അബൂദബി: കുറഞ്ഞ നിരക്കിൽ വിമാന സർവീസുകൾ പ്രദാനം ചെയ്തിരുന്ന വിസ് എയർ അബൂദബി ആസ്ഥാനമായുള്ള പ്രവർത്തനങ്ങൾ ഔദ്യോഗികമായി നിർത്തിവച്ചു. എന്നാൽ, കുറ‍ഞ്ഞ നിരക്കിൽ ടിക്കറ്റ് പ്രദാനം ചെയ്യുന്ന വിമാന കമ്പനികളെ ആശ്രയിച്ച് യാത്ര ചെയ്യുന്നവർക്ക്  മറ്റ് ഓപ്ഷനുകൾ ലഭ്യമാണ്. 

സെപ്റ്റംബർ 1 മുതൽ പ്രാബല്യത്തിൽ വന്ന പുതിയ തീരുമാനം ചില വിമാനങ്ങൾ റദ്ദാക്കുന്നതിനും യൂറോപ്യൻ വിപണികളിലേക്കുള്ള ചില പ്രമുഖ വിമാന കമ്പനികളുടെ തിരിച്ചുവരവിനും വഴിയൊരുക്കിയിരുന്നു. വിസ് എയറിന്റെ ആഗസ്റ്റ് മാസത്തെ ട്രാഫിക് റിപ്പോർട്ട് പ്രകാരം, അബൂദബിയിൽ നിന്നുള്ള വിസ് എയറിന്റെ അവസാന വിമാനം ആഗസ്റ്റ് 31-നാണ് പറന്നത്. 

ALSO READ: ഇന്ത്യ-യുഎഇ യാത്ര: 4000 രൂപ മുതൽ ടിക്കറ്റുകൾ; പേ ഡേ സെയിൽ പ്രഖ്യാപിച്ച് എയർ ഇന്ത്യ എക്സ്പ്രസ് 

“വേനൽക്കാല ഇടവേളയ്ക്ക് ശേഷം, വിസ് എയർ ടെൽ അവീവ് സ്റ്റേഷനിൽ 24 റൂട്ടുകളിലേക്ക് സെപ്റ്റംബർ പകുതിയോടെ പൂർണ സർവീസ് പുനരാരംഭിക്കും,” കമ്പനി പുറത്തിറക്കിയ പ്രസ്താവനയിൽ വ്യക്തമാക്കി. 

പശ്ചിമേഷ്യയിലെ അനിശ്ചിതത്വങ്ങളും ചൂടുള്ള കാലാവസ്ഥയിൽ എൻജിൻ നേരിടുന്ന പ്രശ്നങ്ങളും ഉൾപ്പെടെയുള്ള പ്രവർത്തന വെല്ലുവിളികളാണ് അബൂദബി ഹബ് അടച്ചുപൂട്ടാൻ വിസ് എയറിനെ നിർബന്ധിതരാക്കിയത്. യൂറോപ്യൻ ശൃംഖലയിൽ നിന്നുള്ള ചില റൂട്ടുകൾ അബൂദബിയിൽ നിന്ന് തുടരുമെങ്കിലും, പ്രാദേശിക വിഭാഗം നടത്തിയിരുന്ന വിമാനങ്ങളെ ഈ തീരുമാനം ബാധിക്കും.

കുറഞ്ഞ നിരക്കിൽ ടിക്കറ്റ് വാ​ഗ്ദാനം ചെയ്യുന്ന മറ്റ് എയർലൈനുകൾ

വിസ് എയറിനെ ആശ്രയിച്ചിരുന്ന യാത്രക്കാർക്ക് യുഎഇയിൽ നിന്നും അന്താരാഷ്ട്ര തലത്തിൽ നിന്നും നിരവധി ബജറ്റ് എയർലൈനുകൾ ലഭ്യമാണ്:

എയർ അറേബ്യ & എയർ അറേബ്യ അബൂദബി: മേഖലയിലെ ഏറ്റവും വലിയ കുറഞ്ഞ നിരക്ക് പ്രദാനം ചെയ്യുന്ന വിമാനക്കമ്പനിയാണ് എയർ അറേബ്യ. ഷാർജയിൽ നിന്ന് പ്രവർത്തിക്കുന്ന കമ്പനി, എത്തിഹാദ് എയർവേയ്സുമായി സഹകരിച്ച് സായിദ് അന്താരാഷ്ട്ര വിമാനത്താവളത്തിൽ നിന്നും സർവീസ് നടത്തുന്നു. മിഡിൽ ഈസ്റ്റ്, വടക്കേ ആഫ്രിക്ക, ഏഷ്യ എന്നിവിടങ്ങളിലേക്ക് കമ്പനി കമ്പനി സർവീസ് നടത്തുന്നുണ്ട്.

ഫ്‌ലൈദുബൈ: ദുബൈ ആസ്ഥാനമായി പ്രവർത്തിക്കുന്ന ഈ എയർലൈൻ കുറഞ്ഞ നിരക്കിനൊപ്പം മികച്ച സേവന ആനുകൂല്യങ്ങളും വാഗ്ദാനം ചെയ്യുന്നു. 120-ലധികം ലക്ഷ്യസ്ഥാനങ്ങളിലേക്കുള്ള വിപുലമായ ശൃംഖലയുള്ള ഇവരുടെ കിഴക്കൻ യൂറോപ്പിലേക്കും ഇന്ത്യൻ ഉപഭൂഖണ്ഡത്തിലേക്കുമുള്ള യാത്രകൾക്ക് വലിയ ഡിമാന്റാണ്.

ഫ്‌ലൈനാസ്: സഊദി അറേബ്യ ആസ്ഥാനമായി പ്രവർത്തിക്കുന്ന ഈ എയർലൈൻ ദുബൈയിൽ നിന്നും അബൂദബിയിൽ നിന്നും സഊദിയിലേക്കും ടിബിലിസി, ബ്രസ്സൽസ് തുടങ്ങിയ സ്ഥലങ്ങളിലേക്കും സർവീസ് നടത്തുന്നു.

ഇൻഡിഗോ & എയർ ഇന്ത്യ എക്സ്പ്രസ്: ഇന്ത്യയിലേക്കും യുഎഇയിലേക്കും യാത്ര ചെയ്യുന്നവർക്ക് ഡസൻ കണക്കിന് നഗരങ്ങളിലേക്ക് മികച്ച നിരക്കിൽ ടിക്കറ്റ് വാ​ഗ്ദാനം ചെയ്യുന്ന കമ്പനികളാണ് ഇൻഡി​ഗോയും എയർ ഇന്ത്യയും.

ALSO READ: വമ്പന്‍ ഓഫറുമായി എയര്‍ അറേബ്യ; 255 ദിര്‍ഹത്തിന് കേരളത്തിലേക്ക് പറക്കാം; ഓഫര്‍ പരിമിത സമയത്തേക്ക് മാത്രം 

പെഗാസസ് എയർലൈൻസ് & ജസീറ എയർവേസ്: തുർക്കിയിലേക്കും യൂറോപ്പിലേക്കും ഷാർജ, ദുബൈ എന്നിവിടങ്ങളിൽ നിന്ന് പെഗാസസ് സർവീസ് നടത്തുന്നു. ജസീറ എയർവേസ് ദുബൈയിൽ നിന്നും അബൂദബിയിൽ നിന്നും മിഡിൽ ഈസ്റ്റ്, ഏഷ്യ എന്നിവിടങ്ങളിലേക്ക് കുറഞ്ഞ നിരക്കിൽ സർവീസ് നടത്തുന്നു.

വിസ് എയർ സർവീസുകൾ നിർത്തലാക്കിയതിനാൽ, യാത്രക്കാർ മുൻകൂട്ടി ബുക്കിംഗ് നടത്തുകയും മറ്റ് എയർലൈനുകളുടെ ഓഫറുകൾ താരതമ്യം ചെയ്യുകയും ചെയ്യേണ്ടതാണ്. എയർ അറേബ്യ, ഫ്‌ലൈദുബൈ തുടങ്ങിയവർ പല റൂട്ടുകളിലും മത്സരാധിഷ്ഠിത നിരക്കുകൾ വാഗ്ദാനം ചെയ്യുന്നു. 

wizz air has suspended its services from abu dhabi, affecting many travelers in the uae. here’s a look at other budget airlines passengers can rely on for affordable flights and convenient travel options across popular destinations.