ഹരിപ്പാട്: ആര്‍. ശങ്കര്‍ ബോട്ട് ക്‌ളബ്ബിന്റെ ആഭിമുഖ്യത്തില്‍ 8-ാമത് തൃക്കുന്നപ്പുഴ ജലോത്സവം 15ന് തൃക്കുന്നപ്പുഴ ആറ്റില്‍ നടക്കും.
രാവിലെ 10ന് പതാക ഉയര്‍ത്തല്‍, ഉച്ചയ്ക്ക് 2ന് ജലഘോഷയാത്ര, മാസ്ഡ്രില്‍, 2.30ന് ജലമേളയുടെ ഉദ്ഘാടനം പ്രതിപക്ഷ നേതാവ് രമേശ് ചെന്നിത്തല നിര്‍വ്വഹിക്കും. തൃക്കുന്നപ്പുഴ ഗ്രാമപഞ്ചായത്ത് പ്രസിഡന്റ് അമ്മിണി ടീച്ചര്‍ അദ്ധ്യക്ഷയാകും. മുന്‍ എം.എല്‍എ ടി.കെ ദേവകുമാര്‍ ഫ്‌ളാഗ് ഓഫ് ചെയ്യും.
എസ്.എന്‍.ഡി.പി യോഗം ചേപ്പാട് യൂണിയന്‍ പ്രസിഡന്റ് സലികുമാര്‍ മുഖ്യപ്രഭാഷണം നടത്തും. ആലപ്പുഴ ഡി.വൈ.എസ്.പി കെ.സുഭാഷ് സമ്മാനദാനം നിര്‍വഹിക്കും. തൃക്കുന്നപ്പുഴ എസ്.ഐ നിസാമുദീന്‍ ഗ്രാന്റ് വിതരണം നടത്തും.