തിരുവനന്തപുരം: പുഞ്ചക്കരി പേരകം ജങ്ഷന് സമീപം വീട്ടുമുറ്റത്ത് നിര്‍ത്തിയിട്ടിരുന്ന വാഹനങ്ങള്‍ കത്തി നശിച്ചു. ശരണ്യ- ശങ്കര്‍ ദമ്പതികള്‍ താമസിച്ചിരുന്ന തിരുവല്ലം പുഞ്ചക്കരി പേരകത്ത രഞ്ചുവിഹാറില്‍ വാടകയ്ക്ക് താമസിക്കുന്ന വീടിന് മുന്നിലാണ് ഇന്ന് പുലര്‍ച്ചെ സംഭവം നടന്നത്.

 മഹീന്ദ്ര ബൊലേറോ, മാരുതി വാഗണര്‍ കാറുകളാണ് കത്തി നശിച്ചത്. ഭര്‍ത്താവുമായുള്ള വഴക്കിനെത്തുടര്‍ന്ന് ശരണ്യയും മക്കളും വീട് വിട്ടു നില്‍ക്കുകയായിരുന്നു. കഴിഞ്ഞ ദിവസം രാത്രിയില്‍ വാഹനം കത്തിക്കുന്നതിനായി ശങ്കറെത്തിയെന്ന് ശരണ്യ തിരുവല്ലം പൊലിസില്‍ പരാതി നല്‍കുകയും ചെയ്തിരുന്നു.

തുടര്‍ന്ന് പൊലിസ് സംഭവ സ്ഥലത്ത് എത്തുമ്പോള്‍ വീടിനു മുന്നിലെ രണ്ട് വാഹനങ്ങളും തീപിടിച്ച് കത്തുന്ന നിലയിലായിരുന്നു. വിവരമറിഞ്ഞ് വിഴിഞ്ഞത്ത് നിന്നും എത്തിയ ഫയര്‍ഫോഴ്‌സ് വാഹനങ്ങളിലെയും വീടിനുള്ളിലെയും തീ പൂര്‍ണമായും കെടുത്തുകയും ചെയ്തു.

 ഇതിനിടെ സമീപത്തുണ്ടായിരുന്ന സ്‌കൂട്ടറും സൈക്കിളുകളും കത്തി നശിക്കാതിരിക്കാന്‍ പൊലിസ് നടപടി സ്വീകരിച്ചു. രണ്ടു വാഹനങ്ങള്‍ക്ക് സമീപം പേപ്പര്‍ ബുക്‌ലെറ്റുകള്‍ കൂട്ടിയിട്ട് കത്തിച്ചാണ് തീ പടര്‍ത്തിയതെന്നാണ് സംശയം. ഹാളിലെ ബുക്ക് ഷെല്‍ഫിലേക്കും തീ പടര്‍ന്നിട്ടുണ്ടായിരുന്നു.

ALSO READ: രാഹുലും സോണിയയും ഇന്ന് വയനാട്ടില്‍; സ്വകാര്യ സന്ദര്‍ശനമെന്ന് വിശദീകരണം; ജില്ല നേതൃത്വവുമായി കൂടിക്കാഴ്ച്ച നടത്തും

മകളെ കാണണമെന്ന് പറഞ്ഞാണ് ശങ്കര്‍, ശരണ്യയുടെ വീട്ടിലെത്തുന്നത്. വീട്ടുകാര്‍ വിസമ്മതിച്ചതോടെ തിരികെപ്പോയ ഇയാള്‍ പുലര്‍ച്ചെ തിരിച്ചെത്തി കാറുകള്‍ക്ക് തീയിട്ടുവെന്നാണ് നിഗമനം. ഏകദേശം 10 ലക്ഷം രൂപയുടെ നഷ്ടമുണ്ടായിട്ടുണ്ടെന്നാണ് പ്രാഥമിക വിവരം.

സംഭവത്തില്‍ ശരണ്യയുടെ ഭര്‍ത്താവ് ശങ്കറിനെ പൊലിസ് കസ്റ്റഡിയിലെടുത്തിട്ടുണ്ട്. പൊട്ടിത്തെറിക്കുന്ന അവസ്ഥയില്‍ തീ പടര്‍ന്നിരുന്ന വാഹനങ്ങള്‍ അഗ്‌നിരക്ഷാസേന സ്റ്റേഷന്‍ ഓഫിസര്‍ പ്രമോദിന്റെ നേതൃത്വത്തിലുള്ള സംഘം ഒരു മണിക്കൂറെടുത്താണ് തീയണച്ചത്. നേരത്തെയും ഇയാള്‍ ബൈക്കിന് തീവച്ചിരുന്നതായി നാട്ടുകാരും പറഞ്ഞു.

In a shocking incident in Punchakkari Perakam Junction near Thiruvallam, Thiruvananthapuram, two parked vehicles were completely destroyed in a fire early this morning. The incident occurred in front of Ranju Vihar, a rented residence where a couple, Sharanya and Shankar, had been living.