ബെംഗളുരു: ബെംഗളുരുവിലെ ആചാര്യ നഴ്‌സിംഗ് കേളേജില്‍ സംഘടിപ്പിച്ച ഓണാഘോഷത്തിനിടെ ഉണ്ടായ സംഘര്‍ഷത്തില്‍ മലയാളി വിദ്യാര്‍ഥിക്ക് കുത്തേറ്റു. ആദിത്യ എന്ന വിദ്യാര്‍ഥിക്കാണ് സംഘര്‍ഷത്തിനിടെ പരുക്കേറ്റത്. സംഭവത്തില്‍ വിദ്യാര്‍ഥിയെ പരുക്കേല്‍പ്പിച്ച നാലുപേര്‍ക്കെതിരെ പൊലിസ് കേസ് എടുത്തിട്ടുണ്ട്. ആദിത്യയുടെ സുഹൃത്ത് സാബിത്തിനും സംഘര്‍ഷത്തില്‍ പരുക്കേറ്റിട്ടുണ്ട്. സംഭവത്തില്‍ വിശദമായ അന്വേഷണം നടക്കുകയാണെന്ന് പൊലിസ് അറിയിച്ചു.