തിരുവനന്തപുരം: വര്‍ക്കലയില്‍ വിനോദസഞ്ചാരിക്ക് മര്‍ദ്ദനമേറ്റതായി പരാതി. ബീച്ചില്‍ കുളിക്കാന്‍ ഇറങ്ങിയ ഗ്രീക്ക് സ്വദേശി റോബര്‍ട്ടിനാണ് മര്‍ദനമേറ്റത്. ശനിയാഴ്ച രാവിലെയായിരുന്നു സംഭവം.  ബീച്ചില്‍ വാട്ടര്‍ സ്‌പോര്‍ട്‌സ് നടത്തുന്ന ജീവനക്കാരാണ് മര്‍ദിച്ചത്.

കഴിഞ്ഞ ദിവസം റോബര്‍ട്ടിന്റെ മൊബൈല്‍ ഫോണ്‍ ബീച്ചില്‍ നഷ്ടപ്പെട്ടിരുന്നു. ഇത് അന്വേഷിച്ച് ഇദ്ദേഹം ബീച്ചില്‍ എത്തുകയും തുടര്‍ന്ന് കടലില്‍ കുളിക്കാന്‍ ഇറങ്ങാന്‍ ശ്രമിക്കുകയും ചെയ്തു.

ALSO READ: ഗസ്സ പ്രമേയമാക്കി മൈം; പരിപാടിക്കിടെ കര്‍ട്ടനിടാന്‍ ആവശ്യപ്പെട്ട് അധ്യാപകന്‍; വിവാദം, ഇടപെട്ട് വിദ്യാഭ്യാസ മന്ത്രി

എന്നാല്‍ വാട്ടര്‍ സ്‌പോര്‍ട്‌സ് നടത്തിപ്പുകാരായ തൊഴിലാളികള്‍ ഇയാളെ കടലില്‍ ഇറങ്ങാന്‍ അനുവദിച്ചില്ല. തുടര്‍ന്ന് റോബര്‍ട്ടും ജീവനക്കാരുമായി വാക്കുതര്‍ക്കം ഉണ്ടാവുകയും ജീവനക്കാര്‍ റോബര്‍ട്ടിനെ മര്‍ദിക്കുകയും ചെയ്തു. നാട്ടുകാര്‍ ഇടപെട്ടതിനെ തുടര്‍ന്നാണ് സംഘം പിന്‍മാറിയത്.

പിന്നാലെ ടൂറിസം പൊലിസ് എത്തി വിദേശിയെ വര്‍ക്കല താലൂക്ക് ആശുപത്രിയിലേക്ക് മാറ്റി. റോബര്‍ട്ടിന്റെ കണ്ണിന് പരുക്കേറ്റിട്ടുണ്ട്. റോബര്‍ട്ട് മാനസികാസ്വാസ്ഥ്യം പ്രകടിപ്പിക്കുന്ന ആളാണെന്ന് വര്‍ക്കല പൊലിസ് പറഞ്ഞു.

English summary: A Greek national named Robert was brutally assaulted by water sports staff at Varkala Beach on Saturday morning. The tourist had lost his mobile phone on the beach and returned to search for it before attempting to enter the sea for a swim.