ബംഗളൂരു: കര്‍ണാടകയിലെ ഷിമോഗയില്‍ തുംഗഭദ്ര നദിയില്‍ ഗണേശ വിഗ്രഹനിമഞ്ജനത്തിനിടെ ചങ്ങാടം മറിഞ്ഞ് 10 പേര്‍ മരിച്ചു.
ആറു പേരെ കാണാതായി. 20 പേര്‍ കയറിയ ചങ്ങാടമാണ് അപകടത്തില്‍ പെട്ടത്. കാണാതായവര്‍ക്കുവേണ്ടി തിരച്ചില്‍ ഊര്‍ജിതമാക്കിയിട്ടുണ്ട്. ഏഴു പേരുടെ മൃതദേഹം തിരിച്ചറിഞ്ഞിട്ടുണ്ട്. ഇന്നലെ ഉച്ച കഴിഞ്ഞാണ് സംഭവം. വേലിയേറ്റസമയത്താണ് അപകടമുണ്ടായത്. പതിനായിരത്തോളം പേര്‍ ചടങ്ങിനെത്തിയിരുന്നു.