ദുബൈ: ഡിസംബറില്‍ നാട്ടിലേക്ക് യാത്ര ചെയ്യാന്‍ ആഗ്രഹിക്കുന്ന പ്രവാസികള്‍ ഉടന്‍ ടിക്കറ്റ് ബുക്ക് ചെയ്യണമെന്ന് ട്രാവല്‍ ആന്റ് ടൂറിസം രംഗത്തെ വിദഗ്ധര്‍. ഡിസംബര്‍ അവധിക്കാലത്തോട് അനുബന്ധിച്ച് ടിക്കറ്റ് നിരക്ക് 50 ശതമാനത്തോളം വര്‍ധിക്കാന്‍ സാധ്യതയുണ്ടെന്ന് ട്രാവല്‍ ആന്റ് ടൂറിസം രംഗത്തെ വിദഗ്ധര്‍ വ്യക്തമാക്കുന്നു. ഇപ്പോള്‍ ടിക്കറ്റ് ബുക്ക് ചെയ്താല്‍, നവംബര്‍ അവസാനം ബുക്ക് ചെയ്യുമ്പോള്‍ ഉണ്ടാകുന്നതിനേക്കാള്‍ 30 മുതല്‍ 40 ശതമാനം വരെ കുറവ് ലഭിക്കുമെന്നും വിദഗ്ധര്‍ പറയുന്നു.

ALSO READ: പിങ്ക് കാരവന്‍ ഷാര്‍ജയില്‍ 10 മുതല്‍; സൗജന്യ സ്തനാര്‍ബുദ പരിശോധനകളും പ്രവര്‍ത്തനങ്ങളും 

ദുബൈ-ലണ്ടന്‍ പോലുള്ള റൂട്ടിലെ നിലിലെ ടിക്കറ്റ് നിരക്ക് 3,800 ദിര്‍ഹം മുതല്‍ 4,200 ദിര്‍ഹം വരെയാണ്. ഡിസംബര്‍ അവധിക്കാലത്തോട് അടുക്കുമ്പോള്‍ ഇത് കുത്തനെ ഉയര്‍ന്നേക്കും. അതിനാല്‍ അവധിക്കാല യാത്രകള്‍ പ്ലാന്‍ ചെയ്യുന്നവര്‍ എത്രയും പെട്ടെന്ന് ടിക്കറ്റ് ബുക്ക് ചെയ്യുന്നതാണ് നല്ലതെന്ന് വിവിധ ട്രാവല്‍ ഏജന്‍സികളിലെ പ്രതിനിധികള്‍ വ്യക്തമാക്കി.

ഡിസംബര്‍ മാസത്തിലെ 2, 3 തീയതികളിലെ യുഎഇ നാഷണല്‍ ഡേ അവധി, ക്രിസ്മസ്, ന്യൂയര്‍ ഡേ തുടങ്ങിയ ആഘോഷങ്ങളോടനുബന്ധിച്ച് യുഎഇയില്‍ നിന്ന് നിരവധി പ്രവാസികള്‍ നാട്ടിലേക്കെത്താന്‍ സാധ്യതയുണ്ട്. ഇതു മുന്നില്‍ കണ്ട് വിമാനക്കമ്പനികള്‍ ടിക്കറ്റ് നിരക്ക് കുത്തനെ ഉയര്‍ത്തിയേക്കും. നിലവില്‍ പല റൂട്ടുകളിലും താരതമ്യേന കുറഞ്ഞ നിരക്കില്‍ ടിക്കറ്റ് ലഭിക്കുന്നുണ്ടെങ്കിലും ഡിസംബര്‍ രണ്ടാം വാരം മുതല്‍ ഉയര്‍ന്ന ഡിമാന്റ് കാരണം ടിക്കറ്റ് നിരക്ക് വര്‍ധിച്ചേക്കും. ഈ സമയങ്ങളില്‍ 20 മുതല്‍ 50 ശതമാനം വരെ ടിക്കറ്റ് നിരക്ക് വര്‍ധിക്കാനാണ് സാധ്യത.

ALSO READ: പിങ്ക് കാരവന്‍ ഷാര്‍ജയില്‍ 10 മുതല്‍; സൗജന്യ സ്തനാര്‍ബുദ പരിശോധനകളും പ്രവര്‍ത്തനങ്ങളും 

അന്താരാഷ്ട്ര യാത്രകള്‍ക്ക് മുന്‍കൂട്ടി ടിക്കറ്റ് ബുക്ക് ചെയ്യാന്‍ അനുയോജ്യമായ സമയം യാത്രയുടെ 6 മുതല്‍ എട്ട് ആഴ്ച മുമ്പാണ്. അവധിക്കാലങ്ങളിലും ആഘോഷ വേളകളിലും ഏറ്റവും മികച്ച നിരക്കുകള്‍ ആദ്യം തന്നെ വിറ്റുപോകും. ഇപ്പോള്‍ ബുക്ക് ചെയ്താല്‍ മികച്ച നിരക്കില്‍ ഡിസംബറില്‍ സീറ്റ് ഉറപ്പിക്കാം. ഇതിനുപുറമേ ഇപ്പോള്‍ ടിക്കറ്റ് ബുക്ക് ചെയ്താല്‍ 25 മുതല്‍ 20 ശതമാനം വരെ ലാഭിക്കുകയും ചെയ്യാം. ഈദുല്‍ ഇത്തിഹാദ് അവധികളുടെ മുമ്പും പിമ്പുമായി വാര്‍ഷിക അവധിയെടുത്താല്‍ പ്രവാസികള്‍ക്ക് പത്ത് ദിവസം വരെ ലഭിക്കാന്‍ ഇടയുണ്ട്. ഇപ്പോള്‍ തന്നെ ടിക്കറ്റ് ബുക്ക് ചെയ്താല്‍ വലിയ ലാഭം കൊയ്യാന്‍ സാധിക്കും.

airline ticket prices could explode in december due to holiday demand. discover the ideal booking window, tips for cheap fares, and strategies for expats and travelers amid rising costs in the gulf region.