കുവൈത്ത് സിറ്റി: നാളെ മുതൽ (2025 സെപ്റ്റംബർ 1) മുതൽ 2026 ജൂൺ 14 വരെ തിരക്കേറിയ സമയങ്ങളിൽ ട്രക്കുകൾ പ്രധാന റോഡുകളിൽ ഉപയോഗിക്കുന്നതിന് നിയന്ത്രണം ഏർപ്പെടുത്തുമെന്ന് ആഭ്യന്തര മന്ത്രാലയം അറിയിച്ചു. 

പ്രാദേശിക സമയം രാവിലെ 6:30 മുതൽ 9:00 വരെയും ഉച്ചയ്ക്ക് 12:30 മുതൽ 3:30 വരെയും ആകും ഈ നിയന്ത്രണം ബാധകമാകുകയെന്ന് മന്ത്രാലയം പ്രസ്താവനയിൽ വ്യക്തമാക്കി.

ALSO READ: ലഹരിക്കടത്ത്: മൂന്നം​ഗ സംഘത്തെ പിടികൂടി ദുബൈ പൊലിസ്; 89,760 ക്യാപ്റ്റഗോൺ ഗുളികകൾ പിടിച്ചെടുത്തു

തുടർന്ന്, 2026 ജൂൺ 15 മുതൽ ഓഗസ്റ്റ് 31 വരെ, ഈ നിയന്ത്രണം ഉച്ചയ്ക്ക് 12:30 മുതൽ 3:30 വരെയുള്ള ഉച്ചസമയത്ത് മാത്രമായിരിക്കുമെന്ന് ജനറൽ ഡയറക്ടറേറ്റ് ഓഫ് ട്രാഫിക് അറിയിച്ചിട്ടുണ്ട്.

ഗതാഗതം നിയന്ത്രിക്കാനും, റോഡുകളിലെ തിരക്ക് കുറയ്ക്കാനും, റോഡ് സുരക്ഷ വർധിപ്പിക്കാനുമാണ് ഈ നടപടികൾ ലക്ഷ്യമിടുന്നതെന്ന് മന്ത്രാലയം വ്യക്തമാക്കി. നിയമനടപടികൾ ഒഴിവാക്കാൻ ട്രക്ക് ഡ്രൈവർമാർ നിർദേശങ്ങൾ പാലിക്കണമെന്ന് മന്ത്രാലയം ആവശ്യപ്പെട്ടു.

The Ministry of Home Affairs has announced that from tomorrow (September 1, 2025) until June 14, 2026, restrictions will be imposed on the use of trucks on main roads during peak hours.