ദുബൈ: ഷെയ്ഖ് സായിദ് റോഡിൽ 300 മീറ്റർ നീളമുള്ള പുതിയ പാലം തുറന്ന് ദുബൈ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA). ഈ പാലം അബൂദബിയിൽ നിന്നും ജബൽ അലിയിൽ നിന്നും മാൾ ഓഫ് ദി എമിറേറ്റ്‌സിലേക്ക് വാഹനങ്ങൾക്ക് നേരിട്ടുള്ള പ്രവേശനം നൽകുന്നു. മജിദ് അൽ ഫുത്തൈം പ്രോപ്പർട്ടീസുമായി സഹകരിച്ചാണ് പാലം നിർമ്മിച്ചിരിക്കുന്നത്.

മണിക്കൂറിൽ 900 വാഹനങ്ങൾ കൈകാര്യം ചെയ്യാൻ ഈ ഏകവരി പാലത്തിന് സാധിക്കും. മാളിലേക്കുള്ള യാത്രാസമയം 10 മിനിറ്റിൽ നിന്ന് വെറും ഒരു മിനിറ്റായി കുറയ്ക്കാൻ ഈ പാലത്തിന് കഴിയുമെന്നാണ് പ്രതീക്ഷിക്കുന്നത്.

ALSO READ: ‘മനുഷ്യരാശിക്ക് പരിചിതമായ ഏറ്റവും മഹത്തായ തൊഴിൽ’; ലോക അധ്യാപക ദിനത്തിൽ അധ്യാപകർ‌ക്ക് ആശംസകൾ നേർന്ന് യുഎഇ ഭരണാധികാരികൾ

ഈ പദ്ധതിയുടെ ഭാഗമായി, കെംപിൻസ്കി ഹോട്ടലിന് സമീപമുള്ള റോഡ് വൺവേയിൽ നിന്ന് ടുവേ ഗതാഗതമാക്കി മാറ്റി, മാളിന്റെ പ്രവേശന കവാടങ്ങൾ, ചുറ്റുമുള്ള റോഡുകൾ, ജംഗ്ഷനുകൾ, നടപ്പാതകൾ, സൈക്ലിംഗ് ട്രാക്കുകൾ എന്നിവയും നവീകരിച്ചു.

ഗതാഗത പ്രവാഹം മെച്ചപ്പെടുത്താനും നിവാസികൾക്കും സന്ദർശകർക്കും വിവിധ പ്രദേശങ്ങളിലൂടെയുള്ള യാത്ര എളുപ്പമാക്കാനുമാണ് ഈ പദ്ധതി ലക്ഷ്യമിടുന്നത്. RTA-യുടെ ഡയറക്ടർ ജനറലും എക്സിക്യൂട്ടീവ് ഡയറക്ടർ ബോർഡ് ചെയർമാനുമായ മത്താർ അൽ തായർ വ്യക്തമാക്കി.

പദ്ധതിയുടെ ഭാഗമായി, പുതിയ പാലം നിർമ്മിക്കുകയും, ഉം സുഖൈം ജംഗ്ഷനിലെ തെക്കോട്ടുള്ള റാമ്പ് വീതി കൂട്ടുകയും ചെയ്തു. ഉം സുഖൈം സ്ട്രീറ്റിൽ നിന്ന് മാളിന്റെ പാർക്കിംഗ് ഏരിയയിലേക്കുള്ള വാഹനങ്ങളുടെ പ്രവേശനം സുഗമമാക്കാനായി ജംഗ്ഷൻ നവീകരിക്കുകയും ചെയ്തു. പുതിയ പാലം മാളിന് ചുറ്റുമുള്ള റോഡുകളിൽ ഗതാഗത കാര്യക്ഷമത വർധിപ്പിക്കുകയും റോഡ് സുരക്ഷ മെച്ചപ്പെടുത്തുകയും ചെയ്യും, അൽ തായർ കൂട്ടിച്ചേർത്തു.

The Roads and Transport Authority (RTA) in Dubai has opened a new bridge on Sheikh Zayed Road, aiming to reduce traffic congestion and improve the commute for motorists. Although the exact impact on travel time to the Emirates Mall is unclear, a similar project on Sheikh Rashid Road has shown promising results, with travel time reducing from 21 minutes to 7 minutes