കോഡൂര്‍: ആല്‍പ്പറ്റക്കുളമ്പ പി.കെ.എം.യു.പി സ്‌കൂളിന്റെ ഓണാഘോഷത്തിന് മാതൃകാ തുടക്കം. സംസ്ഥാന  ശിശുക്ഷേമ സമിതിയുടെ കീഴില്‍ പ്രവര്‍ത്തിക്കുന്ന ശിശു പരിപാലന കേന്ദ്രത്തിലെ കുട്ടികള്‍ക്കാവശ്യമായ  സോഫ്റ്റ്ഫുഡും അരിയുമുള്‍പ്പെടെയുള്ള ഭക്ഷ്യവസ്തുകള്‍ വിദ്യാര്‍ഥികള്‍ എത്തിച്ചു.
മുന്‍പ് കോഡൂര്‍ വെസ്റ്റില്‍ പ്രവര്‍ത്തിച്ചിരുന്ന കേന്ദ്രം ഇപ്പോള്‍ മലപ്പുറം കാളമ്പാടിയിലാണുള്ളത്. കേന്ദ്രത്തിന്  വേണ്ടി ഭക്ഷ്യവസ്തുകള്‍ ഏറ്റുവാങ്ങി ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ചടങ്ങ്  ഉദ്ഘാടനം ചെയ്തു.
പഞ്ചായത്ത് അംഗവും പി.ടി.എ പ്രസിഡന്റുമായ മുഹമ്മദലി കടമ്പോട്ട്  അധ്യക്ഷനായി. പഞ്ചായത്ത് അംഗം അബ്ദുന്നാസര്‍ കുന്നത്ത്, സംസ്ഥാന ശിശുക്ഷേമ സമിതി അംഗം  ഹാരിസ് പഞ്ചിളി, പി.പി അബ്ദുല്‍ നാസര്‍, യു. അസീന്‍ ബാബു, ഓമനകൂമാരി, പി.പി ആനിസ്, പി. രാജന്‍, പി. വാസു,  കെ.ടി ഉസ്മാന്‍, കെ.ടി ജമീല, കെ. രാഹുല്‍, എന്‍.കെ. റാബിയ ചടങ്ങില്‍ പങ്കെടുത്തു.