാശ എയർ അറിയിച്ചു.