ക്ലൗഡ് സ്റ്റോറേജ് പ്ലാറ്റ്‌ഫോമായ ഗൂഗിൾ ഡ്രൈവിൽ വീഡിയോകൾ നേരിട്ട് എഡിറ്റ് ചെയ്യാനുള്ള പുതിയ ഫീച്ചർ ഗൂഗിൾ അവതരിപ്പിച്ചു. ജെമിനി എഐ സാങ്കേതികവിദ്യയാൽ പ്രവർത്തിക്കുന്ന 'ഗൂഗിൾ വിഡ്‌സ്' എന്ന ടൂൾ ഉപയോഗിച്ചാണ് ഈ സൗകര്യം ഉപഭോക്തക്കൾക്ക് ലഭ്യമാക്കുന്നത്. ഇതോടെ തേർഡ് പാർട്ടി ആപ്പുകളുടെ ആവശ്യമില്ലാതെ വെബ് ബ്രൗസറിൽ നിന്ന് തന്നെ വീഡിയോകൾ ട്രിം ചെയ്യാനും, മ്യൂസിക് ചേർക്കാനും, ടെക്സ്റ്റ് ആഡ് ചെയ്യാനും, ഇമേജുകളും ജിഫുകളും സംയോജിപ്പിക്കാനും സാധിക്കും. ഗൂഗിൾ വർക്ക്സ്‌പെയ്‌സിന്റെ ഭാഗമായി ഈ ഫീച്ചർ ലഭ്യമാക്കിയിരിക്കുന്നത് ബിസിനസ്, എഡ്യൂക്കേഷൻ, നോൺ-പ്രോഫിറ്റ് ഉപയോക്താക്കൾക്ക് വലിയ സൗകര്യമായിരിക്കുമെന്നാണ് വിലയിരുത്തൽ.

ഗൂഗിൾ വിഡ്‌സിന്റെ പ്രധാന സവിശേഷതകൾ

ഗൂഗിൾ വിഡ്‌സ് ഉപയോഗിച്ച് ഉപയോക്താക്കൾക്ക് വീഡിയോ ക്ലിപ്പുകൾ, ഇമേജുകൾ, ജിഫുകൾ എന്നിവ ചേർത്ത് പുതിയ വീഡിയോകൾ സൃഷ്ടിക്കാൻ കഴിയും. ജെമിനി എഐയുടെ സഹായത്തോടെ പ്രോംപ്റ്റുകൾ നൽകി ഓട്ടോമാറ്റിക് ആയി സീനുകൾ സജസ്റ്റ് ചെയ്യുക, സ്റ്റോക്ക് മീഡിയ (വീഡിയോകൾ, ഇമേജുകൾ, മ്യൂസിക്) ചേർക്കുക, സ്ക്രിപ്റ്റുകൾ ജനറേറ്റ് ചെയ്യുക തുടങ്ങിയവ സാധ്യമാണ്. വിയോ 3 സാങ്കേതികവിദ്യ ഉപയോഗിച്ച് 8 സെക്കൻഡ് ദൈർഘ്യമുള്ള എഐ ജനറേറ്റഡ് വീഡിയോ ക്ലിപ്പുകളും, ഇമേജൻ 4 ഉപയോഗിച്ച് ടെക്സ്റ്റ്-ടു-ഇമേജ് ജനറേഷനും ലഭ്യമാണ്.

ഫയൽ ഫോർമാറ്റുകൾ: MP4, QuickTime, OGG, WebM എന്നിവ പിന്തുണയ്ക്കുന്നു. ഇമേജുകൾക്ക് PNG, JPEG, GIF; ഓഡിയോയ്ക്ക് OGG, FLAC, M4A, MP3, MP4, WAV തുടങ്ങിയവ.

പരിമിതികൾ: ഓരോ ക്ലിപ്പും 35 മിനിറ്റും 4GB-യും കവിയരുത്. സൃഷ്ടിക്കുന്ന മൊത്തം വീഡിയോയുടെ ദൈർഘ്യം പരമാവധി 10 മിനിറ്റാണ് (ചില കേസുകളിൽ 30 മിനിറ്റ് വരെ ക്ലിപ്പുകൾ ഇൻസേർട്ട് ചെയ്ത് ട്രിം ചെയ്യാം). ഒരു പ്രോജക്റ്റിൽ പരമാവധി 50 മീഡിയ ഒബ്ജക്ടുകൾ ചേർക്കാം.

ഇമ്പോർട്ട് ഓപ്ഷനുകൾ: ഗൂഗിൾ ഡ്രൈവ്, ഗൂഗിൾ ഫോട്ടോസ് എന്നിവയിൽ നിന്ന് ഇമ്പോർട്ട് ചെയ്യാം. കമ്പ്യൂട്ടറിൽ നിന്ന് അപ്‌ലോഡ് ചെയ്യാം അല്ലെങ്കിൽ വെബിൽ നിന്ന് കോപ്പി ചെയ്യാം.

റെക്കോർഡിംഗ്: വിഡ്‌സ് റെക്കോർഡിംഗ് സ്റ്റുഡിയോ ഉപയോഗിച്ച് സ്ക്രീനും ഫെയ്‌സും ഒരുമിച്ച് റെക്കോർഡ് ചെയ്യാം. പ്രീസെറ്റ് വോയ്‌സ്‌ഓവറുകൾ, ടെലിപ്രോംപ്റ്റർ, സ്റ്റോക്ക് മീഡിയ, ടെംപ്ലേറ്റുകൾ എന്നിവയും ലഭ്യമാണ്.

കോളാബറേഷൻ: ഗൂഗിൾ ഡോക്സ് പോലെ റിയൽ-ടൈം എഡിറ്റിംഗും ഷെയറിംഗും. ഓട്ടോ-ജനറേറ്റഡ് ക്ലോസ്ഡ് ക്യാപ്ഷനുകൾ, എൻക്രിപ്ഷൻ തുടങ്ങിയ സുരക്ഷാ ഫീച്ചറുകൾ.

എക്‌സ്‌പോർട്ട്: പൂർത്തിയായ വീഡിയോ MP4 ആയി ഡൗൺലോഡ് ചെയ്യാം അല്ലെങ്കിൽ ഡ്രൈവിൽ സേവ് ചെയ്യാം.

ഗൂഗിൾ ഡ്രൈവിലെ വീഡിയോ പ്രിവ്യൂവിൽ 'ഓപ്പൺ' ബട്ടൺ ക്ലിക്ക് ചെയ്താണ് വിഡ്‌സിലേക്ക് വീഡിയോ തുറക്കുന്നത്. ഇത് ഒരു പുതിയ വിഡ്‌സ് ഫയൽ സൃഷ്ടിക്കും, പിന്നീട് നോൺ-വിഡ്‌സ് ഫോർമാറ്റിലേക്ക് എക്‌സ്‌പോർട്ട് ചെയ്യാം.

ഏതൊക്കെ ബ്രൗസറുകളിൽ പൂർണ്ണ പിന്തുണ?

ഗൂഗിൾ വിഡ്‌സ് മിക്ക വെബ് ബ്രൗസറുകളിലും പ്രവർത്തിക്കുമെങ്കിലും, പൂർണ്ണ ഫീച്ചറുകൾ ലഭ്യമാകുന്നത് ക്രോം, ഫയർഫോക്സ്, മൈക്രോസോഫ്റ്റ് എഡ്ജ് (വിൻഡോസ്) എന്നിവയുടെ ഏറ്റവും പുതിയ രണ്ട് വെർഷനുകളിലാണ്. സഫാരിയിൽ എഡിറ്റിംഗ് സാധ്യമല്ല, എങ്കിലും പ്ലേബാക്ക് ലഭ്യമാണ്. ഗൂഗിൾ ഔദ്യോഗിക ബ്ലോഗ് പോസ്റ്റിൽ ഇക്കാര്യം വ്യക്തമാക്കിയിട്ടുണ്ട്.

ഈ ഫീച്ചർ ഗൂഗിൾ വർക്ക്സ്‌പെയ്‌സ് അക്കൗണ്ടുകൾക്കാണ് പ്രധാനമായും ലഭ്യമാകുന്നത്. കൃത്യമായി പറഞ്ഞാൽ:

ബിസിനസ്: സ്റ്റാർട്ടർ, സ്റ്റാൻഡേർഡ്, പ്ലസ്.
എന്റർപ്രൈസ്: സ്റ്റാർട്ടർ, സ്റ്റാൻഡേർഡ്, പ്ലസ്.
എസൻഷ്യൽസ്: എന്റർപ്രൈസ് എസൻഷ്യൽസ്, എന്റർപ്രൈസ് എസൻഷ്യൽസ് പ്ലസ്.
നോൺ-പ്രോഫിറ്റ്സ്.
എഡ്യൂക്കേഷൻ: ഫണ്ടമെന്റൽസ്, സ്റ്റാൻഡേർഡ്, പ്ലസ്.

ഇതിനുപുറമെ, ഗൂഗിൾ എഐ പ്രോ അല്ലെങ്കിൽ ഗൂഗിൾ എഐ അൾട്രാ സബ്‌സ്‌ക്രിപ്‌ഷനുകൾ ഉള്ളവർക്കും (മുൻപ് ജെമിനി ബിസിനസ്/എന്റർപ്രൈസ് ആഡ്-ഓണുകൾ) ആക്‌സസ് ലഭിക്കും. 2025 ജനുവരി 15 മുതൽ ജെമിനി ആഡ്-ഓണുകൾ വിൽപ്പനയ്ക്കില്ലെങ്കിലും, നിലവിലുള്ള ഉപയോക്താക്കൾക്ക് തുടരാം. എല്ലാ എഡിഷനുകളിലേക്കും റോൾഔട്ട് ചെയ്തിട്ടുണ്ടെന്നാണ് റിപ്പോർട്ടുകൾ. ഗൂഗിൾ വർക്ക്സ്‌പെയ്‌സ് അഡ്മിൻമാർക്ക് ഈ ഫീച്ചർ ഓൺ/ഓഫ് ചെയ്യാം, എന്നാൽ ഡോക്സ് ഓഫാക്കിയ ഡൊമെയ്നുകളിൽ വിഡ്‌സ് ലഭ്യമാകില്ല.

വീഡിയോ-ഫ്രണ്ട്‌ലി ഗൂഗിൾ ഡ്രൈവ്

ഗൂഗിൾ ഡ്രൈവിനെ കൂടുതൽ വീഡിയോ-സൗഹൃദമാക്കാനുള്ള ശ്രമങ്ങളുടെ ഭാഗമായാണ് ഈ അപ്‌ഡേറ്റ്. ഈ വർഷം ആദ്യം വീഡിയോ ട്രാൻസ്ക്രിപ്റ്റ് ഫീച്ചർ അവതരിപ്പിച്ചിരുന്നു, ഇത് വീഡിയോകളിലെ ടെക്സ്റ്റ് തിരയാനും കാണാനും സഹായിക്കുന്നു. പുതിയ ഓട്ടോമാറ്റിക് ക്യാപ്ഷനിംഗ്, പുനർരൂപകൽപ്പന ചെയ്ത ഇന്റർഫേസ്, സീംലസ് പ്ലേബാക്ക് തുടങ്ങിയവയും ചേർത്തിട്ടുണ്ട്.

ബിസിനസ്, എഡ്യൂക്കേഷൻ മേഖലകളിൽ വീഡിയോ കണ്ടന്റ് സൃഷ്ടിക്കുന്നത് സുഗമമാക്കുന്ന ഈ ഫീച്ചർ ഉപയോക്താക്കൾക്ക് സമയവും ചെലവും ലാഭിക്കുമെന്നാണ് ഗൂഗിൾ അധികൃതർ പറയുന്നത്. കൂടുതൽ വിവരങ്ങൾക്ക് ഗൂഗിൾ വർക്ക്സ്‌പെയ്‌സ് വെബ്‌സൈറ്റ് സന്ദർശിക്കാം.

google drive now offers video editing via google vids. powered by gemini ai, eliminating the need for third-party apps. users can edit videos directly in-browser on chrome, firefox, or edge. available to google workspace business, enterprise, essentials, non-profits, and education accounts, plus google ai pro/ultra subscribers, it supports mp4, quicktime, ogg, webm, and more, with features like ai-generated clips, stock media, and real-time collaboration.