കണ്ണൂര്‍: മുണ്ടയാട് ഇന്‍ഡോര്‍ സ്റ്റേഡിയത്തില്‍ ആരംഭിച്ച 41ാമത് സംസ്ഥാന ജൂനിയര്‍ ബാഡ്മിന്റണ്‍ ചാംപ്യന്‍ഷിപ്പില്‍ കോഴിക്കോടും എറണാകുളവും ഫൈനലില്‍. സെമിഫൈനല്‍ മത്സരത്തില്‍ ആതിഥേയരായ കണ്ണൂരിനെയാണ് കോഴിക്കോട് പരാജയപ്പെടുത്തിയത്.
എറണാകുളം തൃശ്ശൂരിനെ പരാജയപ്പെടുത്തി. ഇന്ന് രാവിലെ എട്ടോടെ ഫൈനല്‍ മത്സരം നടക്കും. തുടര്‍ന്ന് ഓപണ്‍ വിഭാഗം മത്സരം. ചാംപ്യന്‍ഷിപ്പ് പി.കെ ശ്രീമതി എം.പി ഉദ്ഘാടനം ചെയ്തു. മുന്‍ മന്ത്രി കെ.പി മോഹനന്‍ അധ്യക്ഷനായി. ഡോ. പി.കെ ജഗന്നാഥന്‍, ഒ.കെ വിനേഷ്, ഷാഹിന മൊയ്തീന്‍, കെ രാജേഷ് സംസാരിച്ചു.
മത്സരം 11 വരെ നീണ്ടുനില്‍ക്കും. വിജയിക്കുന്നവര്‍ക്ക് ദേശീയ സെലക്ഷന്‍ ക്യാംപില്‍ പങ്കെടുക്കാന്‍ യോഗ്യത ലഭിക്കും.