പുല്ലൂര്‍:  പുല്ലൂര്‍ പാലത്തിനു സമീപം ബസ് ലോറിക്കു പിറകിലിടിച്ചു രണ്ടു യാത്രക്കാര്‍ക്കു പരുക്കേറ്റു. കഴിഞ്ഞ ദിവസം സന്ധ്യയോടെയാണു സംഭവം. കൊടവലത്തു നിന്നു കാഞ്ഞങ്ങാട്ടേക്കു പോവുകയായിരുന്ന ശ്രീലകം ബസാണ് അപകടത്തില്‍ പെട്ടത്. നിറയെ യാത്രക്കാരുമായി പോവുകയായിരുന്ന ബസ് പാലത്തിനു സമീപത്തെത്തിയപ്പോള്‍ മുന്നിലൂടെ സഞ്ചരിക്കുകയായിരുന്ന ലോറിക്കു പിറകില്‍ ഇടിക്കുകയായിരുന്നു. അപകടത്തില്‍ ബസിന്റെ മുന്‍ഭാഗം പൂര്‍ണമായും തകര്‍ന്നു.
സ്ഥിരം അപകട മേഖലയായ ഇവിടെ പാലത്തിന്റെ കൈവരി മാസങ്ങള്‍ക്കു മുമ്പ് ടാങ്കര്‍ ലോറിയിടിച്ചു തകര്‍ന്നിരുന്നു.