കൊച്ചി: ഇടപ്പള്ളി, മണ്ണുത്തി ദേശീയപാതയിലെ പാലിയേക്കരയിലെ ടോൾ പിരിവ് പുനരാരംഭിക്കുന്നതിന് ഹൈക്കോടതി ഇന്ന് ഉത്തരവ് പുറപ്പെടുവിക്കും. ചില വ്യവസ്ഥകളോടെ ടോൾ പിരിവ് പുനരാരംഭിക്കുന്നത് അനുവദിക്കാം എന്നാണ് കഴിഞ്ഞദിവസം കോടതി വ്യക്തമാക്കിയത്.  ഗതാഗതക്കുരുക്ക് രൂക്ഷമായതിനു പിന്നാലെ ഒരു മാസം മുമ്പായിരുന്നു പാലിയേക്കരയിലെ ടോൾ പിരിവ് കോടതി താൽക്കാലികമായി തടഞ്ഞിരുന്നത്.

ടോൾ പിരിവ് പുനരാരംഭിക്കാൻ ദേശീയപാത അതോറിറ്റി സുപ്രീംകോടതിയെ സമീപിച്ചെങ്കിലും അനുകൂല ഉത്തരവുകൾ ഉണ്ടാവാതിരിക്കുകയായിരുന്നു. കടുത്ത ഗതാഗതക്കുരുക്ക് നേരിട്ട് സർവീസ് റോഡുകൾ അടക്കം അറ്റകുറ്റപ്പണികൾ അവസാനഘട്ടത്തിലാണെന്ന് തൃശൂർ ജില്ലാ കളക്ടർ കഴിഞ്ഞദിവസം കോടതിയെ അറിയിച്ചിരുന്നു.