ദോഹ: ഈ വർഷം ആദ്യം സൗദി അറേബ്യയിൽ പ്രവർത്തനം ആരംഭിച്ചതിന് പിന്നാലെ യുഎസ് ഇലക്ട്രിക് വാഹന ഭീമൻ ടെസ്‌ല തങ്ങളുടെ സൈബർട്രക്ക് ഖത്തറിലും വിൽപ്പന ആരംഭിച്ചു. മന്ദഗതിയിലുള്ള ഡിമാൻഡും പ്രധാന യുഎസ്, ചൈനീസ് വിപണികളിൽ കടുത്ത മത്സരവും നേരിടുന്നതിനാൽ അന്താരാഷ്ട്ര വ്യാപ്തി വർദ്ധിപ്പിക്കുന്നതിനുള്ള ടെസ്ലയുടെ നീക്കവുമാണ് ഖത്തറിലെ പുതിയ കാൽവയ്പ്പിന് പിന്നിൽ. 2017 ൽ മിഡിൽ ഈസ്റ്റ് വിപണിയിലേക്ക് ടെസ്‌ല ആദ്യമായി കടന്നുവന്നത് യുഎഇയിലേക്ക് ആണ്. ഈ വർഷം ഏപ്രിലിൽ ആണ് സൗദിയിൽ ലോഞ്ച് ചെയ്തത്.  

വടക്കേ അമേരിക്കയ്ക്ക് പുറത്ത് ടെസ്‌ലയുടെ സൈബർട്രക്ക് വിൽപ്പനയുടെ ആദ്യ തരംഗമാണ് മൂന്ന് ജിസിസി രാജ്യങ്ങൾ. ഖത്തറിൽ സൈബർട്രക്ക് വിൽപ്പനക്ക് വൻ സ്വീകാര്യത ലഭിച്ചതായി ടെസ്‌ല അറിയിച്ചു. ഓൺലൈൻ ഓർഡറിംഗ്, പോപ്പ്-അപ്പ് ഷോറൂമുകൾ, സൂപ്പർചാർജർ സ്റ്റേഷനുകൾ, സർവീസ് സെന്ററുകൾ എന്നിവ ഉപയോഗിച്ച് പ്രാദേശിക വിൽപ്പനയെ പിന്തുണയ്ക്കുമെന്ന് കമ്പനി അറിയിച്ചു.

ചൈനീസ് വാഹന നിർമാതാക്കളായ ബിവൈഡി, സീക്കർ എന്നിവയിൽ നിന്നും സൗദിയുടെ പബ്ലിക് ഇൻവെസ്റ്റ്മെന്റ് ഫണ്ടിന്റെ പിന്തുണയുള്ള യുഎസ് എതിരാളിയായ ലൂസിഡിൽ നിന്നുമാണ് ടെസ്ല ശക്തമായ മത്സരം നേരിടുന്നത്.

Tesla has begun selling its Cybertruck in Qatar, the US electric vehicle maker said in a post on X on Friday, following the launch of its operations in Saudi Arabia earlier this year