2026 എസ്എ ടി-20യിൽ രജിസ്റ്റർ ചെയ്ത് 13 ഇന്ത്യൻ താരങ്ങൾ. എസ്എ ടി-20യുടെ ഈ സീസണിലെ താരലേലത്തിൽ  രജിസ്റ്റർ ചെയ്ത താരങ്ങളിൽ 2011 ഏകദിന ലോകകപ്പ്, 2007 ടി-20 ലോകകപ്പ് ജേതാവുമായ സ്പിന്നർ പിയൂഷ്‌ ചൗളയും ഉൾപ്പെടുന്നുണ്ട്. ഇന്ത്യൻ താരങ്ങളിൽ ഏറ്റവും കൂടുതൽ അടിസ്ഥാന വിലയുള്ളത് പിയൂഷ് ചൗളക്കാണ്. അടുത്തിടടെയാണ് താരം ഇന്ത്യൻ ക്രിക്കറ്റിൽ നിന്നും വിരമിക്കൽ പ്രഖ്യാപിച്ചത്. 

 ഇന്ത്യൻ ക്രിക്കറ്റിന് ഒരുപിടി സംഭാവനകൾ നൽകിയ പ്രതിഭയാണ് ചൗള.  ഇന്ത്യക്കുവേണ്ടി 2006ൽ റെഡ് ബോൾ ക്രിക്കറ്റിൽ അരങ്ങേറ്റം കുറിച്ച ചൗള ആറ് ഇന്നിങ്സുകളിൽ നിന്നും നിന്നും ഏഴ് വിക്കറ്റുകളാണ് സ്വന്തമാക്കിയിട്ടുള്ളത്. ഇംഗ്ലണ്ടിനെതിരെ ടെസ്റ്റ് ക്രിക്കറ്റിൽ അരങ്ങേറ്റം കുറിച്ച താരം 2012 വരെയാണ് ഇന്ത്യൻ റെഡ് ബോൾ ക്രിക്കറ്റ് ജേഴ്സി അണിഞ്ഞത്. 

ഏകദിനത്തിൽ ഇന്ത്യയ്ക്ക് വേണ്ടി 32 വിക്കറ്റുകൾ സ്വന്തമാക്കിയ താരം കുട്ടി ക്രിക്കറ്റിൽ നാല് വിക്കറ്റുകളും കൈപ്പിടിയിൽ ആക്കിയിട്ടുണ്ട്. ഫസ്റ്റ് ക്ലാസ് ക്രിക്കറ്റിലും തന്റെ പ്രതിഭ അടയാളപ്പെടുത്തിയ താരമാണ് ചൗള. 137 ഫസ്റ്റ് ക്ലാസ് മത്സരങ്ങളിൽ നിന്നും 446 വിക്കറ്റുകളാണ് താരം സ്വന്തമാക്കിയിട്ടുള്ളത്. ഇതിൽ 23 തവണ ഫൈഫർ വിക്കറ്റ് നേട്ടങ്ങളും അദ്ദേഹം സ്വന്തമാക്കിയിട്ടുണ്ട്. 164 ലിസ്റ്റ് മത്സരങ്ങളിൽ നിന്നും 254 വിക്കറ്റുകളും വീഴ്ത്തിയിട്ടുള്ള താരമാണ് ചൗള.

ഐപിഎല്ലിൽ വിവിധ ഫ്രാഞ്ചൈസികൾക്ക് വേണ്ടി കളിക്കാനും താരത്തിന് സാധിച്ചിട്ടുണ്ട്. പഞ്ചാബ് കിങ്സ് കൊൽക്കത്ത നൈറ്റ് റൈഡേഴ്സ് ചെന്നൈ സൂപ്പർ കിങ്സ് മുംബൈ ഇന്ത്യൻസ് എന്നീ ടീമുകൾക്ക് വേണ്ടിയായിരുന്നു ചൗള പന്തെറിഞ്ഞത്. 2014ൽ കൊൽക്കത്ത നൈറ്റ് റൈഡേഴ്‌സിനൊപ്പം ഐപിഎൽ കിരീടം നേടാനും ചൗളക്ക് സാധിച്ചു. 

ചൗളക്ക് പുറമെ സിദ്ധാർത്ഥ് കൗൾ, ഇമ്രാൻ ഖാൻ, വെങ്കിടേഷ് ഗലിപ്പെല്ലി, മഹേഷ് ആഹിർ, സരുൾ കൻവാർ, നിഖിൽ ജഗ, മുഹമ്മദ് ഫൈദ്, അനുരീത് സിംഗ് കതൂരിയ, കെഎസ് നവീൻ, അൻസാരി മറൂഫ്, അതുൽ യാദവ് എന്നീ താരങ്ങളും ലേലത്തിൽ പേര് രജിസ്റ്റർ ചെയ്തിട്ടുണ്ട്. 

എസ്എ ടി-20 ലീഗ് 2026 ഡിസംബർ 26 മുതൽ 2027 ജനുവരി 25 വരെയാണ് നടക്കുന്നത്. പുതിയ സീസണിന് മുന്നോടിയായുള്ള താരലേലം സെപ്റ്റംബർ 9നും നടക്കും. മുൻ ഇന്ത്യൻ വിക്കറ്റ് കീപ്പർ ബാറ്റർ ദിനേശ് കാർത്തിക്കാണ് എസ്‌എ ടി-20യിൽ കളിച്ച ആദ്യ ഇന്ത്യൻ താരം. ലീഗിൽ പാർൾ റോയൽസിനായാണ് ദിനേശ് കാർത്തിക് കളിച്ചത്. ഐപിഎൽ 2024ന് ശേഷം ഇന്ത്യൻ ക്രിക്കറ്റിൽ നിന്നും വിരമിക്കൽ പ്രഖ്യാപിച്ച കാർത്തിക് സൗത്ത് ആഫ്രിക്കൻ ലീഗിലേക്ക് ചുവടുവെക്കുകയായിരുന്നു. 

13 Indian players registered for the 2026 SA T20. The players registered for this season's SA T20 auction include 2011 ODI World Cup and 2007 T20 World Cup winner and spinner Piyush Chawla.