കുവൈത്ത് സിറ്റി: സമസ്ത കേരള ജംഇയ്യത്തുൽ ഉലയുടെ കുവൈത്തിലെ പോഷക ഘടകം കുവൈത്ത് കേരള ഇസ്‌ലാമിക് കൗൺസിൽ (കെ.ഐ.സി) സിൽവർ ജൂബിലി ‘സേവന മുദ്ര'പുരസ്‌കാരത്തിനു കോഴിക്കോട് ഖാളി സയ്യിദ് മുഹമ്മദ് കോയ ജമലുല്ലൈലി തങ്ങളെ തെരഞ്ഞെടുത്തു. സമസ്തയുടെ വിവിധ ഘടകങ്ങളില്‍ സ്തുത്യര്‍ഹമായ പ്രവര്‍ത്തനങ്ങള്‍ നടത്തി,സംഘടനയുടെ പുരോഗതിക്ക് വേണ്ടി തങ്ങളുടെ ജീവിതം തന്നെ സമര്‍പ്പിച്ച 25 നേതാക്കന്‍മാരെ,അവരുടെ സമര്‍പ്പണത്തിന്റെയും സേവനത്തിന്റെയും അംഗീകാരമായി ആദരിക്കുകയാണ് 'സേവന മുദ്ര'യിലൂടെ ലക്ഷ്യമിടുന്നത്.

1994ൽ പട്ടിക്കാട് ജാമിഅ നൂരിയ്യ അറബിക്​ കോളജിൽ നിന്ന്​ പഠനം പൂര്‍ത്തിയാക്കി. കട്ടിലശ്ശേരി, പുല്ലാളൂർ, കരിപ്പൂർ, കടലുണ്ടി നഗരം,ചാലിയം തുടങ്ങീ സ്ഥലങ്ങളിൽ മുദരിസായി സേവനമനുഷ്ഠിച്ചു. നിലവിൽ കേരളത്തിലെ മുന്നൂറിലേറെ മഹല്ലുകളിലെ ഖാളിയാണ്.

സുന്നി യുവജന സംഘം സംസ്ഥാന ജനറൽ സെക്രട്ടറി,ജംഇയ്യത്തുൽ മുദരിസീൻ സ്റ്റേറ്റ് വൈസ് പ്രസിഡന്റ്‌,സമസ്ത വിദ്യാഭ്യാസ ബോർഡ് എക്സിക്യൂട്ടീവ് അംഗം,സമസ്ത മലപ്പുറം ജില്ല മുശാവറ അംഗം, മജ്ലിസുന്നൂർ സ്റ്റേറ്റ് അമീർ, സുപ്രഭാതം ദിനപത്രം ഡയറക്ടർ തുടങ്ങീ പദവികൾ വഹിക്കുന്നുണ്ട്.

അൽ ബിർറ് പ്രീ സ്കൂൾ ചെയർമാൻ,ചെമ്മാട് ദാറുൽ ഹുദ ഇസ്ലാമിക് യൂണിവേഴ്സിറ്റി വൈസ് പ്രസിഡന്റ്, ആനങ്ങാടി ഹസനിയ്യ അറബിക് കോളേജ് പ്രസിഡന്റ്‌,പുല്ലിപ്പറമ്പ് സൈനുൽ ഉലമ വുമൺസ് കോളേജ് ചെയർമാൻ, തൃക്കരിപ്പൂർ ഇഖ്‌റഅ് ഇസ്‌ലാമിക് കോളേജ് പ്രസിഡന്റ്‌, താനൂർ ഇസ്‌ലാഹുൽ ഉലൂം അറബിക് കോളേജ് മാനേജർ,ചേലേമ്പ്ര മൻഹജുർ റഷാദ് ഇസ്ലാമിക് കോളേജ് പ്രിൻസിപ്പൽ, ഒളവട്ടൂർ നുസ്റത്തുൽ ഇസ്‌ലാം അറബിക് കോളേജ് പ്രസിഡന്റ്‌, പൂക്കിപ്പറമ്പ് ഐദറൂസ് മുസ്‌ലിയാർ അറബിക് കോളേജ് പ്രിൻസിപ്പൽ തുടങ്ങീ നിരവധി സ്ഥാപനങ്ങളുടെ സാരഥ്യം വഹിക്കുന്നുണ്ട്. 

സെപ്റ്റംബർ 5നു വെള്ളിയാഴ്ച അബ്ബാസിയ ആസ്പെയർ ഇന്ത്യൻ ഇന്റർനാഷനൽ സ്കൂൾ ഓഡിറ്റോറിയത്തിൽ വെച്ച് നടക്കുന്ന 'മുഹബ്ബത്തെ റസൂൽ' നിബിദിന മഹാ സമ്മേളനത്തിൽ വെച്ച് പുരസ്‌കാരം സമ്മാനിക്കുമെന്ന് കുവൈത്ത് ഇസ്‌ലാമിക് കൗൺസിൽ നേതാക്കൾ അറിയിച്ചു.

The Kuwait Kerala Islamic Council (KIC), a subsidiary of Samastha Kerala Jamiyyathul Ulema, has selected Kozhikode Qazi Sayyid Muhammad Koya Jamalullaili Thangal for the prestigious Silver Jubilee 'Seva Mudra' award. This recognition highlights Thangal's dedication and contributions to the community, reflecting the values of service and compassion ¹.