ചെന്നൈ: 31-ാം വയസ്സിൽ ഇന്ത്യയിലെ ഏറ്റവും പ്രായം കുറഞ്ഞ ശതകോടീശ്വരനായി മാറിയിരിക്കുകയാണ് ചെന്നൈ സ്വദേശിയായ അരവിന്ദ് ശ്രീനിവാസ്. ഈ വർഷത്തെ എം3എം ഹുറുൺ ഇന്ത്യ പ്രസിദ്ധീകരിച്ച സമ്പന്നരുടെ പട്ടികയിൽ 21,190 കോടി രൂപയുടെ ആസ്തിയുമായാണ് ഇടം നേടിയിരിക്കുന്നത്. നിലവിൽ ഇന്ത്യയിലെ കൃത്രിമ ബുദ്ധി (AI) രംഗത്തെ ശ്രദ്ധേയനാണ് അരവിന്ദ്. പെർപ്ലെക്സിറ്റി എഐ എന്ന സ്റ്റാർട്ടപ്പിന്റെ സ്ഥാപകനും സിഇഒയുമായ അദ്ദേഹം, തന്റെ സ്റ്റാർട്ടപ്പിലൂടെ അതിവേഗം വളർന്ന് ലോക ശ്രദ്ധ നേടിയ സംരംഭകനും കൂടിയാണ്.

ALSO READ: നമ്മൾ നമ്മുടെ മണ്ണിനെ പരിപാലിച്ചാൽ, അത് നമ്മെയും പരിപാലിക്കും'; എഞ്ചിനീയറിംഗ് പാതിവഴിയിൽ ഉപേക്ഷിച്ച യുവാവ് കൃഷിഭൂമിയിൽ നിന്ന് നേടുന്നത് ലക്ഷങ്ങൾ

ആദ്യകാല ജീവിതവും വിദ്യാഭ്യാസവും

1994 ജൂൺ 7-ന് തമിഴ്‌നാട്ടിലെ ചെന്നൈയിൽ ജനിച്ച അരവിന്ദ്, ബാല്യം മുതലേ ശാസ്ത്ര മേഖലയിൽ അഗാധമായ താൽപ്പര്യം പ്രകടിപ്പിച്ചിരുന്നു. മദ്രാസ് ഐഐടിയിൽ കമ്പ്യൂട്ടർ സയൻസ് പഠനം പൂർത്തിയാക്കിയ അദ്ദേഹം, റൈൻഫോഴ്‌സ്‌മെന്റ് ലേണിംഗ് കോഴ്‌സുകൾ പഠിപ്പിക്കുകയും ചെയ്തിരുന്നു. തുടർന്ന്, 2021-ൽ യുസി ബെർക്ക്‌ലിയിൽ നിന്ന് കമ്പ്യൂട്ടർ സയൻസിൽ പിഎച്ച്ഡി നേടി. കമ്പ്യൂട്ടർ വിഷൻ, റൈൻഫോഴ്‌സ്‌മെന്റ് ലേണിംഗ്, ട്രാൻസ്‌ഫോർമറുകൾ, ജനറേറ്റീവ് മോഡലുകൾ എന്നിവയിൽ ഗവേഷണം നടത്തിയ അദ്ദേഹം, തന്റെ സംരംഭം തുടങ്ങുന്നതിന് മുമ്പ് OpenAI, DeepMind, Google തുടങ്ങിയ ലോകോത്തര AI ഗവേഷണ ലാബുകളിൽ പ്രവർത്തിച്ചു തന്റെ കഴിവിനെ ഒന്നും കൂടെ മൂർച്ച കൂട്ടിയെടുത്തു. HaloNet, ResNet-RS, OpenAI-യുടെ DALL·E 2 തുടങ്ങിയ പ്രശസ്ത മോഡലുകൾക്ക് അദ്ദേഹം സുപ്രധാന സംഭാവനകളും നൽകിയിട്ടുണ്ട്.

ALSO READ: ഫാസ്റ്റാഗില്ലാത്ത വാഹനങ്ങൾ: യുപിഐ വഴി ടോൾ ഫീസ് അടയ്ക്കുമ്പോൾ 25% മാത്രം അധികം; പണമാണെങ്കിൽ ഇരട്ടി തുക നൽകണം; പുതിയ ഭേദഗതി അടുത്ത മാസം മുതൽ പ്രാബല്യത്തിൽ

പെർപ്ലെക്സിറ്റി എഐ:  വിപ്ലവത്തിന്റെ തുടക്കം

2022 ഓഗസ്റ്റിൽ ഡെനിസ് യാരാറ്റ്‌സ്, ആൻഡി കോൺവിൻസ്കി എന്നീ സുഹൃത്തുക്കളോടൊപ്പം പെർപ്ലെക്സിറ്റി എഐ എന്ന സ്ഥാപനം സ്ഥാപിച്ചു. പരമ്പരാഗത തിരയൽ പ്ലാറ്റ്‌ഫോമുകൾക്ക് പകരമായി വേഗതയേറിയതും കൃത്യവും വിശ്വസനീയവുമായ ഉത്തരങ്ങൾ നൽകുന്ന ആശയവിനിമയ സെർച്ച് എഞ്ചിനാണ് ഈ സ്റ്റാർട്ടപ്പിന്റെ ലക്ഷ്യം. ചുരുങ്ങിയ കാലത്തിനുള്ളിൽ, പെർപ്ലെക്സിറ്റി എഐ ആഗോള AI വിപണിയിൽ ശക്തമായ സാന്നിധ്യമായി മാറി. ഇന്ത്യയാണ് ഈ പ്ലാറ്റ്‌ഫോമിന്റെ ഏറ്റവും വലിയ ഉപയോക്തൃ അടിത്തറ എന്ന് അരവിന്ദ് പറഞ്ഞു.

ALSO READ: ഓൺലൈൻ ഷോപ്പിങ് നടത്തുമ്പോൾ ക്യാഷ് ഓൺ ഡെലിവറിക്ക് പിന്നിലെ തട്ടിപ്പ് തന്ത്രങ്ങൾ: ഫ്ലിപ്കാർട്ട്, ആമസോൺ എന്നിവയ്ക്കെതിരെ അന്വേഷണത്തിന് ഉത്തരവ്

 

 

2023 മുതൽ, അരവിന്ദ് ഒരു ഏഞ്ചൽ നിക്ഷേപകനായും സജീവമാണ്. ഇലവൻ ലാബ്സ് (ടെക്സ്റ്റ്-ടു-സ്പീച്ച്), സുനോ (ടെക്സ്റ്റ്-ടു-മ്യൂസിക്) തുടങ്ങിയ AI സ്റ്റാർട്ടപ്പുകളിൽ നിക്ഷേപം നടത്തിയ അദ്ദേഹം, ജനറേറ്റീവ് AI-യുടെ പുതിയ സാധ്യതകളിൽ നല്ല വിശ്വാസം പ്രകടിപ്പിക്കുന്നു.

ഇന്ത്യയിലെ പദ്ധതികൾ

ഇന്ത്യയിലെ എഐ ഉപയോ​ഗിക്കുന്ന വലിയ ഒരു സംഘത്തെ കണക്കിലെടുത്ത്, അരവിന്ദ് രാജ്യത്ത് തന്ത്രപരമായ പദ്ധതികളിൽ ഇതിനോടകം ശ്രദ്ധ കേന്ദ്രീകരിക്കുന്നുണ്ട്. ബെംഗളൂരുവിലോ ഹൈദരാബാദിലോ എഞ്ചിനീയറിംഗ് ഹബ്ബുകൾ സ്ഥാപിക്കാനും പെർപ്ലെക്സിറ്റി ഫണ്ട് രൂപീകരിക്കാനും ആണ് അദ്ദേഹത്തിന്റെ പ്രധാന പദ്ധതി. യാത്ര, വിദ്യാഭ്യാസം, ഷോപ്പിംഗ്, ആരോഗ്യ സംരക്ഷണം തുടങ്ങിയ മേഖലകളിൽ പങ്കാളിത്തം വളർത്തുകയാണ് ലക്ഷ്യം.

തന്റെ 31-ാം വയസ്സിൽ, അരവിന്ദ് ശ്രീനിവാസ് ഇന്ന് എത്തി നിൽക്കുന്നത് ഇന്ത്യയുടെ AI വിപ്ലവത്തിന്റെ മുൻനിരയിലാണ്. ചെന്നൈയിൽ നിന്ന് ആഗോള AI രംഗത്തേക്കുള്ള അദ്ദേഹത്തിന്റെ യാത്ര, യുവ സംരംഭകർക്ക് പ്രചോദമാക്കാവുന്നതാണ്.

Aravind Srinivas, a 31-year-old Chennai-born AI entrepreneur, is India's youngest billionaire with ₹21,190 crore in assets per the 2025 Hurun India Rich List. As founder and CEO of Perplexity AI, he has revolutionized search with conversational AI, drawing from his IIT Madras education, UC Berkeley PhD, and stints at OpenAI and Google.india youngest billionaire. aravind srinivas.