കുവൈത്ത് സിറ്റി: രാജ്യത്തെ നീതിന്യായ വ്യവസ്ഥയില്‍ സുപ്രധാനമായ ചുവടുവെപ്പ് നടത്തി, കുവൈത്തില്‍ പെറ്റി കേസുകളില്‍ ഇനി ഇലക്ട്രോണിക് വിധി. കുവൈത്തിലെ ക്രിമിനല്‍ നടപടിക്രമങ്ങളുമായി ബന്ധപ്പെട്ട 1960ലെ നിയമത്തിലെ 17ാം അനുച്ഛേദം ഭേദഗതി ചെയ്യുന്ന കരട് നിയമത്തിന് മന്ത്രിസഭാ യോഗം അംഗീകാരം നല്‍കിയതോടെയാണ് ഇത് സാധ്യമായത്. ചെറിയ കേസുകളില്‍ വിധികള്‍ പുറപ്പെടുവിക്കാന്‍ കോടതികള്‍ക്ക് പൂര്‍ണ്ണമായും ഇലക്ട്രോണിക് രീതി അവലംബിക്കാമെന്നതാണ് ഭേദഗതിയുടെ ഹൈലൈറ്റ്. മന്ത്രിസഭ അംഗീകാരം നല്‍കിയ നിയമത്തിന്റെ മുഴുവന്‍ രൂപവും പുറത്തുവന്നിട്ടില്ല.

ഹരജികള്‍ സ്വീകരിക്കുക, ചര്‍ച്ചകള്‍ നടത്തുക, ബന്ധപ്പെട്ട കക്ഷികളെ കേള്‍ക്കുക, വിധികള്‍ പുറപ്പെടുവിക്കുക, ഡിജിറ്റല്‍ സംവിധാനം വഴി വിധികള്‍ പ്രഖ്യാപിക്കുക എന്നിവ ഇതില്‍ ഉള്‍പ്പെടുന്നു. പരമ്പരാഗത കോടതി സെഷനുകളുടെ ആവശ്യകത ഇല്ലാതാക്കി, കേസ് ഫയലുകളുടെ അവലോകനത്തെ മാത്രം അടിസ്ഥാനമാക്കി ജഡ്ജിമാര്‍ ഈ വിധികള്‍ പുറപ്പെടുവിക്കുന്നു. കേസ് ഫയല്‍ ചെയ്തത് മുതല്‍ വിധി പ്രഖ്യാപനം വരെയുള്ള എല്ലാ നടപടിക്രമങ്ങളും പുതിയ ഭേദഗതിയില്‍ ഉള്‍പ്പെടുത്തിയിട്ടുണ്ട്.

വിചാരണയുടെയോ സാക്ഷി വിസാതരത്തിന്റെയോ ആവശ്യമില്ലാതെ പിഴ ചുമത്തുന്ന ചെറിയ കേസുകളില്‍ പുതിയ ഭേദഗതി നിര്‍ണ്ണായകമാകും. കേസുകളില്‍ അതിവേഗം വിധി പ്രഖ്യാപിക്കാന്‍ ഇത് സഹായിക്കുമെന്ന് കുവൈത്ത് മാധ്യമങ്ങള്‍ റിപ്പോര്‍ട്ട്‌ചെയ്തു. കോടതികളുടെയും വ്യവഹാരികളുടെയും ജോലിഭാരം ഗണ്യമായി കുറയ്ക്കാനും ഇതുവഴി സാധിക്കും. കുറ്റകൃത്യങ്ങളുമായി ബന്ധപ്പെട്ട് പിടിച്ചെടുത്ത വസ്തുക്കള്‍ കൈകാര്യം ചെയ്യുന്നതിനുള്ള നടപടിക്രമങ്ങളും എളുപ്പത്തിലാകും.

ALSO READ: ദുബൈയില്‍നിന്ന് ഡല്‍ഹിയിലേക്കുള്ള സ്‌പൈസ് ജെറ്റ് വിമാനം ലാന്‍ഡ് ചെയ്തത് ലഗേജില്ലാതെ; കമ്പനിക്കെതിരേ കരിപ്പൂരിലേതടക്കം 24 മണിക്കൂറിനുള്ളില്‍ മൂന്ന് പരാതികള്‍ | SpiceJet

The Council of Ministers has given nod to a draft decree-law amending certain provisions of the Criminal Procedures and Trials Law (Law No. 17 of 1960), introducing a major shift toward digital justice. The amendment focuses on the penal order system, allowing courts to handle simple cases entirely through electronic means—from receiving requests and deliberations to issuing and announcing rulings via the digital platform.