ദുബൈ: ദുബൈയിലെ ശൈശവകാല കേന്ദ്രങ്ങൾ (early childhood centres), സ്കൂളുകൾ, അന്താരാഷ്ട്ര സർവകലാശാലകൾ എന്നിവിടങ്ങളിലെ 200-ലധികം അധ്യാപകർക്ക് ഗോൾഡൻ വിസ നൽകാൻ ഉത്തരവിട്ട് ദുബൈ കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം.

"മുന്നോട്ടുള്ള വഴിയിൽ വെളിച്ചം വീശുന്നവരാണ് അധ്യാപകർ. അവർ നമ്മുടെ കുട്ടികൾക്ക് വിജയിക്കാനുള്ള ആത്മവിശ്വാസം നൽകി അവരെ പ്രചോദിപ്പിക്കുകയും നയിക്കുകയും ചെയ്യുന്നു," ഷെയ്ഖ് ഹംദാൻ പറഞ്ഞു.

ALSO READ: തകരാറിലായ സീറ്റിൽ യാത്ര ചെയ്യുന്നതിനിടെ പരുക്കേറ്റു; വിമാനക്കമ്പനിക്ക് 10,000 ദിർഹം പിഴ ചുമത്തി കോടതി 

"മികച്ച അധ്യാപകർക്ക് ഗോൾഡൻ വിസ നൽകുന്നതിലൂടെ, ദുബൈ അറിവിനേയും സത്യസന്ധതയേയും സേവനത്തേയും എത്രമാത്രം വിലമതിക്കുന്നുവെന്ന് തെളിയിക്കുകയാണ്. നമ്മുടെ സ്കൂളുകൾ എല്ലായ്പ്പോഴും ഭാവി വളർത്തിയെടുക്കപ്പെടുന്നതും അടുത്ത തലമുറയ്ക്ക് അഭിവൃദ്ധി പ്രാപിക്കാൻ കഴിയുന്നതുമായ സ്ഥലങ്ങളായിരിക്കും," അദ്ദേഹം കൂട്ടിച്ചേർത്തു.

നാളെയാണ് ലോക അധ്യാപക ദിനം. ഇതിനോട് അനുബന്ധിച്ചാണ് ദുബൈ കിരീടാവകാശിയായ ഷെയ്ഖ് ഹംദാൻ എമിറേറ്റിലെ 200 അധ്യാപകർക്ക് ​ഗോൾഡൻ വിസ നൽകാൻ ഉത്തരവിട്ടത്.

"ലോക അധ്യാപക ദിനത്തിൽ, അവരുടെ സമർപ്പണത്തെ തിരിച്ചറിയുകയും അവരെ പിന്തുണയ്ക്കുകയും ചെയ്യുക എന്നതാണ് ദുബൈയുടെ ഭാവിയിൽ നമുക്ക് ചെയ്യാൻ കഴിയുന്ന ഏറ്റവും മികച്ച നിക്ഷേപം. ക്ലാസ് മുറികൾക്കപ്പുറത്താണ് അവരുടെ സ്വാധീനം, അത് നമ്മുടെ സമൂഹത്തിന്റെ സ്വഭാവം കെട്ടിപ്പടുക്കുകയും ദുബൈയുടെ ആഗോള നിലവാരം ശക്തിപ്പെടുത്തുകയും ചെയ്യുന്നു," യുഎഇ പ്രതിരോധ മന്ത്രി കൂടിയായ ഷെയ്ഖ് ഹംദാൻ പറഞ്ഞു.

ALSO READ: ഒമ്പതാമത് ദുബൈ ഫിറ്റ്നസ് ചലഞ്ച് നവംബർ ഒന്നിന് ആരംഭിക്കും; രജിസ്ട്രേഷൻ ആരംഭിച്ചു 

അധ്യാപകർക്കുള്ള രണ്ടാം ഘട്ട ഗോൾഡൻ വിസയ്ക്കുള്ള അപേക്ഷകൾ ഒക്ടോബർ 15 മുതൽ ആരംഭിക്കും. ദുബൈയിലെ സ്വകാര്യ ബാല്യകാല കേന്ദ്രങ്ങൾ, സ്കൂളുകൾ, അന്താരാഷ്ട്ര ഉന്നത വിദ്യാഭ്യാസ സ്ഥാപനങ്ങൾ എന്നിവയിൽ ജോലി ചെയ്യുന്ന അധ്യാപകർക്ക് ഡിസംബർ 15 വരെ ​ഗോൾഡൻ വിസക്കായി അപേക്ഷിക്കാം.

marking world teachers' day on october 5, 2025, dubai crown prince sheikh hamdan bin mohammed issued directives to award golden visas to 223 exceptional educators in the emirate's private education sector, honoring their outstanding contributions to early childhood centers, schools, and higher education institutions. the breakdown includes 157 school staff, 60 university faculty, and six early childhood educators, providing them with long-term residency benefits without sponsorship.