മലയാളി സൂപ്പർ താരം സഞ്ജു സാംസൺ അടുത്ത സീസണിൽ രാജസ്ഥാൻ റോയൽസിനൊപ്പം ഉണ്ടാകുമോയെന്ന ചർച്ചകളാണ് ഇന്ത്യൻ ക്രിക്കറ്റിൽ സജീവമായി നിലനിൽക്കുന്നത്. സഞ്ജുവിനെ സ്വന്തമാക്കാൻ കൊൽക്കത്ത നൈറ്റ് റൈഡേഴ്സ്, ചെന്നൈ സൂപ്പർ കിങ്സ് തുടങ്ങിയ ടീമുകൾ നേരത്തെതന്നെ ശ്രമങ്ങൾ നടത്തിയിരുന്നു. ഇപ്പോൾ രാജസ്ഥാനൊപ്പമുള്ള സഞ്ജുവിന്റെ ഭാവിയെക്കുറിച്ചുള്ള ഒരു നിർണായകമായ റിപ്പോർട്ടാണ് പുറത്തുവന്നിട്ടുള്ളത്. 2026 ഐപിഎല്ലിൽ രാജസ്ഥാൻ റോയൽസിന്റെ ക്യാപ്റ്റൻ സ്ഥാനം സഞ്ജുവിന് നഷ്ടമാവും എന്നാണ് ഇപ്പോൾ ലഭിക്കുന്ന റിപ്പോർട്ടുകൾ. സ്പോർട്സ്റേവാണ് ആണ് ഇക്കാര്യം റിപ്പോർട്ട് ചെയ്യുന്നത്. 

2021ൽ ആയിരുന്നു സഞ്ജു രാജസ്ഥാൻ റോയൽസിന്റെ ക്യാപ്റ്റനായി ചുമതലയേറ്റത്. തൊട്ടടുത്ത വർഷം രാജസ്ഥാനെ ഫൈനലിലേക്ക് നയിക്കാനും സഞ്ജുവിന് സാധിച്ചു എന്നാൽ ഗുജറാത്ത് ടൈറ്റ്സിനോട് പരാജയപ്പെട്ട് രാജസ്ഥാന് കിരീടം നഷ്ടമാവുകയായിരുന്നു. 

2025 ഐപിഎല്ലിൽ പരുക്കേറ്റതിന് പിന്നാലെ സഞ്ജുവിന് രാജസ്ഥാനൊപ്പമുള്ള ധാരാളം മത്സരങ്ങൾ നഷ്ടമായിരുന്നു. ഡൽഹി ക്യാപ്പിറ്റൽസിനെതിരായ മത്സരത്തിൽ പരുക്കേറ്റ് സഞ്ജു പുറത്തായിരുന്നു. മത്സരത്തിൽ റിട്ടയേർഡ് ഹർട്ടായാണ് സഞ്ജു മടങ്ങിയത്. സഞ്ജുവിന്റെ അഭാവത്തിൽ റിയാൻ പരാഗ് ആയിരുന്നു പല മത്സരങ്ങളിലും രാജസ്ഥാനെ നയിച്ചിരുന്നത്. തുടക്കത്തിലെ ആദ്യം മൂന്നു മത്സരങ്ങളിലും സഞ്ജു ഇമ്പാക്ട് പ്ലെയർ ആയാണ് കളത്തിൽ ഇറങ്ങിയത്

രാഹുൽ ദ്രാവിഡിന്റെ പടിയിറക്കം

രാജസ്ഥാൻ റോയൽസ് പരിശീലക സ്ഥാനത്തുനിന്നും രാഹുൽ ദ്രാവിഡ് പടിയിറങ്ങിയിരുന്നു. 2026 ഐപിഎൽ സീസണിന് മുന്നോടിയായി ദ്രാവിഡ് രാജസ്ഥാനിൽ നിന്നും പടിയിറങ്ങുകയാണെന്നാണ് രാജസ്ഥാൻ റോയൽസ് തങ്ങളുടെ സോഷ്യൽ മീഡിയയിലൂടെ അറിയിക്കുകയായിരുന്നു. 

സഞ്ജു ടീം വിടാൻ സാധ്യതയുള്ളതിനാലും സഞ്ജു പുറത്തായാൽ പകരം രാജസ്ഥാന്റെ നായകനായി റിയാൻ പരാഗിനെ നിയമിക്കാനുള്ള ടീമിന്റെ നീക്കത്തോട് ദ്രാവിഡ് വിയോജിപ്പ് പ്രകടപ്പിച്ചുവെന്നും റിപ്പോർട്ടുകളുണ്ട്. യശ്വസി ജെയ്‌സ്വാളിനെ പോലുള്ള താരങ്ങളെ മറികടന്ന് പരാഗിനെ ക്യാപ്റ്റനാക്കുന്നതിനോട് താല്പര്യമില്ലാത്തതിനാലാണ് ദ്രാവിഡ് രാജസ്ഥാന്റെ പരിശീലകസ്ഥാനം രാജിവെച്ചതാണെന്നാണ് പിടിഐ റിപ്പോർട്ട് ചെയ്തത്. 

ഇന്ത്യയുടെ 2024 ടി-20 ലോകകപ്പ് വിജയത്തിന് ശേഷം ദ്രാവിഡ് പരിശീലകസ്ഥാനത്തിൽ നിന്നും പടിയിറങ്ങിയിരുന്നു. ഇതിനു പിന്നാലെയാണ് ദ്രാവിഡ് രാജസ്ഥാന്റെ പരിശീലകനായി ചുമതലയേറ്റത്‌. ശ്രീലങ്കൻ ഇതിഹാസം കുമാർ സംഗകാരക്ക് പകരക്കാരനായാണ് ദ്രാവിഡ് രാജസ്ഥാന്റെ പരിശീലക കുപ്പായമണിഞ്ഞത്.

എന്നാൽ ദ്രാവിഡിന്റെ കീഴിൽ നിരാശാജനകമായ പ്രകടനമാണ് രാജസ്ഥാൻ നടത്തിയിരുന്നത്. 2025 ഐപിഎല്ലിൽ ഒമ്പതാം സ്ഥാനത്താണ് രാജസ്ഥാൻ ഫിനിഷ് ചെയ്‍തത്. 14 മത്സരങ്ങളിൽ നിന്നും നാല് വിജയവും 10 തോൽവിയും അടക്കം എട്ട് പോയിന്റായിരുന്നു രാജസ്ഥാൻ നേടിയിരുന്നത്.

A crucial report has emerged regarding Sanju Samson's future with Rajasthan Royals. Reports are now coming in that Sanju will lose the captaincy of Rajasthan Royals in the 2026 IPL