തിരുവനന്തപുരം: അന്തരിച്ച മാധ്യമപ്രവര്‍ത്തകരുടെ കുടുംബാംഗങ്ങള്‍ക്കുള്ള കേരള പത്രപ്രവര്‍ത്തക യൂനിയന്റെ സഹായധനം കൈമാറി.
കേരള കൗമുദി ചീഫ് ഫോട്ടോ എഡിറ്ററായിരുന്ന എസ്.എസ് റാം, മാതൃഭൂമി ചാനല്‍ ക്യാമറാമാനായിരുന്ന റെജിമോന്‍ എന്നിവരുടെ കുടുംബാംഗങ്ങള്‍ക്കുള്ള സഹായധനമാണ് നല്‍കിയത്.  
കേസരി സ്മാരകത്തില്‍ നടന്ന ചടങ്ങില്‍ കെ.യു.ഡബ്ല്യു.ജെ ജനറല്‍ സെക്രട്ടറി സി. നാരായണന്‍ റെജിമോന്റെ ഭാര്യ എസ്. സുബിക്ക് ധനസഹായം കൈമാറി. റാമിന്റെ വീട്ടില്‍ കെ.യു.ഡബ്ല്യു.ജെ ഭാരവാഹികള്‍ എത്തിയാണ് സഹായം കൈമാറിയത്. സി. നാരായണന്‍, കെ.യു.ഡബ്ല്യു.ജെ ജില്ലാ പ്രസിഡന്റ് സി റഹിം, ട്രഷറര്‍ പി, ശ്രീകുമാര്‍, സംസ്ഥാന കമ്മിറ്റി അംഗം എ. സുകുമാരന്‍ ജില്ലാ കമ്മിറ്റി അംഗം എന്‍.വി രവീന്ദ്രനാഥന്‍ നായര്‍ എന്നിവര്‍ പങ്കെടുത്തു.