നിലമ്പൂര്‍: ഓഫിസ് സമയങ്ങളില്‍ ഓണാഘോഷങ്ങള്‍ക്കു സര്‍ക്കാര്‍ നിയന്ത്രണമേര്‍പ്പെടുത്തിയിട്ടുണ്ടെങ്കിലും മേഖലയിലെല്ലാം ഓണാഘോഷം തുടങ്ങിക്കഴിഞ്ഞു.
ഓണാവധിക്കു നേരത്തെ സ്‌കൂളുകള്‍ അടക്കുന്നതിനാല്‍ സ്‌കൂളുകളിലെല്ലാം തന്നെ ഓണാഘോഷം നടന്നുവരികയാണ്. അങ്കണവാടികളിലും സ്‌പെഷ്യല്‍ സ്‌കൂളുകളിലും ഇക്കുറി പുതുമയാര്‍ന്ന ഓണാഘോഷ പരിപാടികളാണു നടക്കുന്നത്.
ഓഫിസ് പ്രവൃത്തി സമയത്തു പൂക്കളമിടുന്നത് അടക്കമുള്ള നിയന്ത്രണമുള്ളതിനാല്‍ പല ഓഫിസുകളിലും ജീവനക്കാര്‍ നേരത്തെ എത്തിയിരുന്നു. പഞ്ചായത്തുകളിലും ബ്ലോക്ക്, ജില്ലാ പഞ്ചായത്തുകളിലും നഗരസഭകളിലും ഓണാഘോഷം തുടങ്ങിക്കഴിഞ്ഞു.